ECM KTP Week programme tan a ni ta

Saiha,June,2 : Evangelical Church of Maraland (ECM) KTP week chu Mara ram pumah nimin khan tan a ni ta a. KTP Branch tam tak chuan zing karah khawlai tihfai hnatlang an thawk a, zan lamah Zai,etc a intihsiakna an nei a ni.Branch thenkhat erawh chuan nilengin Sport intihsiakna an nei thung. Branch tam takin Skit show intihsiakna an nei bawk a, Bukna leh Tehna dik lo hi Pathian hmaah a tenawm a ni tih thupui hmang an tam hle a ni.Kohhran pui pawhin KTP week avangin an programme karkhat chhung an cancelled ta bawk.

* CEM,MADC chuan vawiin dar 10.30 am a Aizawla BRGF meeting a tel hman ngei turin nimin tlai khan Pu MH.Tiabi, EM,Revenue, MADC a tir thla.

* Nimin khan BADP meeting DC Conference Hall Roun table-ah Pu Zorammuana i/c DC hovin neih a ni a, MADC CEM leh a thawhpui EM te bakah Pu TA.Chhohu,Executive Secretary te an tel a ni.

* Nimin khan Saiha Bazar ah Zoram Taxi Owners’ Association buatsaihin ZTOA Week hawnna in khawm neih a ni a, he programme Pu Pasa T. Azyu,President-in a kaih hruaiah hian week hawngtu Pu C.Lalchansanga, Vice president, bakah Pute HC. Darhnuna O/c i/c Traffic pawhin thusawina an nei a, Dt.6.6.09 khian a kharna inkhawm neih a ni ang.

* Mara Literature Committee chuan Monthly Bulletin an chhuah tan ta a, a subscribe duh tan hun hawn reng a ni.

* Tunlai hian damlo an tam a,fur lai hian damlohna a tam duh thin avangin ei leh in kawngah fimkhur turin Doctor te chuan mipui an ngen a ni.


*John Beizachhi chuan tunlai hian FT Studio ah album a siam mek a, a hit leh ngei dawn e, a fans ten an nghakhlelh hle.

* Zonunsangi (Kuri) Class-V zirlai Pu Neihdinga fanu Mamit chuan FT Studio Saiha ah recording siamin Music video a siam nghal a, Mara Hla, Lai, Mizo, Hmar, Hindi,English a siam tel vek a,amah hi Lelte Award dawngtute zinga mi a ni a, Mara Traditional Dress hi a duh em avangin a nu leh Paten Saiha-ah an order sak nghal a, a Music Video hi Saiha-ah release tura ruahmanna siam mek a ni. Mamit atanga Saiha thlenga Music Video an rawn siam na leh thil dangah cheng nuai 2 vel an seng tawh niin a pa chuan ML thalai huang a hrilh.

* ECM Choir ten DDK a hla an thun kha tha ka ti lutuk - miss reingia

* Keini Australia a zofa awmte hian nitin moonlight website atangin news kan lo chhiar thin a, ML editor leh staff te chungah lawmthu kan sawi a, nitin news min rawn dahsak chhunzawm zel turin kan ngen bawk e. - linda hrahsel,melbourne

* Saiha district tihmingtha tu boxer te T.Beirapathai, Joel Hlychho leh Simon Hlychho te kan ngaisang che u, boxing buatsaih leh hun pawh chetha chhun zawm zel turin duhsakna kan hlan a che u - rovi leh anu

* Joel Hlychho a champion theih nan i tawngtaipui vek ang u - malsawma