District Council Day,MADC complex-ah ropui takin hman a ni

Saiha,Apr, 30 : Nimin chawhma dar 11:30 khan District Council Day vawi 37-na chu M.A.D.C. Office Complex, Saiha-ah ropui taka lawm a ni. He Ni lawmna inkhawm hi Pu R.C.Zase, Chairman, M.A.D.C.,Saiha chuan a kaihruaia, kalkhawmte lawmna thu a sawi hnu ah hawnna hla Gospel Outreach Ministry ten an sa-a, hunserh Rev P. Riabi, Moderator, E.C-M. Headquarters Saiha chuan a hmang bawk a ni. He Ni lawmna ah hian thu sawiin Pu S. Khipo, Chief Executive Member, M.A.D.C. chuan District Council kan neih theihna tura tha leh zung nasa taka lo seng tawhtu vawiina kan zinga awm tawh lo te kan hrerenga an chungah lawmthu kan sawi tak meuh a ni, tiin District Council kan neih theihna tur hian Kum 1953 atang daih tawh khan nasa takin hma an lo la tawh a, Kum 1972 atang khan Pawi, Lakher leh Chakma Regional Council tiin mahni a ro inrel hran theihna kan lo nei ta a, heng zawng zawng te hi chanchintha in kan ram a rawn thlen vang a ni kan ti lo theilo a, Pathian hnenah ram mipuite hian lawmthu sawi kan ba nasa hle a ni, a ti a. District Council kan neih tan tirh lai aiin thuneihna lian zawk pawk kan nei chho zel a, Direct Funding pawh kan hma lawkah ban phakin a awm tawh a ni, a ti bawk. Tun dinhmunah hian M.A.D.C, Office ah hian hnathawktu mi 1681 an awm mek a ni. He Ni lawmna ah hian Gospel Outreach Ministry, Nl.Kalvary Hlychho leh Nl.Debora Syuhlo te zai ngaihthlak a nih bakah hnam lam Chawnglaizawn hmuhnawm tak Y.L.A. Sub-Headquarters, Saiha ten an entir bawk a, Mara ram-a Missionary thlah te zinga la dam awmchhun Pi Violet L. Mark pawhin thusawina a nei a,Kohhran a Mara mipuite inpum khat lo hi a rilru tinatu ber leh a thih hma ngeia inpumkhat hman ngei se a duh ber thu a sawi a,Mara ram leh mipuite Pathian hnenah malsawmna tam zawk a dilsak bawk.. Mipuiten tawngtai rualna neiin Senior Executive Secretay, Maraland Presbytarian Church (M.P.C.) in malsawm tawngtaina neiin he Ni lawmna inkhawm hi khar a ni.


* Vawiin hian Pu Lalmal sawma,CEO,Aizawl a lokal dawn a, Strong room a hmunah a enfiah ang a, meeting neihpui a ni bawk ang.
* Saiha DC Conference Hall a Round Table-ah Microphone dah vek a ni ta a, tlemin a table pawh tihzauh a ni ta bawk.Table round ni chiah lo pawh order belh tum a ni.
* DC,Saiha a hnuaia Officer te chuan an nikhat hlawh chu tunhnai thli tleh vanga chhiat tawkte tanpui nan an pe dawn a ni.

SAIHA-AH THLIPUI TLEH VANGA CHHIATNA TAWKTE TANPUINA HNATHAWH MEK A NI

Ni l7.4.2009 zana Saiha District chhung khaw thenkhat Niawhtlang, Lungbun leh Chhuarlung khuate thlipuiin a nuai vanga In leh Lo chante leh he Thlipuiin In leh Lo a tihchhiatte chhawmdawlna hna chu ngawrh taka thawh chhunzawm mek zel a ni a, heng khuaah te hian a vaiin in chhia 135 awmin heng in chhia te hi an khawtlang mai bakah khaw thenawm a mi tlawmngaiten sak that hna an thawk mek a ni. Heng tanpuingaite tanpui tur hian Saiha khawpui chhungah pawh Saiha District N.G.O. Co-ordination Committee hmingin vehbur khawn a ni a, he vehbur khawnah hian pawisa fai tlingkhawm a vaiin Rs. 70,000/-, Buhrai Quintal 6 leh Thawmhnaw leh Bungbelte chu heng tanpui ngaite tanpui nan hian hlan an ni. E.C.M, Headquarters Saiha pawhin heng chhiat tawkte tanpui nan hian Rs 5,000/- an hlan bawk. Heng tanpuinate hi hlan turin Saiha District N.G.O. Co-ordination Committee aiawh in Pu B. Dawpho, President, Pu K. Hrangsua, Vice President, Dr Chawngkhuma Chawngthu, Secretary, Pi P. Chaki, Treasurer leh Pi Zoramthangi, Joint Secretary ten a hmunah kalin an hlan a ni. Mimal leh Pawlho chi hrang hrang ten tanpuina tun thlenga an pek tawh tlingkhawm chu tangkafai Rs 75,500/- a tling tawh a ni. Heng thlipuiin a nuai na khua leh khaw thenawm te hian vawiin thleng hian Insak hnatlang an la thawk chhunzawm reng a ni.