Mautam avangin tumah riltama thih kan phal lo

Mautam avangin tumah riltama thih kan phal lo,Taksa leh Thlarau dam loh pawh kan phal lo bawk- DC,Saiha.

Saiha,Apr,12: Nihnih leh zanhnih riaka Phura leh a chhehvel khua tlawha zin kual Pu H.P.Sahu,DC,Saiha chuan dam takin Saiha alo thleng ta.Bawrhsap hi a tlawhna khua ten ropui takin pangpar thi nen lo hmuakin an zawn zel a,District Dy. Commissioner meuhin a tlawh chu an thlamuan phah em em a ni tih thu dawn ani.

* ECM Choir chuan Fine Tune Recording Studio ah hla an thun mek zel a, an hit leh ngei beisei a ni.

* Dt.11.4.08 khian Youth icon 2007 Malsawmtluangi Fanai album release a ni dawn ta.

* John Beizachhi chuan Indian idol ah zai ve turin a inpuahchah mek a ni tih a thiannu Pi Ate hnen atanga thu dawn a ni. Tunah hian New Delhi ah a awm mek a ni.

* Merisa lawmpuina kan hlan e- Pawpaw & Vala

* WB hlaphuah, Kimkim -in a larpui ‘ When you go home’ tih hi ka duh ber mai - linda

* Maduhi hla `Ary khao vei ma? tih hi ka duh bon top - thatha

* Samari aw hi a tham nalh ka ti - tk-a

* Pu jeffrey, Darling khawpui,Myanmar a MTP-MSA Conference-a i khuallian leh Miss contest i buatsaih lai kha kan theihnghilh thei lo, Rangoon a khuallian atana kan sawmna che hi rawn tihhlawhtling leh hram ang che aw - mawmaw khai, crazy maybe, fifi, yangon.

* Pu Jeff,kumin ML Award hunah chuan Champhai lam pawh min sawm tel ve roh aw-zawntei & marina

* Siamkungi`n ‘Chapasai vana’ tih hla a zai hi ka duh ber mai - Paro

Pu C.Vahlo a bang!

MDF-Congress Coordination Committee member Pu C.Vahlo chuan nimin khan banna a thehlut! kan palai zawhna chhangin Pu Vahlo chuan mi pakhat sum tihchingpen hi sorkar sum tihchingpen a ni zel a,Coordination hi ka tel ve chinah vawi 2 chiah kan thukhawm a, issue lian tham ah Coordination rawn kan hlawh bawk lova,hahthlak ka ti a,banna ka thehlut ta mai a ni,a ti.


Pu K.Hrahmo,EM(F) chuan MADC sorkar in tawm a ri ret ret awm kha tunah chuan kan nghet tawh a,engkim a tha fel leh vek tawh a ni,a ti.

* K.Thankhuma chuan Saiha ah DRO hna a zawm fel ta a,hna a thawk mek zel a ni.

* Nihnih cham turin Pu Sahu,DC Saiha chuan nitlak lam bial vawiin atangin a fang dawn a, Pute K.Chhuabei,Dy. Chairman,MADC, Donny Lalruatsanga,ADC(P), Dr. Pabei(S.Beilysa) leh mi dang ten an zui dawn a ni.

* Nimin khan MADC Forest Hall-ah MJA leh MTP Hqrs din Saiha District Dev.Vigilance Committee chuan an Vice president Pu B.Dawpho hovin talk show an buatsaih a, department hrang hrangten an hmalakna an sawifiah a, VC/NGO ten zawhna an zawt a, chhanna hun hman a ni bawk.

* NYK Saiha ah National Service Volunteer lak leh a ni dawb a,dil duh chuan 15th April 08 ral hmain dil theih a ni.

* ECM Gilgal KTP chuan Niawhtlang ECM LOcal Church an han tlawh hnuin nimin khan dam takin an lo thleng leh ta. Niawhtlang ECM kohhran khi an fahrah hle a,Gilgal ten an tlawh chu an lawm tak zet a,an nghet phah sawt a ni.Gilgal KTP ten hla 5 an keng a,request a tam avangin vawi 8 zet hla an rem a,an aw a chhang deuh vek,Lalpan an rawngbawlna mal a sawm a ni- Secy,KTP Gilgal

angin tumah riltama thih kan phal lova, taksa leh thlarau dam loh pawh kan phal lo a ni" tiin mipuite chu a thlamuan hlawm a, mipui leh NGO harsatna a hmunah a enpui nghal a, atul anga theihtawp chhuah pui a inhuam thu a hrilh hlawm a ni.Bawrhsap hi Pute K.Chhuabei,Dy.Chairman, MADC, Donny Lalruatsanga,ADC(P),Dr.Beilysa leh mi

* Saiha District Development Vigilance Committee chuan hma thar an la chho mek zel.

* Tunlai mautam avanga mi harsa zualte buhfai athlawna dawng tur te chuan an awmna veng/ Khua VCP hnen atangin anmahni ngei a ni tih hriatpuina lehkha kengin Saiha Godown atangin buhfai hi a la chhuak tur a ni a,VCP lehkha nei lo te chu buhfai pek an ni lovang,tiin DCSO Saiha chuan order a siam.

* Nimin khan HSS result a chhuak a,pass leh fail thawm a tha hle.

* Dt.17.4.2008 khian MNWF Saiha District buatsaihin MNF party office-ah Conference-cum-Political training neih a ni ang.

* UPC(NEI) District Hqrs,Saiha puipa thlan tharte Rev.C.Valy - Superintendent, Rev.C. Satin kapa - Dist.Secy, Rev.S. Ngunchunga - Treasurer
Rev.T.V.Mawngchina - Director, Mission, Evan. Nghakliana - D/Evangelist. Pastor lak thar te 1. Pastor Kholy Hlychho, Laki 2. Pastor L.Joseph, New Saiha, 3. Pastor F.Biakhnuna,Niawhtlang

MSO Gen.Hqrs Saiha chuan HSLC leh HSS a hlawhtling taka passed zawng zawng te an lawmpui tak zet a ni tih thuchhuah siamin an tarlang.

NATIONAL RURAL HEALTH MISSION

Village Health and Sanitation Committee
Village Health & Sanitation Committee hi NRHM hmalakna tihpuitlinna atana thingtlang leh khawtlang committee pawimawh ber pakhat a ni.
VHSC hian khawtlang vawnfai leh hriselna lama hmalakna atan kum tin Rs.10,000/- an dawng thin ang.

VHSC mawhphurhna te:

* Anganwadi Centre-ah thla tin Village Health Nutrition Day hmang tura hriselna lama thawktu te hmalakna an tanpui ang. He ni-ah hian mipui hriselna lam hmalakna - faina, thianghlimna, eitur tha chungchang leh mipui hriselna lam hawi chungchang inzirtirna -a a bul tumtu leh hmahruaitu an ni tur a ni.

* Hrivenna pek chungchangah hma an la-in khawthlang mipuite an finchhuah ang
* Nu naupai tirte thla 3 hma-in Sub-Centre-ah in register leh naupai chhungin Sub Centre-ah vawi 3 aia tlem lo in check up turin an fuih thin tur a ni.IFA (Iron Folic Acid) mum 100 tal ei turin an zirtir thin bawk ang.

* JSY fund rang taka hmang thei tur leh an dawn tur ang an dawn zel theih nan hma an la ang.
* Rikrum thilah leh damdawiin a nau nei tur tan motor an ngaihtuah sak thei ang
* DDC/FTD-ah englai pawha Malaria damdawi tam tawk a awm theihna turin hma an la ang a,Malaria damdawi thatnate mipui an zirtir ang.

* Hrileng leh natna laka fihlim theih nankhawtlang tihfaina turin VHSC fund hi kum 1 chhungin thla 10 aia tam lo, thla khat ah Rs.500/- aia tam loh hman theih a ni.
* Hmeichhia leh mi harsa zual te tanpuina atan he fund hi hman theih a ni.
Issued by Mizoram State Health Society State Programme Management Support Unit, Mizoram : Aizawl

Memo No.C.11011/3/2007 - NRHM/MSHS (SPMSU)/IEC : Dt. Aizawl,the 4th Apr08
* S.Siamkungi album record mek a ni a, remchan lohna avangin Siamkungi chuan a thun kim hman lova, a rei tawh lovang,tiin Fine Tune Recording Studio neitu Pu WB chuan a sawi.Chapasaivana tih thupui hman a ni ang a, Mizo hla 3 velh a thun tel bawk ang.
* 1st District Open Badminton tournament closing vawiin hian Meisa Vaih hall-ah neih a ni ang a,final match hmuhnawm tak khel a ni ang.Dar 2 atangin final match tan a ni dawn a,mi zawng zawng en tura sawm kan ni -Secy,SDBA

Champions League

Champion league hmuh nawm tak final chu May thla khian khelh a ni dawn a, quarter final ah Bar celona chuan Schalke 1-0 a hnehin semi final an lut ta. Lionel Messi chuan a cho em em Manchester Utd nena an han intum tur chu theihtawp chhuah a tum leh lawmawm a tih thu a sawi a, Ronaldinho, Samuel Eto`o te nena inkawp chu lehlam tan a hlauhawm tur thu a sawi a ni.

AS Roma hnehtu Manchester Utd pawhin player ropui Cristiano Ronaldo,Carlos Tevez leh Wayne Rooney an nei bawk a, Club ropui pahnih semi final a han intum tur hi khawvel mipuiin an hmu chakin dingdihlipin an thlir mek a ni.
Tun dinhmunah chak zawk tur sawi lawk a har hle a ni.

AMKA hruaitu

All Mizoram Karate Asso ciation,Siaha District hruaitu thar atana thlante : President : Vabeikhaihmo Solo, V/pre : FC.Sahku, GS: C.Laleng liana, Jt.Secy : Hc.Lalawm puia, Asst. Secy : P.Rapathai, Fin-cum-Trea: T.Merisa.
Commt.Members : K.Abi kai, John Kholua, A. Lal than kima,AZ.Ngokhaw

Advisor:
1. - K.Vanlalliana
2. - J.Jeffrey Khara
3.-Lalramnghaka Chinzah

* Saiha District Dev. Vigilance Committee chuan hmalakna an chhunzawm mek a, thingtlang lamah pawh zinchhuah leh thuai an tum a ni.

* Don Bosco,Saiha ah Managing Board leh VC Jt.meeting chuan Art +2 din nise tih an rel a ni tih Pu Hc.Nakua,VCP, New Colony-I hnen atanga thu dawn a ni.

* MTP chuan ruihhlo do hna chak takin an kalpui reng a,mipui fak an hlawh hle.

* MJA,Saiha chuan tun thlan ni 22 a Lungleia Journalists Workshop neih turah member kal vek nise tih an rel.

* Dt.12.4.08 (11:00 Am) khian ECM Imanuel Local Church, Meisatla-ah Tv.C. Lalramhmangaihzauva leh Nl.T.Biakremi te chuan `Tiam tlat e` an ti dawn.

* Political party hrang hrang te chuan MLA inthlan lo awm tur thlir lawkin an inpuahchah tan.

* Nimin khan MPCC General Assembly Vanapa Hall,Aizawlah neih a ni a, president Pu Lalthanhawla chuan thusawina a nei.
Talent pho chhuak turin huaisenna a pawimawh
- Pu V.B.Byhna,EM,Agri.MADC


Saiha,Apr,11: Nimin khan MTP Gen.Hqrs Office-ah Mara Hlasapa Py (MHP) General Election buatsaih a ni a,hemi hmaa 1st session a khuallian Pu V.V.B.Byhna,EM,Agriculture,MADC chuan MHP member te chu Mara ram tan a kila lung tangkai an nih thu leh talent pho chhuak turin huaisenna neih a pawimawh thu uar takin a sawi.Rs.1000/- in MHP a tanpui nghal bawk.Hemi zawh hian Pu B.Dawpho,President,MJA,Saiha District leh RO ni bawk chuan a thawhpui MJA member te nen inthlanthlanna an kaihruai nghal a,hengte hi kum 2008-2010 MHP hruaitu thara tana thlante chu an ni: President - Pasa T.Azyu Vice president - L.Paly Gen.Secy : S.Beima Asst.Secy : N.Byhnakhai, Secy,Information : S.Chabei, Fin.Secy : A.Thazi, Treasurer : K.Minuti. Inthlanna zawh hnuah Pu N.Pachhunga(Outgoing president) chuan hruaitu tharte thlawp thiam turin member kalkhawmte a ngen
* Nimina Mara Hlasapa Py (MH) function ah Jessica-in a hanga a zai kha ngun taka han ngaihthlak in a aw a lo cial-zia a lang chiang hle.Youth icon top 20 a tling phak a ni bawk a,a future a bright hle tih a hriat.

Sailova Home Coming Concert : UK lamah thla ruk zet a khawsak hnuah nikum October thla khan Vanlalsailova chuan a pian leh seilenna ram Mizoram chu rawn rap lehin, hetia a lo haw a, mi dang zinte aimaha hlawka a zuk zin chu fans lamin an lawmpui em em a nih kha. Amah ngaisangtuten ‘Home Coming Concert’ an rawt puina angin April ni 17 &18, 2008 hian Vanapa Hall-ah he Concert hi a nei dawn ta. Amah bakah hian Gospel singer lar ber berte an zai dawn bawk a ni. Hetih lai hian lengzem a sak laia a thurualpui Super Trio hming invuahte Vanlalsailova, Robert Lalduhzuala leh Joseph Zaihmingthanga-te chuan nasa leh zuala hmalak tumin ‘Gosepl Super Trio’ tih hming chawiin hmalak thar an tum tih an sawi bawk tih kan palai thu dawnna chuan a sawi.

* Myanmar ram pumah zaithiam hmeltha Sungtin par a lar mek.Amah hi Rev.Dr.J.Ralbuaia,Siata atanga Yangon a Missio nary a awm mek nau J. Sangnawng fanu a ni. J.Sangnawng hi Myanmar ah a pem chho a,police lama DGP dinhmun va chelh phak a ni.Mizoram mite pawhin Sungtinpar hi an ngaisang hle a ni.

* Nimin khan MJA,Saiha chuan PRO Office-ah meeting neiin MADC budget thar a advertisement head a nuai 7 atanga 5.9 a dah thlak chu hriat thiam harsa an tih thu leh an lungawi loh thu an sawi a, Press Release siam nise an ti bawk.
* Vawiin dar 11:00 Am hian MTP Hqrs office-ah Mara Hlasapa Py (MHP General Election neih a ni dawn a, 1st session hi Pu N.Pachhunga,President, MHP in a kaihruai ang a, Macha S.Hrachu-in hun serh a hmang ang a, khual lian Pu V.V.B.Byhna, EM, Agri chuan thusawina a nei ang a,hemi hnuah MJA ten inthlan an kai hruai ang.
* Tun thla ni 22 hian Lungleiah DIPR buatsaih in Journalist Workshop neih a ni ang.
* Phura leh chhehvel tlawha zin mek Saiha Bawrhsap chu mipuiten an lo hlawm hle nia hriat ani.
* MTP (H) Secy te hna chanpual: C.Lalhranga, A&C, Martin Nohro,Fin. TT Khulua,Social welfare,
FC Sahku, Sports, L.Bei rangia, Information. Exe. Members ruat zingah S. Chilua, V.Pawhla,S.Beima an tel.

ADVERTISEMENT

ZORAM KALSIAM A HER SANG ZEL

Mizoram chuan kawng hrang hrangin hma a sawn zel a; kil hrang hrang atangin hmasawnna rahbi thar tukna tur sum leh pai malsawmna pawh alo luang lut mek zel a.Heng malsawmna hi hmang tangkaiin, Mizoram sorkar chuan ram leh mipuite tana chhenfakawm tur thil tam tak a tipuitling chho zel a ni.
1. Kum 2008-2009 chhunga kan Annual Plan pawisa tura Mizoram-in kan beisei chu cheng vaibelchhe 950 a nih laiin, Planning Commission chuan cheng vaibelchhe 1000-ah min rawn tihpunsak a ni.
2. Ministry of Petroleum and Natural Gas, Government of India chuan Mizoram chu Oil leh Gas renchem thiam ber state-ah min thlang a.Best performing state Award hi Union Minister for Petroleum and Natural Gas Pu Murla Deora kut atangin Food, Civil Supplies & Consumers` Affairs Department chuan a dawng a ni.
3. Thingtlang miretheiten ni 100 chhung inhlawhna tur, National Rural Employment Guarantee Scheme (NREGS) chu Lawngtlai leh Saiha district-ah kum 2006-07 atanga hman tan a ni a; kum 2007-08 atangin Lunglei leh Champhai district mipuiten an chhawr ve tan ta bawk. April 1,2008 atang hian Aizawl, Kolasib, Serchhip leh Mamit district-ah te hman a ni ang.
4. Mautam tam tuarte chhawmdawlna hna thawhna turin district tina Deputy Commissioner te hnenah sum pek chhuah a ni. December 2007 atangin ration buhfai quota pawh mi pakhat tan Kg 2 atangin Kg 3 ah tihpun a ni. Mautam tam tuarte chhawmdawlna hna enkawl turin Mizoram Famine Emergency Committee (MFEC) din a ni bawk.
5. Zirlai naupangten zirna bakah, infiamna leh taksa sawizawina lama hma an sawn theihna turin School Education Department leh International Alliance for Youth Sports (IAYS), Florida, USA nen February 18, 2008 khan kum 2 atan thawh dunna thuthlung an ziakfel ta. He ‘Game On ! Youth Sports’ school naupangte chuan an chhawr tangkai hle dawn a ni.
6. 3rd Indian Reserved Bn. chu din fel a ni tawh a; 4th IR Bn.pawh din fel mek a ni. Hengte avang hian Mizo thalai, sorkar hna neilo sang telin eizawnna duhawm tak an neih phah a ni.

7. Langtlang sorkar ziarang chu a takin a puitling chho mek zel a.Sorkar hmalakna leh hnathawh dan hrechiang duhte tana hman theih Right to Information Act 2005 chu mipuiten kan chhawr tangkai chho mek zel a; phuisui zawka kalpui chhoh zel a ni bawk.


IPR No. 394 ( 2-2 )
Memo No. F.14017/3/2001 - DTE.IPR 394 : Dated Aizawl, the 2nd April 2008
Issued by Department of Information & Public Relations
Government of Mizoram