Mizo Idol nih i duh em? Zonet Cable TV-in a thlang dawn

ZONET Cable TV chuan July ni 24-a ran hman turin, zai lama talent nei rhate inpho chhuahna tur, reality show, ‘Mizo Idol’ a buatsaih dawn. Mizo Idol Contest-ah hian Zohnahthlâk tupawh, khawia mi pawh, kum 15 chung lam chin tan a tel theih dawn a. Entry form hi vawiin (Thawhranni) arang hian Zonet Office, Zorun 3rd Floor, Rev. Zairema Building, Zarkawt arangin Rs 10/ chawiin a lei chhuah theih ang.

American Idol – Mizo Version :
Mizo Idol hi American Idol kan thlir rhin an kalpui dan zulzuia kalpui a ni dawn a; judge pawh thup lovin mipui hmuh theih turin an inlan ve dawn a, zaithiam te zai dan leh an hmuh dan te chu an duh ang tawkin an comment rhin ang.

July ni 24 dar 10:00 khian ZONET Studio-ah form thehlût zawng zawng te’n Elimination/Screening an nei hmasa dawn a, Elimination/Screening hi Live telecast a ni dawn lo va; mahse, record vek a ni thung ang a, a hnu-ah a tla chawpin an tichhuak rhin dawn a ni.

Contestants zawng zawng aranga mi 100 thlitfîmte’n 2nd Round an lût ang a, zaia an intihsiakna chu LIVE a ni tawh ang. Heta rang hian 3rd Round-ah mi 20 an lût leh ang a; judge-te’n mi 20 zinga zaithiam, quality nei rha an thlan, finalist mi 10 te chu an inel tawh dawn a ni. Heta rang hian judge-te chuan point an pe tawh dawn lo va; finalist-te chu ‘mipui kutah’ an awm tawh ang a. Judge-te chu an la rhu reng dawn tho va, zaithiam sawm thlan chhuahte zai chu an duh dan dan angin comment an la pe tho dawn a ni.

I tel thei
Mizo Idol-a tel thei tur hian qualification pahnih chiah neih a ngai – Mizo nih leh kum 15 chin nih! Zai thiam nia i inhria a nih chuan ZONET Cable TV buatsaih, Mizo Idol Contest-ah hian i tel thei. Zai lama lo inhmang tawh – Music video te lo siam a, AIR/TV te-a lo zai tawhte tan pawh, Mizo Idol nih theihna chance hi a inhawng tho a ni.

Aizawl khaw chhunga awm i nih chuan Entry form hi Zonet Office arangin Rs. 10/- in i lei chhuak ang a, July ni 14, 2007 (Inrinni)-ah i thehlût leh hman ngei ngei tur a ni. Hun tiam chhunga form i thehlût hman lo a nih chuan i tan tel theih a ni tawh lovang. Tin, form inthawn kawi khawtlai vang emaw, chhan dang eng vang mahin July ni 14 hnu hi chuan form thehluh theih a ni tawh lovang.

Aizawl khawpui pawn lama awm i nih chuan Entry Form la tur ringawta Aizawl i rawn kal kher ngai lovin khaw hrang hranga Cable TV Operator, Zonet programme latute hnenah form hi thawn darh a ni dawn a, Entry fee chawi lovin a thlâwnin a tel duhte tan lâk mai theih a ni ang.

Pawi zawk ang...
Mizo Idol hi a ‘fair’ thei ang berin Zonet chuan kalpui a tum a. Contestant leh anmahni duhsaktute zingah endiktute ‘tlawn’a, a rûk a râla lo be pawp an awm a nih chuan Mizo Idol contest-ah contestant mark paih a, intihsiaknaa tel zui thei tawh lo tura hnâwl hial thlenga hrem theih an ni dawn. Hetianga judge lo bepawpa ran lâk (canvassing) hi ti lo turin Zonet chuan tel tumte an ngen lawk a ni.

Mizo Idol hlawh
Zonet hian Mizo Idol Contest a buatsaih chhan ber chu zai lama talent nei rha leh zai thiam tak tak tur, la inpho chhuak si lote dap chhuah piah lamah a tirha zual leh chher chhuah theih âwmte hma sawn zêl dan buaipui zui a, eizawnna emaw sum an lâkluh theih dan tur buaipui zui a ni.

Mizo Idol-a thlan (pakhatna) hnenah tangkafai Rs 20,000/- leh Mizo Idol Trophy hlan a ni ang a, India ram khawpui ber Delhi fanpui a ni bawk ang. Pahnihna chu tangkafai Rs 10,000/- hlan a ni ang a, pathumna chu Rs 8,000/- hlan a ni thung ang. Tin, Top Ten-a tling dangte pawh lawmman, tangkafai pek an ni dawn bawk a ni.

Source: vanglaini.org

Lunglei airport siam nan Kawmzawl aiin Saitluk ram chu a tha zawk dawna ngaih a ni

Lunglei Airport Survey Committee Chairman, Dist.Bawrhsap, Pu C. Thanchhuma chuan hun kal zel tur ngaihtuahin Kawmzawl aiin Lunglei khaw chhim thlang lama Saitluk ram chu thlawhna tumhmun siam nan a tha zawk dawn niin a sawi a, tun hnaia Lungleia thuthar lakhawmtute a kawmnaah he thu hi a sawi a ni. He inkawmnaa tel ve, Mizoram sorkara Aviation Controller, Wing Commander Retired Joe Lalhminglina pawhin Kawmzawl chu a hmun a zau tawk loh avangin thlawhna te chi, ART-42 chauh tum theihna tur a nih thute, PHE pipe lo phum tawh sawn nan cheng nuai tam tak sen a ngaih dawn thute leh BSF ho-in Helicopter tui thunna hmun atan an hman avanga harsatna awm thei turte a sawifiah bawk. He Press Conference-ah hian Saitluk ram, thlawhna tum hmun atan an lo en tawh dan tarlangin a ram a zauh thu leh thlawhna lian ber chi A -380 pawh tum theihna tur thlawhna tumhmun siam theih a nih thu tarlan a ni.Vawiin khan I & PR Auditorium-ah World Blood Donation Day hman a ni a, Health Secy, Pu J.C. Ramthanga'n a hmanpui a ni. He inkhawm hi MSACS Project Director, Dr. K. Ropari'n kaihruaiin kalkhawmte hmaah he ni hi Mizorama hman vawi khatna a nih thu leh thisen pek pawimawhzia a sawi a, Pu J.C. Ramthanga pawhin thisen pek hlutzia tarlangin India ram puma thisen pek target chu zaa 55 a nih laiin Mizoramah chuan a thlawnin zaa 68 pek a ni tih a sawi. He hunah hian Mizo zinga thisen pe hnem ber ber pahnih - Nl. Lalramthangi , vawi 26 pe tawh leh Pu Lalawmpuia, vawi 51 pe tawhte hnenah chawimawina pek an ni a, School hrang hrang 10 te tan Quiz Competition buatsaih a ni bawk.

Source: Zonet.in

Saiha District-ah nimin khan Green Mizoram Day hman a ni

Saiha District-ah nimin khan Green Mizoram Day hman a ni a, Mara District Council-a Environment and Forest Department bul tumin Saiha khawpui leh a chhehvelah thing thahnem tak phun a ni. Hnatlanga chhuakte hi District Council Staff bakah Department hrang hranga thawkte, tlawmngai pawl hrang hrang mite, leh khawtlang hruaitute an ni a, thing an phunna te hi Sorkar Department ram, District Council ram, thlanmual leh kawngpui dungah te a ni a, an thing phunte hi Silver Oak, Herhse, leh Thlado te an ni a, thing tiak an phun hi 1,500 vel a tling a ni. Saiha-a Green Mizoram day hman tlai a nihna chhan hi a hman ni kha Kohhran ni pawimawh ah hman a nih vang a ni.

Source: zonet