Pu Sahu,DC Saiha chuan nitlak lam bial a fang mek

Pu Sahu,DC Saiha chuan nitlak lam bial a fang mek a, Pute K.Chhuabei,Dy.

Chairman,MADC, Donny Lalruatsanga,ADC(P), Dr. Pabei(S.Beilysa) leh mi dang ten an tawiawm a ni.

* Pu Sahu,DC Saiha chuan nitlak lam bial a fang mek a, Pute K.Chhuabei,Dy. Chairman,MADC, Donny Lalruatsanga,ADC(P), Dr. Pabei(S.Beilysa) leh mi dang ten an tawiawm a ni.

Ramngaw humhalh hi mitinin kan bat a ni

Saiha,Apr,8: Nimin khan MADC Forest Hall-ah Environment & Forest,MADC buatsaihin `Fire prevention awareness campaign` programme hman a ni a,he function Pu Thaly T.Azyu,DCF,MADC kaihhruaiah hian Rev.T.Laikai chuan hunserh a hmang a ni.Khuallian Pu S.Khipo,CEM,MADC chuan kan ramngaw neih chhun humhalh chu mitin te bat a nih thu uar takin a sawi a,mahni ramngaw humhalhna chang pawh hre lo chu ram leh hnam hmelma an nih thu a sawi bawk. Pu K.Hrahmo,EM,Forest,MADC pawhin thu sawiin, khawvel Scientist mithiamte chuan tun ang zela ramngaw tichereu avanga khua a lum chhoh zel anih chuan kum 2013 atangin khawvel hi mihringte chenna tlak a ni tawh dawn lova,chuvangin khawvel hi mihringte chenna tlaka siam zel turin engtia hmalak tur nge tih an ngaihtuah mek a ni,a ti a.Khawvel a cheng mihring tawh phawt chuan ramngaw kan humhalh theuh a tul a ni,tiin Pu Hrahmo chuan a sawi bawk.

Pu Lalmalsawma Zasai zin report

Nimin khan MNF Dist. Hqrs Saiha office ah Pu HC.Lalmalsawma Zasai,Vice President chuan zin report a pe.Pu Zasai chuan, MADC sorkarin Housing Scheme, BADP leh BRGF te kan sem dawn tiin mipui an bum a,an ti chi-ai thin chu a pawi hle a ni,tiin heng scheme te hi Mizoram sorkar thu a ni ang,keini hi a fatu kan ni zel dawn a ni,tiin mipui chi-ai lo turin a chah.Mizoram Budget session zawh takah MNF Ministry a hming tha hle a,an budget siam pawh Mizoram lehkhathiam rual leh intelectual ten tha an tiin an fak em em a,mipui an thlamuang hle a ni,a ti.

Pu Zasai chuan, Mizoram sorkar hmalak mek thenkhat, Mizoram Health Care scheme atanga mirethei MR bill theihna sorkarin a siam chu mipui titi a titamin,an lawmzia a sawi a,Health Minister Pu Tlanghmingthanga fakawmzia leh chhuanawmzia a sawi bawk.He scheme hi Reliance Company ten an buaipui dawn a,chu chauh a ni lo,Youth Commission siam a ni ta te hian Mizoram Thalai hamthatna tur zau takin a hawng mek a,thalai an lawm em em a ni,a ti. Kolodyne multi project hian chhim lam tan nasa takin hmasawnna min pe dawn a ni, a ti.MADC budget session zawh takah Art & Culture, Law & Judicial, Sport & Youth an ngaihtuah lo zia te,Mara ram thalaite tan tahna tham a tling,tiin Revenue receipt a mumalohzia a sawi bawk a,MLA election lo awm turah MNF

Pu C.Vahlo a bang!

MDF-Congress Coordination Committee member Pu C.Vahlo chuan nimin khan banna a thehlut! kan palai zawhna chhangin Pu Vahlo chuan mi pakhat sum tihchingpen hi sorkar sum tihchingpen a ni zel a,Coordination hi ka tel ve chinah vawi 2 chiah kan thukhawm a, issue lian tham ah Coordination rawn kan hlawh bawk lova,hahthlak ka ti a,banna ka thehlut ta mai a ni,a ti.


* Nihnih cham turin Pu Sahu,DC Saiha chuan nitlak lam bial vawiin atangin a fang dawn a, Pute K.Chhuabei,Dy. Chairman,MADC, Donny Lalruatsanga,ADC(P), Dr. Pabei(S.Beilysa) leh mi dang ten an zui dawn a ni.

* Nimin khan MADC Forest Hall-ah MJA leh MTP Hqrs din Saiha District Dev.Vigilance Committee chuan an Vice president Pu B.Dawpho hovin talk show an buatsaih a, department hrang hrangten an hmalakna an sawifiah a, VC/NGO ten zawhna an zawt a, chhanna hun hman a ni bawk.

* NYK Saiha ah National Service Volunteer lak leh a ni dawb a,dil duh chuan 15th April 08 ral hmain dil theih a ni.

* ECM Gilgal KTP chuan Niawhtlang ECM LOcal Church an han tlawh hnuin nimin khan dam takin an lo thleng leh ta. Niawhtlang ECM kohhran khi an fahrah hle a,Gilgal ten an tlawh chu an lawm tak zet a,an nghet phah sawt a ni.Gilgal KTP ten hla 5 an keng a,request a tam avangin vawi 8 zet hla an rem a,an aw a chhang deuh vek,Lalpan an rawngbawlna mal a sawm a ni- Secy,KTP Gilgal
a sawi.


PRISM MLA din tumte nihna zawng zawng hailan a puanzar an tum!

Saiha,Apr,7 : PRISM chuan Mizoram Assembly inthlanpui lo awm tur thlir lawkin MLA election lo awm tura din tumte nihna zawng zawng hailana lepse vek an tum thu an puang ta.Polical party manifesto te pawh lepse vek an tum tel bawk.He hmalakna hmanga lepse tura chhawpchhuahte chu inthlan chuh tum party nia ngaih political party hrang hrang MNF,MDF,Congress, BJP, HPC, MCP, MPC leh ZNP te bakah pawl dang 2 MDM leh MPP te leh bial 3 a candidate siam tum C.Laltanpuia, Chanmari te an ni.

PRISM president Pu Vanlalruata chuan, "Lepsena programme hi mimal intihmualpho tumna a ni lo a,a tum ber chu inthlan chuhtute zinga thil tih tum nei tha leh tha lo te leh candidate nei tha leh nei tha lo te an nihna chiah puanzara,mipuiin ngaihtuahna fim leh duhthlanna thiang hmanga ram hruaitu an thlan theih nana hma la kan ni" tiin a sawi.

Kan ram awm dan leh boruak inlumleh dan te han enin tunah hian kan ram hian hmabak kawng hnih a neiin kan hria a,kawng khatah chuan hmasawnna lam tluang.

SDCA hruaitu thar

Zirtawpni kalta khan Saiha District Cricket Association (SDCA) General Election chu MJA kaih hruaina hnuaiah buatsaih a ni a, Pu M.Baithai, Editor,Chhim Aw ,R.O kaihhruaihna hnuaiah neih a ni.President : Dr.K. Rakhu, V/president - J. Kholai Gen.Secy : Dr. Robert Khawlhring, Treasurer : H.Lalnuntluanga, Secy i/c Information : K.Lalsawmliana, Secy,Property : LC.Khi thie, Secy,Fin.John Lal biakhlua.

* ECM Gilgal KTP chuan Niawhtlang a ECM Local Church tlawhin rawng bawlna an nei a, vawiinah an lo haw dawn a ni.An rawngbawlna hi Niawh tlang ECM ten an hlawk pui nia thu dawn a ni.

* College veng MTP leh MTP Hqrs chuan proxy von an man a.Zakir Hus sein Saiha Bazar hnen atangin mum 74, J.Van lalmuana,Saiha Bazar hnen atangin mum 43, Thangchuailova,Kawlchaw ‘E’ hnen atangin mum 509,Vanlalchhuanga s/o Sangbika Aizawl inti hnen atangin mum 483 man a ni tih MTP Hqrs hnen atanga report dawn a ni.

* Mara ram tana tul leh mamawh Mizoram sor kara thlena hotute a dawr hnuin Pu H.C.Lalmalsawma zasai,MNF Leg. party leader,MADC leh Vice president,MNF Saiha Dist.Hqrs chuan nimin piah Inrinni tlai khan dam takin Saiha a lo thleng leh ta.Vawiin devotion zawh ah party office ah report a pe nghal dawn a,town MNF Unit hruaitu leh VC te kim taka kalkhawm turin Secy chuan a ngen.

* New Delhi atanga chanchinbu chhuak pa khat The Sun Jt.Editor Pu Thakuria chuan Water Ways hriatchian a duh avangin nimin khan Saiha alo thleng a,amah leh a thawhpui hian Pu Jeffrey Khara leh editor dangte thingpui ruai New Delhi ah an lo kilpui tawh a ni.


Editorial

Trade Licence hawh hi

District dangah a leilung faten hnam dang Trade Licence hawha hawh man thlatin an ei thu kan hre meuh lo.Saiha ah erawh chuan sawi hlawh ber a lo ni ta.MADC a Sr.R.O. chuan Vai ho hi chu an awm mai mai a,Licence hawhtu a leilung fate nen hian kan indo zawk a ni,tiin a sawi chhuak hial a nih kha.MTP leh MSO ten an han check pawhin a licence neitu dik tak kha an lo ding leh tawh thin a,inhnial buai a ngai a, buaithlak hle thin nia sawi a ni bawk.

Engpawhnise Economic Assimilation a awm loh nan MADC,MTP, MSO ten hma an lak chhunzawm zel a tul a,mipui pawhin kan tawi awm that a tul hle niin a lang.Cachari te anga kan dinhmun a lo hniam vaih chuan boralna ram kan hlat lo tihna a ni dawn a, a pawi thui hle dawn a ni.

Tunah hian ka za vaiin Trade Licence dil ila, hnam dang hawh vek ta ila,thlakhatah Rs.2000 vel Licence 1 nise 10 ah chuanRs.20000/- kan hlawh vek ang a,tichuan vai hlirin Saiha an khat ang a,a nuam viau ang em le? A rei hnuah keimahni zawk kha kutdawh ah kan insiam palh ang tihte pawh hlauhawm tak a ni.

Mautam vanga mang ang lo tur in mipuite ngen

Mizoram sorkar chuan Mautam avanga tampui mitthi kan tuar mek hi pawi a ti tak zet a,sorkar chuan he tampui mitthi avang hian tumah riltama thi an awm a phal lova. Kawng hrang hrangin tam avanga mipui harsatna sukiang turin theihtawp chhuahin hma a la mek a ni. Tunah hian High level commitee Pu Tawnluia, Home Minister Chairman-na hnuaiah leh Supply leh Disaster Management & Rehabilitation Minister, Vice Chairman-na hnuai ah Mizoram Famine Emergency Committee a din a.He Committee ah hian Mizoram Legislative Assembly a Parliamentary Legislature Group hrang hrang, NGO hrang hrang leh MKHC aiawhte an tel a.Atul ang angin he Committee hian hma a la mek a ni.Tin, sorkar chuan District hqrs tinah Village Level-ah Famine Relief Committee a din vek tawh a.Bawrhsap te kutah chhuanchhamte tan pui nan G.R pawh engemaw zat a dah tawh nghe nghe a,tupawh Mautam avanga eitur nei lo mangang an awm chuan an awmna Dy. Commissioner hnenah emaw, SDO(C), BDO emaw Village Level Famine Relief Committee hnenah inhriattir tur a ni e.Annin a tul ang angin tam mangangte tanpui an inpeih reng a ni.

Saiha District Famine Emergency Committee an thukhawm

Saiha,Apr, 1 : Nimin khan DC Conference Hall,Saiha ah Saiha District Famine Emergency Committee an thukhawm a, Pu Donny Lalruatsanga,ADC(P) in a kaihruai a ni. Pu H.P.Sahu,DC,Saiha chuan an hmalakna kal mek tawiawm turin mipui a sawm a ni.Pu S.Khipo,CEM,MADC chuan tun thla April chhung ngei hian fur tla tur buhfai kudam ah sorkarin min dahkhawlsak vek a tul a, SK te pawhin an awmna hmun chhuahsan lose a fuh ang,tiin MADC chuan Tam dolet nan cheng nuai 25 budget ah a dah ve a ni tih thu a sawi.Pu S.Vadyu,Chairman,MADC, Pu C.Zohupa,Principal,Govt Saiha College leh mi pawimawh dangten thusawina an nei a, BDO,Tuipang leh Saiha baka DAO,Saiha, DHO, MADC aiawh te pawhin report an pe a ni.

Sr.O leh Press

Nimin khan Pu Pachi Hlychho,Sr.Revenue Officer,MADC chuan a chamber ah thuthar la khawmtute thingpui a in pui a.Pu Pachi chuan, Sr.R.O hna ka rawn zawm veleh hian vai dawrkai an tam hle a,hei hian min timangang tak zet a, kan han check leh licence neitu a ram leilung fate an lo ding a,inhauh hrep a ngai zel bawk a, tichuan tunah hian vai nen kan indo lova, a leilung fate tho nen kan indo a, Licence an dil a, pek an nih hnuah vai hnenah percent eiin vai ho bawkin dawr an siam a,hei hi Sub-let chu a ni a, keima hun chinah chuan licence pekchhuah pawh ka nei lo,tiin vaiho chu an awm mai mai a, a leilung fate zinga thenkhatin hetiang thil an lo ti duh ta mai hi thil pawi tak a ni a,MSO, MTP,MJA,SDDVC,etc thlawpna a mamawh thu a sawi.

Pu Thakha thupuan

Nimin khan MADC Forest Hall-ah Pu A.Z.Thakha chuan Pathian hnen a tanga puang tura a dawn nia a sawi puanna hun a hmang a, MADC hruaitute leh staff an kim hle.Pu Thakha chuan kum 2004 atang khan Pathianin thu puang turin min ti,mahse ka ngam ngang lova, MADC pawh hi ka vawi 2 hmuhna chauh a ni a, tunah ka puang ta a ni,tiin MADC hruaitute leh Officer te chu eirukna avang in Pathian thu an bawh chhia a ni,chuvangin thu pha chawi a Pathian hnena an kir leh lo vaih chuan kumin 2008 hian an In ropui sak ngei khan a delhhlum dawn a ni,tiin he sorkar intawm phatsantu chu an chung a pik ang,a ti.Pu AZ Thakha, Chakhang hi pa zakzum tak mai a ni a,amah ngei pawhin rual pawl lo,mahni a mum
* Nimin khan Saiha District Vigilance Development Committee hruaitute chu an Vice Chairman Pu B.Dawpho hovin MTP Office ah an thukhawm a, hmalakna chhunzawm zel nise, karleh thawhtan zan dar 7:30 Pm khian Talk show buatsaih nise tih an rel a ni.
* Mizoram T.T championship Lunglei a zawhfel takah chuan Saiha District aiawh Gloria d/o WB Manner Azyu chuan silver medal a rawn hawn a, Mizoram ranking ah No.2 ah a inhlangkai bawk. ML in a lawmpui hle.
* I&PRO Saiha chuan heng khua ah te hian TV & DTH set a pe.Siata, Iana (Ainak), Chhuarlung, Zero Maubawk, Niawh tlang, Theiva, Phalhrang, Tuisumpui, Lungbun, Rawmibawk.
* Vawiin hian Pu J.Jeffrey Khara chuan ama private thilah Aizawl tlawh turin Saiha a chhuahsan dawn a,tunkar Inrinni ah alo thlen beisei a ni.
* MGC Miss cassette a ruka lo copy(pirate) an awm nia sawi a ni a, hriatchhuah vaih chuan an chungah action lak an ni ang,dankalh a ni-Secy

Merisa recommend

Lelte Award Organising Board leh Moonlight Award Organising Board thawhhona avangin ML Board chuan kumin Lelte Award dawng turin T. Merisa a recommend a,Pu Jeffrey hian a hruai ang.

* V.T.Maduhi leh S.Siamkungi te chu MTP General Conference leh YLA General Conference ah an chetha tih thu dawn a ni.Maduhi hian dancer a hruai tel bawk.

T.Merisa chuan chibil Award Lelte Award a dawng,lawmpuitu an tam hle.