Maraland Gospel Centenary Moonlight Award programme ropui taka zawhfel a ni ta

Saiha, December 3, 2007: Maraland Gospel Centenary Moonlight Award csemna programme chu ropui takin 30.11.07 khan MTP Hall New Colony ah zawhfel a ni ta.A zankhatna a khuallian Pu S.Khipo,CEM,MADC chuan thu sawiin, Moonlight Editor Pu J.Jeffrey Khara hmangin Pathianin thil ropui tak min tisak a,Mara Radio Artist hmasa ber leh a dangten an dam lai ngeia Maraland Gospel Centenary Moonlight Award anmahni ngeiin an dawng hian Award hlutna a tipung lehzual a ni,tiin zaithiam zawng zawng ten Artist hmasa ber,bul tantu Mipa lamah Pu Hmaoko Hlychho Hmeichhe lamah Pi Nata Azyu te hi an zahthiam a tul a ni,a ti.

A zankhatna ah hian Pu K.L.Liana,ADMJ Lunglei leh Pu B.Dawpho,President,MJA Saiha District te chu khualzahawm an ni azan hnihna ah khuallian Pu B.Lalduhsaka, EM, LADC i/c Middle School Education chuan thu sawi in hmar lamah Pu C. Dinthanga`n thalaite a promote a chhim lamah Pu J.Jeffrey Khara`n a promote thung,tiin talent nei thate chawimawina hi a ropui a ni, a ti.

Khualzahawm Pu C.Dinthanga,Editor Lelte chuan thu sawiin, Lelte leh Moonlight chu a inzawm nghet tlat a ni, nakum Lelte Award sem leh tur pawh Saiha District atanga dawngtu tur chu Moonlight Award Organising Board kutah dah leh a ni,a ti a.Leiba sing 4-5 Saiha leh a piah lam zawnga Lelte news man bate chu Maraland Gospel Centenary lawmna den chhenin ngaihdamna a puang nghal a ni.

AWARD THUNAWI

* Hmingtea chuan he Maraland Gospel Centenary Moonlight Award hi Pathianin mal a sawm a ni,a ti.Hmingtea hian Mara hla a zai a, nidang zawng aiin a aw tha lehzual tih a hriat.

* Award a zaitute zingah Vasty aw a special ber mai nia a hriat thu Mami Varte chuan a sawi. Hei hi Hmingte pawhin a thlawp tlat bawk nia sawi a ni.

* Mami Varte chu Pu Jeffrey Khara chuan Mara tawng a zirtir a, a thiam nual tawh a, Aizawlah Pu Jeffrey a kal hunah Pu Jeffrey hian zirtir chhunzawm turin Pu jeffrey a ngen.

Mami Varte chuan`He Maraland Gospel Centenary Moonlight Award lawmna programme ropui tak kan buatsaih hunah Mr. Jeffrey Khara,Mr.WB Manners Azyu leh Hmingtea te chu telpui ngei turin a ngen a,an tel lo vaih chuan a lungawi loh tur thu ML a hrilh a, WB,Jeffrey leh Hmingtea pawhin telpui ngei an tiam tawh bawk.

Mami hian Saiha chu nuam a tih thu leh a mi chengte pawh an fel hle a ni tih a sawi.

* Zomuanpuii leh Christy chuan Saiha chu nuam an tih thu an sawi.

* Hc.Sanglura chuan Amotlah khawchhuak a nih thu leh Hlychho a nihna hi Mizoramah a chhuang ber mai a ni tih a sawi
Amotlah tlangval HC.Sanglura hi tunlai Mizoram mipa zai thiam zinga hit ber a ni mek.

* Mami Varte, Zomuanpuii, Christy leh Hc.Sanglura chuan Maraland Gospel Centenary Moonlight Award bakah Maraland Gospel Centenary Sash/Mufler present an dawng bawk a,hei hi an dam chhunga ro pawimawh ber a nih thu ML thalai huang an hrilh.

* Maraland Gospel Centenary Moonlight Award hi district tinah CD pekchhuah a ni dawn a,internet ah khawvel pum en turin chhuah a ni bawk ang.

Maraland Gospel Centenary Miss J.Lynapawti Colony, Saiha leh Southern Supermodel Ramdinsangi,Lawngtlai te chu khualzahawm an ni a, Mizoram pum milar ZoTalk buatsaihtu Pu Sangzela Tlau chu Special Guest a ni bawk.

Mizoram a Award category tam ber ni turin Award 46 zet semchhuah a ni a,hei hi Mizoram record a tling a ni.

Programme on District Level Training National Rural Drinking Water Quality Monitoring & Surveillance Programme & Total Sanitation Campaign tan a ni.

Saiha, Nov,29 : Nithum awh tur Programme on District Level Training National Rural Drinking Water Quality Monitoring & Surveillance Programme & Total Sanitation Campaign chu nimin khan Laila Hall,College Veng ah tan a ni a, 1st session hi Pu H.P.Sahu,DC Saiha chuan a kaihruai a, khuallian Pu S.Khipo,CEM,MADC chuan thu sawiin tui thianghlim hi mipui mamawh ber a ni a, PHE ten tui thianghlim test-na hmanrua hmang thei tura engkim an peihfel ta hi a lawmawm tak zet a ni,a ti.
Pu K.Sachho,SDO,PHE chuan tawngtaina hun a hmang a, Pu T.Lalremsiama chuan,Director,CCDU chuan introductory speech hun a hmang a ni.

Technical session chhunzawm a ni a, Tui thianghlimlo leh a kaihhnawih natna te tih thupui hmanga paper present ngaihthlak a ni a,Ramngaw humhalh a tul zia te,Total Sanitation Campaign leh Water Suuply & Sanitation tih thupui hmang paper present ngaihthlak a ni.Vawiin hian Ramngaw humhalh, Water quality, Tuihnar humhalh,etc sawi a ni leh ang.

* MADC huam chhunga V.C Association chuan 28.11.07 thlenkimni ah hmangin 29.11.07 Laila Hall-ah Emergency meeting an nei dawn a, member te kim taka kalkhawm turin an inhriattir.

* Nimin tlai khan Obet, College Veng chu lungphu chawlhin a thi a, vawiin hian vuiliam a ni ang.

* Mizoram sawrkar dawr turin Pu Laicho Notlia, President,MNF District Hqrs Saiha chuan Aizawl panin nimin khan Saiha a chhuahsan a ni.

* Saiha District Development Vigilance Committee hmalakna chu chak taka kalpui zel a ni a, mipuiten an fak hle a,SDDVC chuan ram leh mipui tana tha tur apiang chu atul anga kal zel an tum tlat a ni tih an hruaitute hnen atanga thu dawn a ni.

* District Sports & Youth Office, Lunglei leh Lung lei District Athletics Association buatsaihin Lunglei, Lawngtlai leh Saiha District chhunga mite tan Dt.29.11.2007 hian Mara thon 2007 neih a ni dawn a,he Marathon a tel duh chuan in report tur. 1st - Rs.5000/- 2nd Rs. 3000/- 3rd Rs.2000/-

Programme on District Level Training National Rural Drinking Water Quality Monitoring & Surveillance Programme & Total Sanitation Campaign tan a ni.