Finance changtu Pu S.Khipo,CEM,MADC chuan sorkar kumthar 2008-09 budget House ah a pharh

Saiha,Mar,26: Nimin khan Mara Autonomous District Council Budget session tan a ni. Finance changtu Pu S.Khipo,CEM,MADC chuan kum 2008-09 sorkar kumthar Budget chu House ah a pharh a. Non plan Rs.2349.00 lakhs, plan Rs.790.00 lakhs Revenue Receipt Rs. Rs.42.00 lakhs, Non Lapseable Centrall pool Resource Rs.145.58 lakhs Total Rs.3326.58 lakhs chu House pawmpui atan CEM chuan a pharh a ni.
In sak tanpuina kha
Integrated Housing & Slum Area Development Programme hnuaia hma lakna DC,Saiha chairman-na hnuaiah kalpui mek a ni a,tunah hian mi 100 thlan an ni tawh niin Pu Thangchem Zathang,SDO(S) chuan a sawi. Chairman - DC,Saiha Member Secy - SDO(S) Members : President, MTP Gen.Hqrs, ADC(P), Treasury Officer
* MTP General Conference chu nizan atang khan Zawnglingah tan a ni a, tarlan tawh angin hruaitu thar pawh tun tum Gen.Conference ah hian thlan a ni nghal dawn a ni.
* Nimin tlai khan DC,Saiha hovin Dist. Le vel Coordination Committee an thukhawm a, Buh chi sem tur Tin 680 Rs,135000/- man Tin 1 Rs.200/- a lei tawhte sem chhuah dan tur sawiho a ni a, Lo vat tawh buh chi nei lote hnenah sem a ni dawn a, Lo vat tawh Buh chi neilo tan dil theih a ni.
* Dt.28.3.08 khian New Saiha West ah Malaria Awareness campaign buat saih a ni ang.
* Kum 2 hnua Ukil ni tawh mai tur Pu J.Vacho chu tunlai hian Saiha ah a cham mek a ni.
* Nimin khan MJA,Saiha chuan PRO Office ah meeting neiin MJA General Conference Aizawla neih thlirletna neiin kum dang zawng aia function changkang leh hlawhtling nia an hriat thu leh lawm awm an tih thu an sawi.
* Tunlai hian power supply a mumal leh lo tan a, regular se mipuiin an duh.
Pu Hiato thusawi
Dt.21.3.08 zan dar 6 khan an In,Chaltlang,Aizawlah Pu S.Hiato,MLA chuan MJA Saiha chawhlui a buatsaih saknaah ‘ MCP leh MPCC chuan kan thawhho dan tur kan ruahman vek tawh a, thawhhona thuthlung ziahfel chiah kan hmabak a ni’tiin a sawi.
Pu Lalsawta thusawi
Tunhnai khan Aizawlah MP CC hruaituten Press an kawmnaah MCP nen thawh hona a hnai em tia press mite zawhna chhangin Pu Lal sawta chuan, thawhhona tur kan ruahman vek a,Pu J.Lalsangzuala a dam veleh thuthlung kan sign thuai beisei a ni,a ti.