Pu Jeffrey Kharan Lelte Award a dawng

Kumin Lelte Award pro gramme ropui takah chuan Music Promoter of the year,Mizoram pumhuap a Lelte Award dawngtu Pu Jeffrey Kharan a dawn laiin amah kawng engkima tan puitu leh malsawmna petu Pathian hming a lam hmasa ber a, a dawtah a nupui Pi S..Lalrinpuii leh amah tanpuitu Pu WB Manner Azyu bakah MJA & Pi S.Lalmuanpuii te hming mipui hma-ah a puang chhuak a ni.MJA Saiha member kal zawng zawng ten an tawiawm avangin an chungah Pu Jeffrey a lawm hle.Aizawlah lawmpuitu a ngah hle bawk.
Nula S.Siamkungi chuan Chanmari YMA Hall-a Lelte programme zan hnihna-ah ‘Chapasaivana’ tih hla a thlawh a,boruak a siam hle.Pu KL.Liana chuan min lehlinsak rawh,ka duh em tiin a sawi nghe nghe a ni. Siamkungi hian Lelte Award a dawn laiin Pathian hming a lam hmasa ber a,tichuan a mah promote-tu Pu WB. Azyu,Jeffrey Khara leh John Beizachhi te hming a puang chhuak bawk.
Current kha zan dar 10 ah a tawp thut vangin Pu C.Dina leh Pu Jeffrey an mangang hle a,darkar 1 an nghah hnuah pawh awmzia a nei tak loh avangin a zanhnihna ah chhunzawm turin an haw darh ta a, zanhnihnaah erawh pro gramme tluang takin a kal thung.Internet ah live a ni a, tunah hian edit mek a ni a,karleh lamah an rawn thawn dawn a ni.


* Pu S.Khipo,CEM, MA DC leh a thawhpui EM thenkhat chuan 13th Finance Commission hmuin MADC tana fund chung chang an sawipui.
* Tunlai hian thil man a to chho hle tawh a, mi tam tak chuan an mangan thu an sawi a ni.
* MJA Annual Conference Aizawl a zu chhim MJA, Saiha district member te chuan dam takin Saiha an rawn thleng leh ta.MJA member te hian an thawh pui Pu J.Jeffrey Kharan Lelte Award Music promoter of the year a dawn naah an zavaiin an tawiawm nghal a ni.
* Nimin khan MC.C. Lalngura chuan Gilgal KTP ten Choir of the Century an lakna,etc belhkhawm Booklet an siam chu a tlangzarh a,he booklet ah hian Choir member leh KTP hruaitute thlalak a chuang vek bawk.
* CM Pu Lalthanhawla chuan MJA founder ni mah ila, ka MJA member nihna min hlihthlaksak ta si avangin in zinga mi ka ni thei ta lo a ni,chuti pawh nise MJA leh press mite hamthatna sorkarin ngaih tuah zel kan tum,a ti.