Centenary Miss Contestant 2007

Centenary Miss Contestant 2007















Miss Mara Myanmar with Jeffrey Khara















Miss winners 2007
Click here for pictures big size

Third I.R Battalion din tura nikum May thlaa sipai tur lakna result chu puan a ni ta

Third I.R Battalion din tura nikum May thlaa sipai tur lakna result chu kum l dawn lai a liam hnuah vawiin khan tih chhuah a ni. Result hi Mizoram Police Hqrs chuan an Notice Board bakah MAP Third Battalion Hqrs leh First Battalion Hqrs-ah te a tar chhuak a, District tin SP Office-a tar chhuah turin vawiin khan thawn chhuah a ni bawk. He Police laknaah hian tling zawng zawng chu 1,352 an ni a, an zingah hian Third Battalion atana lak mi 727, MAP leh IR Battalion danga hna ruak hnawh khahna atana lak mi 503 leh MRP atana lak mi 122 an awm a, an vaiin mi 1,352 an ni. He Police laknaa tlingte appointment Order hi siam fel vek a ni tawh a, Aizawl District bikah chuan tlingte Appointment order hi Third Battalion MAP Commandant Office, Mualpui atanga lak tur a ni a, District dang zawngah chuan District SP-te Office atanga lak tur a ni. Hetah hian an thlalak nena enfiah an nih hnuah chauh an appoinment lehkha hi pek chhuah an ni ang. Appointment hmute hian Medical Fitness Certificate, District Medical Board atangin an lak vek a ngai a, hemi rual hian District SP-te hnen atangin Police Verification pawh tihfel tur a ni. Police Hqrs thuchhuah tarlan danin he Police laknaa tling, Appointment hmute hi Medical Fitness-ah emaw, Police verification-ah emaw an an tlin loh chuan an Appointment cancel sak leh a ni ang. Police lakna-a tlingte hian June ni 14 khian training an nei tan ang a, he Basic Training, thla 9 chhung awh tur hi hmun hrang hrangah neih a ni ang a, chungte chu - PTC Lungverh, Thenzawla PTC thar, Third Battalion MAP Hqrs, Mualpui, Second MAP Battalion Hqrs Lunglei leh First IR Battalion Hqrs, Mualvum-te an ni. Police tling tharte training-na tur leh an hlawh lakna tur te hi hun rei lote chhunga siam fel a ni ang. Tun tuma IR Battalion 3-na atan leh Mizoram Police hna ruak hnawh khahna atana Police laknaah hian Candidate sing 2 leh 567 an inlan a, heng zingah hian MA 33, BA 606, PUC leh Class Twelve chin 1,480 an tel a ni. Police lak tharte list hi www.youthim.com ah en theiha tarlan a ni.

SL.No. 16. ID No. 1059 Pawhei (Apawhei) S/o. Niduna (Nidung) Ainak (Iana)

SL.No. 30. ID No. 490 M.Suihna S/o. Buichhung Siata

Click here for Third I.R Battalion results

Source: zonet.in

MADC CEM thar atan Pu S.Khipo lak luh a ni

Mara Autonomous District Council-a Chief Executive Member thar, Pu S. Khipo chu vawiin chawhnu khan rinawmna thu tiamtira lak luh a ni. Rinawmna thu hi CEM Office Chamber-a inkhawmah Saiha D.C. Pu Zahminga'n a tiamtir a ni. MADC Chief Executive member atana lak luh a nih hnu hian Pu Khipo chuan Executive Member atana a thlan, mi 7 te hming a puang a, heng mite ruatna hi Governor pawmpui turin vawiin khan Saiha atangin Aizawlah thawn nghal a ni. MADC Chief Executive member thar, Pu S. Khipo hi Mara District Council-a Politician lar leh Congress hruaitu hlun zinga mi a ni a, tun hnaia MADC inthlannah khan Tuisih bial atangin Congress ticket a thlan tlin a ni.

Source: zonet.in

MADC CEM atana thlan, Pu S.Khipo chu Governor-in a pawm ta

Mara Autonomous Dist. Council-a Chief Executive Member tura thlan, Pu S. Khipo hming, Governor pawmpui tura thawn chu Governor chuan Zirtawpni kal ta khan a pawm ta a, District Council Affairs Dept. atanga vawiina kan corr. thu dawn danin, Larsapin MADC CEM thar a pawm thu hi vawiin khan Saiha-ah thawn phei a ni a, Saiha DC chuan he lehkha hi a hmuh hnuah hun remchang hmasaah rinawmna thu tiamtirin a la lut dawn a ni.

Source: zonet.in

MADC-a member 15 nei, Congress leh MDF member thlan tlinte chuan United Legislature Party hruaitu atan Pu S. Khipo, Chairman atan Pu S. Vadyu an thlan

Mara Autonomous District Council inthlanna result puan hnu, nizan khan member 15 nei, Congress leh MDF member thlan tlinte chuan United Legislature Party hruaitu atan Pu S. Khipo an thlang a, Chairman atan Pu S. Vadyu an thlang bawk. Saihaa kan corr. sawi danin, nizana CEM Bangla-a an inkhawmah hian Congress Candidate, Tuisih bial atanga thlan tlin, Pu S. Khipo hi an United Legislature Party hruaitu atan lungrual takin an thlang a, MDF Ticket a Saihatlangkawn atanga thlan tlin, S.Vadyu pawh he Council-a hna sang dang, Chairman hna chelh turin lungrual takin an thlang a ni. Pu S. Khipo, United Legislature Party hruaitu - Chief Executive member hna chelhtu tur atan an thlan thu hi vawiin khan Governor hriattir nghal a ni a, Governor hian Delhi atangin naktukah Aizawl a lo lut ang a, hemi hnu hian an thu thehluh hi a ngaihtuah ang a, a pawm hnuah chauh C E M atan lak luh a ni ang. Chairman atana thlan, Pu S. Vadyu hian vawiin, Nomination pek luh theih ni khan, Chairman thlanna chuh turin District Council Secretary hnenah a hming a pe lut a, hemi hnua kan corr. thu dawn danin Pu S. Vadyu bak hi mi dang Chairman hna chuh ve tuma hming pe lut an awm lo a ni. MADC member thlan thar mi 22-te hian tun thla ni 11, Zirtawpni khian Session hmasa ber an nei ang a, he Session kaihruai tur hian Protem Chairman atan Pu M. Laikaw ruat a ni a, ani hi Tongkolong bial atanga MDF ticket a thlan tlin a ni a, Protem Chairman tura rawtna pawh hi Governor pawmpui tur bawk a ni.

Source: Zonet.in

MADC Member atana thlan thar, mi 22-te chu vawiin tlai khan District Council Member atan, rinawmna thu tiamtira lak luh an ni.

Mara Autonomous District Council Member thlan thar, mi 22-te chu vawiin tlai khan District Council Member atan, rinawmna thu tiamtira lak luh an ni. Rinawmna thu hi an dan tlawh chhanin, District Council Court President, Pu T.A. Chhohu an CEM Office-ah a tiamtir a, Autonomous District Council thar din tur hian member thlan tlin thar zing atang hian Chairman tur tun thla ni 11, Zirtawpni khian thlan a ni ang a, inthlanna chuh tumte chuan naktuk zing dar 10 leh tlai dar 3 inkarah Returning Officer hna thawktu tur, MADC Secretary hnenah an hming an pek luh a ngai dawn a ni. Thlan tlin tharte hian Session hall-ah Session hmasa ber, tun kar Zirtawpni, ni 11 khian neiin Chairman an thlang dawn a ni. Hetih lai hian he inthlannaa seat 15 latu, Congress leh MDF tang dun chuan Sorkar thar siam turin hma an la chho zel a, Saiha a kan corr. sawi danin, zanin dar 7 hian Chief Executive Member Bangla-ah Congress leh MDF member thlan tharte chu an thukhawm ang a, hetah hian United Legislature Party hruaitu an thlang ang a, an mi thlan chhuah hi Sorkar thar hruaitu, Chief Executive member a ni dawn a ni. Puan tawh angin MADC inthlanna result, nizana puan kim takah hian Seat awm zawng zawng, 22 zinga seat 15 chu Congress leh MDF tang dunin an la a, hneh takin sorkar an siam thei dawn ta a ni. Heng zinga seat 8 chu Congress lak a ni a, seat 7 dang chu MDF lak a ni thung a, rorelna lo chang thintu, MNF chuan seat 7 chauh a la phak ta a ni. Congress Candidate 8, thlan tlinte hi, Laki-ah Pu K. Chhuabei, Chapuiah Pu F.C. Zahse,Chakhangah Pu K.Hrahmo, Tuisih-ah Pu S.Khipo, Council vengah Pu K.H.Beihlo, Saiha vengpuiah Pu K.Beisa, College vengah Pu V.Vanhupa leh Meisavaih-ah Pu H.Sahlo-te an ni a, MDF Candidate 7 thlan tlin takte hi Tongkolongah Pu M.Laiko, Phura-ah Pu Beisa Kathie, Tuipang I-ah Pu S.Lalremthanga, Zawnglingah Pu B.Tusa, Chhuarlungah Pu M H Tiabi, Saihatlangkawnah Pu S.Vadyu, leh New Colony-ah Pu V.B.Byhna te an ni a, MNF Candidate thlan tlin 7-te hi Tuipang II-ah Pu N.Naphie, Siata-ah Pu L.Khaichyu, Niawhtlangah Pu N.Lalhmunsanga, Serkawrah Pu I. P. Junior, Maubawkah Pu L.C.Hlychho, New Saihaah Pu Lengduna, leh Romibawkah Pu H.C. Lalmalsawma Zasai-te an ni. MADC inthlanna Result chu Mizoram Pradesh Congress chuan lawmawm an tih thu sawiin hei hi Democracy rah beh tuma Mizoram sorkar thil tih, mipuiten an kut thlaka an hnawlna a ni a ti a, he inthlannaah hian MNF chu an hruaitu lu ber leh Minister rual nen thawk mah se a hlawhtling lova, hei hian an chunga mipuite beidawnzia a tilang nia sawiin, chhim lam atangin thlifim a tleh tan ta a ni, an thu chhuah chuan a ti bawk.

Source: Zonet.in

MADC Election 2007

Mara Autonomous District Council (MADC) Election Results 2007
Click here to see complete List of successful candidates in MADC election 2007 (Monday, May 07, 2007)

Mara Autonomous Dist. Council inthlannaa buaina chhuahna, Lungdar khua-ah vawiin khan ven himna tha tak hnuaiah tluang taka vote thlak that a ni

Mara Autonomous Dist. Council inthlannaa buaina chhuahna, Lungdar khua-ah vawiin khan ven himna tha tak hnuaiah tluang taka vote thlak that a ni. Returning Officer, Pu Zahminga hnen atanga vawiin tlaia kan Corr. thu dawn danin, he khuaah hian Vote nei mi 130 an awm a, vawiin chawhnu her thleng khan heng zinga mi 120 te chuan vote an thlak tawh a, hemi hnu hian vote thlak a han duak a, mahse, hun tiam chhung a ral hma chuan Presiding Officer leh Polling Officer-te hian vote thlak tur an nghak zui a ni. He vote thlak thatna hi zawh fel a nih veleh, Ballot Box hi Saiha lam panpui nghal a ni a, naktuk zing lamah chuan Saiha thlenpui theih a nih beisei a ni. Hetih lai hian Polling Station 63 a hman, Strong room-a Ballot Box dahte chu Police ten tha takin an veng a, Vote tlate hi Thawhtanni khian chhiar a ni tawh dawn a, hemi ni hian Candidate 55 te dinhmun chu fiah a ni dawn a ni. Returning Officer sawi danin Counting Hall pawh peih fel a, vote chhiarna tur dawhkan 10 hun a ni a, Vote tla hi a pumpuiin sing chuang awrh a nih avang hian Round 2-naah chuan chhiar zawh vek theih beisei a ni a, chawhnu lamah chuan dinhmun pumpui hriat theih beisei a ni. Hetih lai hian he inthlannaa Party inepna a nasat em avangin vote chhiarna hmunah hian venhimna uluk taka siam a ni dawn a, Police hotute chuan Returning Officer nena ruahmanna an siam chu khauh takin an keng kawh dawn a, mipui thlen theih chin leh mi chi hrang hrang, vote chhiartu ni lote thlen theih chin pawh siam a, khauh taka ken kawh a ni ang. Tun tum inthlannaa thlan tlinte hi District Council Chairman-a an thlan duh hming May ni 9 khian pe lut tura hriattir an ni a , Chairman hi tun thla ni 11-ah thlan a ni ang. Hemi hma lam hian Party zinga thlan tlin member ngah ber chuan an Legislature party hruaitu tur, Council Chief Executive member hna chelhtu tur an thlan fel hmasa ang a, an danin a phut angin Chairman thlan hma hian District Council Court President-in thlan tlinte hi member atan rinawmna thu tiam tirin a la lut dawn a ni.

Source: http://zonet.in/index.php?nid=18

List of Daily Newspaper in Mizoram

List of Daily Newspaper in Mizoram

Mizoram Media lam biak pawh duh tan- Hei hi tlawh man hla tak a ni.
Visit: http://pibaizawl.nic.in/dailynews.htm

Moon Light News Paper

Moon Light News Paper
Saiha, Mizoram, INDIA

MISS CONTEST

Maraland Gospel Centenary Miss Contest 2007 chu April chawlhkar 2-na ah khian District Playground, Saiha-ah ropui taka neih a ni dawn a, Contestant 39 hming pekluh a ni tawh a, pek belh mek zel a ni.

He Maraland Gospel Centenary Miss Contest 07 lo awm turah hian Saiha District a cheng tawh phawt, eng hnam pawh in an Contest thei vek dawn a, tunah hian training pek tan an ni tawh a. Phawngpui Tlang, Palak Dil, Kolodyne Bridge leh Pu Engnghaka Swimming Pool, etc. ah Shooting neihpui tum a ni, tiin Pu J.Jeffrey Khara, Information Secretary, Miss Organising Board chuan a sawi.

MOONLIGHT AWARD 2006

MOONLIGHT AWARD 2006 HLAWHTLING TAKA SEM A NI.

A vawi 4 – na atan November 23 – 24 2006 zan khan MTP Hall, New Colony, Saiha – ah Moonlight Award 2006 chu ropui taka sem a ni a. A zankhatna ah hian Pu Lengduna, EM PWD, MADC leh khualzahawm Pu F.Lalhlira, PD, DRDA, Saiha District in an hmanpui a ni. A zanhnihna hi Pu HC.Lalmalsawma Zasai, Chairman, MADC leh Miss Mara Wendy ten an hmanpui bawk a ni. He Moonlight Award function ah hian Mizo hla kungpui Pi Lalsangzuali sunna hun hman a ni a. Guest Artist Blue Corn, Tling & Felicia, Bethsy Lalrinsangi – te chu mi sang tam takin chibaiin thla an lakpui a ni. Chibai leh thlalak hian darker 2 chuang a awh a, boruak a pui mup mup hle. Hall a leng lo mipui 5000 chuangte chu Bazar Traffic Point leh MST Bus Station thleng an ding khat tlat a, motor leh mihring tan kaltlang ngaihna a awm hlawl lo. ML Award 2006 hi Saiha Khawpui chhunga mi mai ni lo, Lawngtlai, Lunglei, Tuipang, Bualpui NG, Sangau leh Zokhaw lam hmun hrang hrang atangin an rawn chhim a, mipuiin an kham lo hle a ni. Hall a leng lo, ticket chang lo mipui sang tam tak tuihal zia ahmuhin ML Board Chief Organiser Pu J. Jeffrey Khara rilru a nain a mittui a tla hial a. Pu KH. Beihlo, Contractor fel eh rinawm, a hnathawh tawhna a sawisel kai lo hnenah a memorial atan mipui 3000 lenna sa nghal turin a ngen nghal a ni. ML Board chuan Pu C. Dinthanga, Editor Lelte chu National Integration lama a thawh hlawk em avangin Appreciation Certificate a pe a, Pu Sangzuala Hmar chu Journalism for Youth lama athawh hlawk avangin Appreciation Certificate a pe bawk a ni. ML Award hi 2003 atanga sem tan a ni.

MOONLIGHT AWARD 2006 DAWNGTUTE

1. Best Music Video - Damary P. Hlychho 2. Best Male Artist (Gospel) - L. Khuly 3. Best Female Artist (Gospel) - Damary P. Hlychho 4. SS. Singer of the Year - Kalvary Hlychho 5. Song of the Year - Krista Paloru – FC. Minela 6. Best Choir - ECM Choir, Siaha. 7. Album of the Year (Gospel) - Beipata Mia Kho – Kalvary Hlychho 8. Album Cover Design of the Year - Kalvary Hlychho (Beipata Mia Kho) Designed By – Nixon 9. Album of the Year (Love Song) - Ka Phu Lo Che – VT. Maduhi 10. Best Music Video (Lai) - Mabiaki 11. Best Artist (Lai) - Rochhingpuii 12. Special Award - Lalroutmawi 13. Special Award - Bounglienkung 14. Best Male Artist (Love Song) - John Beizachhi 15. Best Female Artist (Love Song) - T. Merisa 16. Special Guest Artist - Tlingi (Blue Corn) - Felicia (Blue Corn) 17. Most Popular - Dr. K.Beichhua 18. Best Officer (MADC) - Thaly T. Azyu 19. Best Announcer (Female) - VT. Lalduhchuangi 20. Best Announcer (Male) - Lallungmuana Hrahu















Moonlight Editor and Bethsy

Moonlight Award trophy

T.Merisa and Vasty Azyu


















Blue corn

Damary P.Hlychho

Moonlight Editor Jeffrey Khara

Moonlight Award Winners

Moonlight Award Organisind Board and Award Winners

Bethsy Lalrinsangi

Blue corn


















L Editor & Blue Corn


















L Editor & Blue Corn

Moonlight Award 2005

Moonlight Award 2005 Date : 17 - 18, November 2005 zanah khan Moonlight award ropui takin sem a ni leh ta mi 5000 vel an pungkhawm a, a pui miah miah hle, Spi, Michael m Sailo, J. Vialua, Vasty, Minuti, te an che nasa hle. Moonlight Award dawngtute - Lifetime achievement - Zakia: Most achieved academy - Dr. Bobby, Best Song Writer - Fc Minela, Best announcer - Minuti, Best Music Promoter Wb Manner, Best song Promoter - Dawdaw, Best Musician - Thatlo, Best Book - Dr. Chawngkhuma, Best Footballer - Beikhokhei, Best Choir - ECM Gilgal, Best announcer - Minuti, Best New artist Male - Abraham, Best New artist Female - Damari, Singer of the year Male Gospel - Pahrua, Singer of the year Female Gospel - Kalvary Hlychho, Singer of the year Male Love Song - J. Vialua, Singer of the year Female Love Song - Vasty ladc area a tangin zaithiam Rochhingpuii leh Lalbiakchhungi ten Award an dawng.

Vasty and Michael M. Sailo

Damara P. Hlychho (Weldeni)

Kalvary Hlychho

Moonlight Award 2004

Moonlight Award, 2004 dawngtute chu:
1. Most male popular - Dr.K.Beichhua
2. Most female popular - Pi K.Pari,DAO (MADC)
3.Lifetime achievement - Pu S.Mokia
4.Gospel artist of the year (male) - B.Vakhai
5.Gospel artist of the year (female) - S.Debori
6.Artist of the year (Love song) male - A.Chhualai
7.Artist of the year (Love song,female) - K.Minuti
8.New Artist of the year (Male) - John Beizachhi
9.New artist of the year (female) - T.Merisa
10.Best officer - Pu C.Zohupa,Principal,Govt Saiha College
11.Best cable TV - New Skylink Vision
12.music promoter - Wellborn manner Azyu
13.best sport promoter - A.Thazi
14.best musician - S.Thatlo
15.Best sportman - FC Saku
16.Best sportwoman - K.Lalnunsiami
17.Best choir - ECM College veng zaipawla
18.Special Award - J.Hrokhu
19.Most outstanding achievement (Academy) - K.Robin,Lecturer ,Mizoram, UNiversity.
20.Best album - Raino
21.Song of the year - Lytla eina khosai haw
22.Best footballer - Ng.Beirona

He moonlight award semna inkhawmah hian a zankhatna ah Pu S.Pailei,CEM(MADC)Khuallian a ni a,a zanhnihnaah Dr.K.Beichhua,President,MTP Hqrs khuallian a ni a,.Khualliante chuan hetianga Saiha District a, talent nei thate chawimawia zaimite promote hna ML Board in an thawk hi ropui an tiin lawmawm an tih thu an sawi a ni.

He Award semna programme ah hian mipui 5000 rual an pungkhawm a,zaithiam Joseph Zaihmingthanga,RD Remsanga, J.Vialua,A.Chhualai,John Beizachhi, T.Merisa,K.Minuti,A.Samari,Kalvary,Maduhi,Rochhingpuii,Jenny,Mabiaki leh midangte an chetha hle a,Sandy,Delili,Api te pawh a chetha hle.Nakum ah chuan open ah award semna buatsaih tum a ni.

Pu Jeffrey Khara Biography

Pu J. Jeffrey Khara hi kum 1969 November ni 3 khan Ainak (Iana) ah a lo piang a, a Pa hming chu J.Chyulua a ni a, a Nu hming chu Zingnawni a ni. Naute 4 a nei. J. Jeffrey Khara hian Class-III a passed hnuin Chhuarlung ah Cl-IV a zir a, 1st division ah a passed. Middle School erawh Ainak-ah a zir a,Chakhang-ah High School Class-IX thleng a zir a, Class-X erawh Govt High School, Saiha-ah zirin Matric a passed a, Govt. Saiha College a zawm a ni. J. Jeffrey Khara hian Moonlight Daily Newspaper kum 1991 atanga tichhuakin tun thlengin a enkawl mek a, National Intergration Article inziahsiaknaah vawi 3 telin pakhatna a la vek a ni. Tunah hian J. Jeffrey Khara hian Editor bakah nihna dang a chelh nual a. Chungte chu : 1. President, Saiha District Crictket Association. 2. President, Student Self Support Union, CTP Dist (Undivided). 3. Secretary, Chhimtuipui Journalists Association. 4. Executive Member, MTP Hqrs. 5. Executive Member, Saiha District Sport Committee. 6. Executive Member, Saiha District Football Association. 7. Executive Member, Saiha District Amateur Boxing Association. 8. Vice President, Mara Hlasapa Py Hqrs. 9. Executive Member, Saiha District TV Control Society. 10. Auditor, MCHP (Upper New Colony) Branch. A thil tum : Ram leh mipui hmasawnna tura rawngbawlna tihzauh zel. A hobby : Reading, Sport & Music. A chawhhmeh duhzawng : Sangha, Arsa, Vawksa leh Bawng thin. Tunah hian a nupui S. Lalrinpuii nen New Colony, Saiha ah hlim takin an khawsa mek a, fapa J. Millenium Vanlalfakzuala leh a Jacob Laltlangsanga an nei a, Rinpuii nen 1999 May 6 khan New Saiha ECM Biak inah an inkutsuih a ni. J. Jeffrey Khara hi Zawtha (Zathang) lal hnam a ni. A hla duh ber : Keiniin vanduainaa kan ruat, A hmangaihna lantirtu.

Personal e-mail ids:
moonlightnp@indiatimes.com
jeffreykharas@yahoo.co.in
















Pu J. Jeffrey Khara













Pu J. Jeffrey Khara