Saiha,Apr,26 : MTP General Hqrs chuan an kumpuan bawhzui mek ‘Ruihhlo do kumpuan hawnna’ programme buatsaih thuai an tum a,hemi chungchang hi min tlai khan MTP Gen.Hqrs OB meeting chuan an Sr.Vice president Pu B.Dawpho hovin an office ah an sawiho a ni.Tun thla ni 28 hian MTP Branch hrang hrang te nen kumpuan hawnna programme buatsaih dan tur sawiho nise tih rel a ni.He Ruihhlo do chhunzawm zelna -ah hian mipui leh sorkar tawiawmna an mamawh tak zet a ni tih Pu B.Dawpho,Sr.Vice president,MTP General Hqrs chuan a sawi a ni.
Meisa Vaih tawngtai
Tun thla ni 3 atang khan Meisa Vaih KTP rual ten ABC Home ah Bethel tawngtaina zanin thleng an nei chhunzawm ang a,ram tan chawnghei tawngtaina an nei a,Mara rama chengte pawh tawng tai vek turin an ngen. Hetah hian Soldier for Christ team Speaker Nelson Notlia leh member te an tel bawk.
Hriattirna leh sawmna
Saiha Town chhunga Koh hran hrang hrang te tarik ni 25.4..08 (Friday) ah Joint meeting neih a ni a,Ram tana Chawngheia Tawngtaina neih tha a ti a,a hnuaia hun leh hmun ruatah hian neih a ni ang.
Ahmun : Govt Saiha College Complex
A hun - Dt.20-27.5.08
Kohhran hrang hrang member te leh Local Church hrang hrangte kim taka tel theuh turin kan in hriattirin kan in s
Tui kang nghak tam
Tunlai chu PHE tui lakna hnar thenkhat a kang chat deuh thaw tawh avangin connection nei tam tak chuan Tuikhur ami tho an chawi a,Tuikhur leh Pump bulah mi tam takin an nghak thup reng bawk a, tlaivar an tam thei hle bawk.Hetianga a kal zel chuan tui inchuhin kan hmeichhiate insual hun a thleng leh lovang tih sawi a har ta.VC/NGO te hian Tuikhur/pump control vek se, mi 1 tin 2 bak phal lo se a fuh ang.Tui pawh ren a tul hle.Thawmhnaw tam tak hi Tin 2 ah suk zawh nise, Inbual nan Tin chanve hman nise -tui renchem duhi
* MADC Forest Department chuan nimin khan an thingphun en pah fawmin Kawlchaw-ah Picnic an nei a ni.
* Govt Saiha College Complex-ah Ram tana chawnghei Tawngtai Or ganising Committee chuan convener Upa C.Zohupa hovin ram tana chawnghei tawngtai an chhunzawm mek a ni.
* Saiha District Cricket Association chuan 12th May 08 atangin District huap Cricket tournament an buatsaih dawn a ni.
* HSLC result ah khan Pu K.T.Rokhaw fapa Laibu chuan thla 4 chauh zir hmanin(pawl 8 atangin pawl 10 a zawm tawp) Distinction ah passed in Letter mark subject 3 ah a hmu tih tlai khaw hnuah thu dawn a ni.
* ECM KTP week kumin 08 atanga June thla a hman tur tih chu Assembly-in inkaihhruaina bu a pawm sak hman loh avangin October 1st week ah dan pangngai anga hman leh a ni dawn.
* Champion league semi final ah Barcelona vs Man.Utd 0-0 in an in draw karleh nilai zanah khel leh a ni ang.
Phusa khua ah In 23
kan la awm
Phusa khua hi kum 1966 ah din a ni a,kum 1970 ah V/C pawh pek kan ni.Kum 2007 Janruary ah mi thenkhat ten Chhuarlung a pem an duh avangin District Council ah lehkha an thehlut a,District Council chuan Enquiry Com missioner tirin Commissioner chuan In 30 in pem duh a, In 22 in an duh lo tiin report a pek avangin MADC chuan Phusa khaw chung chang an relhona pawh an thukhawm thei lo a ni kha.
Heti chunga Phusa a khuaa chhungkua 17 an awm tia Phusa chhuahsan thuai tura hriattir kan ni hi tuna Phusa a la awm chhung kua 23 ten na kan tiin MADC a kan hotute hian dikna tan ngam zawk se kan ti a ni.
Chuvangin he Phusa khua leh tui hi keini chhungkaw 23 te hian chhuahsan mai kan tum lo in kan phal bawk hek lo. He Phusa khua leh tui hi kan Pi leh Pu ten harsatna leh hrehawmna chi hrang hrang paltlang a,an lo din leh in leh lo an lo sawh nghetna a ni a.Pathianin khaw nu leh pa te hmangin ramri fel tak min khamsak a nih angin chhuahsan kan remti lo bawk..
Tunah hian Elected VC Member pahnih ah Elected VC member pakhat kan la nei bawk a.Tin, MADC hian chhungkaw 23 nei Phusa khua chu VC nei tur a Quorum tlinglo khua ah engvanga puhn nge anih? tih hi khaw mipuite ngaihdan a ni.
* JB Cable,Lunglei buat saih Zo Star final hun atan 2nd May 08 ruat a ni a,Organising Board hruai tu Pu Jeffrey Khara pawh tel ngei tura sawm a ni.
Pu M.Laikaw,EM,Education -in chanchinbumite a kawm
Quota a awm lovang,a thiam apiang an tling dawn, ati awm e.
Saiha,Apr, 25 : Nimin khan Pu M.Laikaw,EM,Education,MADC chuan a office chamber-ah chanchinbumite kawmna a nei a.Pu Laikaw chuan, District Council hnuaia Deficit Middle School chu Mizoram sorkarah an lut leh dawn tih thuthang hi sawifiah atul a ni,tiin hemi chungchang bik ngaihtuahna Committee Chief Minister Pu Zoramthanga leh Dr.R.Lalthangliana,Minister,School Education telna-ah District Council 3 aiawh kan tel bawk a, Middle School Teachers` Association(MSTA) in High Court an thlen tak avangin Court chuan Mizoram sorkar hnuaiah lut leh turin Order chu a siam ngei a,hemi chungchang ngaihtuahtu Committee chuan District Council hnuaia Deficit M/S te chu District Council hnuaiah bawk awm leh mai se, Govt School-a hlankai vek nise,an pension,etc pawh Finance department-ah requirement in lo thehlut anga,Finance dept-in lo sanction mai se tih rel a ni,a ti a. 1994 ah Entrustment Power hi District Council kutah transfer a ni a,vacant post Council-in fill up zel mai se tia engkim tihfel tawh hnu a ni,a ti.MSTA leh District Council hi in ep kan ni lova, kan tang tlang zawk a, a hlawhtlinna kan hmu tan ta a ni,tiin MLA inthlan hma ngei hian Cabinet approval hmuh hman ngei kan in beisei a ni,a ti.Tun dinhmunah MADC hnuaiah Deficit M/S 34, LADC ah 30 leh
YMA Saiha Group Conf
Tuipang a YMA Saiha Group Conference chu tluang taka zawhfel a ni ta Thurel zinga pawimawh zualte: 1. Kawlchaw`W` ah Rural Bank dah ve turin sorkar ngen ni rawh se.
2. Tuipang in tui lama harsatna a tawh sutkian nan Pumping set hmanga ramri lui hi pump turin thuneitute nawr nise.
3.Tuipang PHC ah X-Ray technician leh staff nurse 1 ve ve awm tura sawrkar ah thlen ni rawh se.
4.Saiha leh a chhehvela tui harsatna sutkian chak zawk nan EE,PHE Saiha ah dahsak tura ngen nise.
5.MRB Tuipang`V` atang a lakchhuah hi a rang lama dah let tura sorkar ngen nise
6. Tuipang-Lungpuk kawng BRTF in a thawk mek hi March 09 hma ngeia thawk zo turin thlen nise.
7.Budget Rs.29500/- passed a ni bawk.
* Vawiin hian MADC Forest department chuan Kawlchaw-ah an picnic dawn a, chanchinbumite an sawm a ni.
* Hnahthial District Demand Committee huai hawt a Aizawl pana kawng zawh mek member 81 te chuan nimin khan Ser chhip an thleng thei lova, ni a sat em avangin an chau deuh hlek nia hriat a ni a,kawngah an riak, mahse vawiinah Aizawl thlen hman hram an inbei sei a,chau hle mahse Aizawlah chaw an nghei chhunzawm dawn a ni.
* Nimin khan Sevenday Adventist kohhran chuan buhfai quintal 150 Mamit a tam tuarte hnenah an hlan a ni.
* Nimin khan PHE Minister Pu Tawnluia hovin PHE Department hotute an thukhawm a,Tui meter hman chhunzawm zel nise,Engineer post siam belh nise tihte an rel a ni.
* CM Pu Zoramthanga chuan CBI ko luh a tum loh thu a sawi.
* Nimin khan Mizoram Governor Lakher leh Italy palai inkawmin Mizoram leh Italy thawhho dan tur an sawi a ni.
CMO pawi ti
Chief Medical Officer Dr.L.T.Tluanga chuan malaria natna hlauhawm tak laka kan him theih nan nasa taka hmalak a ni a,DDT kah,Thosilen sem leh Damdawi a tholen chiah chungchangah mi tam chuan an tawiawm duh lo a ni tih sawiin DDT kah duh loh chhungkaw 1 atangin malaria PF hmuh a ni a, a boral ta chu pawi a tih thu leh an hmalakna tawiawm tha tura mipui a ngen thu PR siamin a tarlang a ni.
Editorial
A tak ngei nise
Kan ram Education a tlahniam nasa lutuk a, sorkar sikul ah zirlai an tlem a, private school ah zirlai an tam tih chu EM,Education Pu M. Laikaw ngei pawhin a sawi a, quota awm lovin a thiam tak tak te chauh fair takin an tling ang tiin thuthar lakhawmtute hma ah Pu M.Laikaw hian ka a lo ang tawh a,a lawmawm tak zet a ni.
Ni,kan tu leh fate zirtirtu tur chu mithiam ngei nise,tuma`n thiam lo emaw discipline nei lo emaw te hi chu kan duh awm love.
Kan ram a Education lama kan tlakhniamna hi chhan tlak kan la awm a, a chhe lai siamthat hna thawk turin kan ram hruai tute chauh an pawi mawh lova,mi zawng zawng kan pawimawh a ni,kan tan rual thiam a tul hle a ni. Education lama kan san chho zel phawt chuan thil dangah pawh kan kang awk awk mai dawn a ni.
Kan rama chhung kaw tam tak hian an fate an dahna hi sikul rintawk na zelah a ni a,Private sikul chu a rak char char hle zel mai a,hei hian tan an lak nasatzia a tilang a, sorkar sikul pawh tan an lak thar a tul tak zet a, result hi an dinhmun hriatna tha tak a ni bawk.
Laila Hall-ah Nirdhar Darshan Exhibition hlawhtling taka neih a ni
Saiha,Apr, 24 : Nimin khan Laila Hall,College Veng ah Nirdhar Darshan Exhibition buatsaih a ni a.He programme Pu Thangchem Zathang,SDO(S),Saiha kaihhruaiah hian khuallian Pu S.Khipo,CEM,MADC chuan thu sawiin, India ram zalenna tura nunna hlu tak hlantu Martar te hlutzia leh ropuizia uar takin a sawi a. Martarte India ram leh mipui tana hriatreng tlak an nihzia ataka programme siama lokal `Maharastra` atanga `Nirdhar Darshan team` lo buaipuitute hnenah lawmthu a sawi nghal bawk.India ram chhungah hian hnam chi hrang hrang awmkhawmin chi leh chi inthliarna leh buaina te thleng thin mahsela,India ram leh hnam inpumkhatna hi chu tihchhiat theih tak tak a nihlohzia khuallian chuan a sawi a ni. Pu N.Chakhai,PD,DRDA,Saiha chuan lawmthu sawina a nei a ni.
Journalist Workshop
Mizoram chhim lam pual bik Journalists` Workshop 22.4.08 khan Lunglei Information & Public Relation Auditorium-ah neih a ni a.He Journalists’ Workshop hi khuallian Pi M.Zohmingthangi,DC,Lunglei chuan a hmanpui a ni.He Workshop ah hian Pu Jim K.Chozah,MIS,Jt.Director, Information & Public Relations,Govt of Mizo ram chuan ‘Role of Public Relations and TRI Acts - 2005 hmangin chanchin bumite a zirtir a. Pu Lal siama Fambawl,IPRO chuan ‘Norms of Journalistic Conduct and Role of the press’ tih thupui hmangin paper a present bawk.
Saiha atangin Pu J.Jeffrey Khara,Ed.ML, Pu Hriatpuia,Jt.Ed.Saiha Post leh HSV aiawh an tel a,Lawngtlai atangin 3 an tel bawk.
* Tunlai hian Saiha District Development Vigilance Committee chuan an hmalakna chhunzawmin hun leh sum an seng teuh tawh nia hriat a ni.
* All Mizoram Karate Association,Saiha District chuan nimin khan an Adviser Pu K.Vanlalliana, P&RDO chamber ah Executive meeting neiin an hmalak zel dan tur an sawiho.
* Vawiin tlai dar 1:00 Pm hian Pu M.Laikaw,EM, Education (MADC) chuan a office chamber ah chanchinbumite a kawm dawn a,thingpui ruai a kilpui bawk ang.
* Nimin khan Sawrkar chawimawina Lalthlengliana hlan a ni a, amah hian mi pakhat savawm seh lai a chhan chhuak a ni.
* Mamit a chhung kaw 825 chuang chuan nimin atang khan NREGS hnuaiah inhlawhna hna an thawk tan ta.
* Saiha town chhung veng hrang hrangah tuikang nghakin mi tam tak an tlai var ziah tih thu dawn a ni. Tuikhur awmna apiang chu a lun deuh reng tawh a ni.
PRESS HANDOUT
People`s Union for Civil Liberties (PUCL) hi kan hriat theuh angin tun hma atanga Mizoram mipui ten kan manganna a kan lo chhawr tangkai thin a ni a,amaherawhchu hruaitute lamah kum upat avang leh hrisel lohna avanga harsatnate a lo awm chho a,PUCL mamawhna mipui lamah ala awm reng nia hriat avangin PUCL president nihna rei tak lo chelh tawhtu Pu C.Thangmura chuan he pawl hi tundin leh nise tiin kum 2006 atang tawh khan a theih ang tawk tawkin a aiawh tur alo zawng a.Chumi rah chhuah chu kumin March 1,2008 a Pu David M.Thangliana PUCL president charge a hlan kha a ni ta a ni..
PUCL chuan hruaitu thar hnuaiah mipui thlavang chak taka hauhsak a tum a.A hna hmasa atana a chhawpchhuah chu February 29,2008 a New Capital Complex,Khatla Aizawl panna lungrem chim kha niin Reserved Bank of India in Industry din nan cheng nuai 5 hnuailam chin dahkham awm lova loan pe tura bank te a hriattir tihpuitlin te a ni a.Hemi thil pahnihah hian PUCL Mizoram chuan hma la tawhin tunah hian Mizoram sorkar hnenah Legal Notice pein Khatla lungrem chima mawhphurtute chu hrem ngei tur leh thi leh hliam te zangna dawmna tha tawj pe tura hrilhin bank ho,a bikin State Bank of India, Mizoram Cooperative Apex Bank Ltd, MUCO leh MRB te hnenah RBI thupek hi PUCL nen tangkawpin tipuitling turin a ngen tawh a ni.
PUCL rawn intuai thar leh hian a theih ang angin Mizoram mipuite chu an harsatna tawh apiangah tanpui a inhuam a,mahse tunhmaa he pawlin hma alo lak tawhna tihpuitlinin a la awm lote erawh chu hruaitu hlui ten kalpui zel dan tur engmah hnutchhiah mumal an neih loh avangin tunhma thil te chu tuna PUCL lo ding thar leh hian kalpui zel ngaihna a hre teh chiam lova, hetah hian mipui hriatthiamna a ngen a.Hetih lai hian sorkarah emaw, private constitution (Danpui) in mipui hnenah chanvo leh zalenna a pek rahbehsak chungchangah te, mimal zalenna inzahsakloh chungchang leh thil dang dangah pawh PUCL Mizoram chu englai pawhin ke pen turin a inpeih reng a ni.
Dan hnuai leh dan hmanga mipui thlavang hauh tlat hi PUCL tum bulpui ber chu a ni a,hlemhletna avanga kan state leh mipuiin a tawrhna zawng zawngte hi dan hmanga do tlat theih a ni tih PUCL hian a hriat avangin Mizoram mipuite chuan sorkar hmalakna reng reng chu rilru thianghlim tak nena vil(monitor) reng a thil kalsual thei tur laka veng tlat turin a ngen a.Hetih rual hian mipui lam pawh dan leh hrai zah turin PUCL chuan a ngenin thuneihna te mahni kuta inpe mai lova danin thuneihna a pek te nen tangho thiam turin a ngen bawk a ni.Issued by PUCL Mizoram Gen.Hqrs,Aizawl
* ECM Choir album 2-na tur chu a hit leh hle tura beisei a ni a, an member zinga pakhat Miss S. Lalmuanpuii pasal neih tur avangin kar 1/2 vel chu an chawlh phawt dawn a, chumi hnuah an bawh zui leh char char dawn a ni.Tunlai hian member thar tur zawn belh mek a ni bawk.
* Miss Mizoram thlanna ah pawh 3na ni phak B.Lalmuanpuii chu New Delhi-a Five star ah hlawh neiin part time-in a zai thin tih amah B.Muanpuii chuan ML thalai huang a hrilh.Tun thla tawp lamah Canada a hnathawk turin visa a hmu ta hlauh a, Delhi ah hian Call centre ah hnathawkin kum 3 vel a awm tawh a ni.
* Leitlangpui product Linda Fanai chuan album dang a buatsaih tan leh mek a,amah hi computer thiam tak a ni a,Linda chuan ‘Keimah leh kei mah hi ka in promote tawp mai a ni’tiin ML a hrilh.
* WB leh a hote chuan Chawngte ah Work camp neiin hun an hmang mek a, a pu Chawngte a awm chu tunhnai khan a boral avangin Pu WB hian a va ral nghal nia hriat a ni.
* Argentina footballer ho hi Club hrang hrangah awm mahse an intan hle tih a hriat.Manchester Utd player Carlos Tevez chuan Barcelona striker Lionel Messi chu a fa
PRESS HANDOUT
People`s Union for Civil Liberties (PUCL) hi kan hriat theuh angin tun hma atanga Mizoram mipui ten kan manganna a kan lo chhawr tangkai thin a ni a,amaherawhchu hruaitute lamah kum upat avang leh hrisel lohna avanga harsatnate a lo awm chho a,PUCL mamawhna mipui lamah ala awm reng nia hriat avangin PUCL president nihna rei tak lo chelh tawhtu Pu C.Thangmura chuan he pawl hi tundin leh nise tiin kum 2006 atang tawh khan a theih ang tawk tawkin a aiawh tur alo zawng a.Chumi rah chhuah chu kumin March 1,2008 a Pu David M.Thangliana PUCL president charge a hlan kha a ni ta a ni.
PUCL chuan hruaitu thar hnuaiah mipui thlavang chak taka hauhsak a tum a.A hna hmasa atana a chhawpchhuah chu February 29,2008 a New Capital Complex,Khatla Aizawl panna lungrem chim kha niin Reserved Bank of India in Industry din nan cheng nuai 5 hnuailam chin dahkham awm lova loan pe tura bank te a hriattir tihpuitlin te a ni a.Hemi thil pahnihah hian PUCL Mizoram chuan hma la tawhin tunah hian Mizoram sorkar hnenah Legal Notice pein Khatla lungrem chima mawhphurtute chu hrem ngei tur leh thi leh hliam te zangna dawmna tha tawj pe tura hrilhin bank ho,a bikin State Bank of India, Mizoram Cooperative Apex Bank Ltd, MUCO leh MRB te hnenah RBI thupek hi PUCL nen tangkawpin tipuitling turin a ngen tawh a ni.
PUCL rawn intuai thar leh hian a theih ang angin Mizoram mipuite chu an harsatna tawh apiangah tanpui a inhuam a,mahse tunhmaa he pawlin hma alo lak tawhna tihpuitlinin a la awm lote erawh chu hruaitu hlui ten kalpui zel dan tur engmah hnutchhiah mumal an neih loh avangin tunhma thil te chu tuna PUCL lo ding thar leh hian kalpui zel ngaihna a hre teh chiam lova, hetah hian mipui hriatthiamna a ngen a.Hetih lai hian sorkarah emaw, private constitution (Danpui) in mipui hnenah chanvo leh zalenna a pek rahbehsak chungchangah te, mimal zalenna inzahsakloh chungchang leh thil dang dangah pawh PUCL Mizoram chu englai pawhin ke pen turin a inpeih reng a ni.
Dan hnuai leh dan hmanga mipui thlavang hauh tlat hi PUCL tum bulpui ber chu a ni a,hlemhletna avanga kan state leh mipuiin a tawrhna zawng zawngte hi dan hmanga do tlat theih a ni tih PUCL hian a hriat avangin Mizoram mipuite chuan sorkar hmalakna reng reng chu rilru thianghlim tak nena vil(monitor) reng a thil kalsual thei tur laka veng tlat turin a ngen a.Hetih rual hian mipui lam pawh dan leh hrai zah turin PUCL chuan a ngenin thuneihna te mahni kuta inpe mai lova danin thuneihna a pek te nen tangho thiam turin a ngen bawk a ni.Issued by PUCL Mizoram Gen.Hqrs,Aizawl
Tanpuina sem dan tur
Mautam Tam Emergency Committee chuan Rs.581 663 hnuah Rs.47835 an dawn belh a,District tina semdan tur hetiangin an ruahman a ni.
Aizawl Dist - Rs.120000
Lunglei dist - Rs.80,000
Champhai - Rs.60,000
Saiha dist - Rs.52,000
Lawngtlai - Rs.54,000
Serchhip - Rs.52,000
Mamit dist - Rs.52,000
Kolasib dist - Rs.51,528
An dawn belh Rs.47835 chu Mamit district tan pek vek nise,tiin buhfai qtls 145 chu Aizawlah sem nise tih rel a ni bawk.
ECM News
* ECM Mission Department chuan posting & transfer hetiang hian a siam: Pu RC.Beilaizi Bohia - Tripura field-ah.
Pu T.H.Vaha - Tripura atangin Tiwa field -ah.
Pu K.Pasi - Tiwa field atangin Chakma field -ah.
* ECM KTP Hqrs chuan 29.4.08 ni hian Sual thupha chawi tawngtaina neih turin ram puma KTP branch zawng zawnga hriat tir a, Saiha tow, Tuipang leh Zawngling te chuan a huhova hmun remchangah hman theuh turin a ti a,Saiha town chuan Saiha Vengpui Biak Inah he tawngtaina hun hi hman tura tih a ni.
* ECM Meisavaih KNP chuan New Saiha tlawhin Macha Pakhu Hlychho chu Speaker a ni.
* Gilgal rawngbawltuten zantin kohhran leh ram tan
* Saiha District Development Vigilance Committee chuan hun remchang hmasa berah hruaitu thar inthlanna buatsaih an tum
Tuna Chairman nilai hi Dr.K.Beichhua a ni a, Vice president chu Pu B. Dawpho a ni.
* Dr.K.Beichhua chu LIKBK kohhran chuan an hospital enkawl tel hram turin an sawm nia sawi a ni.Amah hi Lawngtlai ah dah anih avangin Lawng tlai ah a awm tawh a, Lawngtlai ah fak hlawh tak a ni tih hriat a ni.
* MTP chuan ruihhlo do hna a chhunzawm reng a, veng hrang hranga thawk tute an fakawm hle.MTP General Hqrs chuan Branch zawng zawng te chu April 2008 thla chhunga election nei vek hman turin a hriattir tawh a ni.
* Vawiin dar 11 :00 A.m hian DC Saiha chamber ah sorkar hnathawkten Medical Re-imbursement(MR) an bill ve theih dan tur chungchang District levele tul leh mamawh sawihona neih a ni ang.Hetah hian MJA pawh special taka sawm an ni.
* ECM Bethel KTP ten Chawngte a Work camp nei turin vawiinah Saiha an chhuahsan ang.
tawngtaina an nei mek zel
Thingsen khaw hlui-ah lu bung mitthi ruang chhar a ni!
Saiha,Apr, 19 : Thingsen khaw hlui a mitthi ruang lu bung chhar chu nimin khan Saiha Civil Hospital-ah post mortem hnuin Thingsen thlanmualah phum a ni.17.4.08 khan Pu Jerusalem Thingsen ram kal chawhmeh zawng chuan mitthi ruang a hmu a,zanah police leh MTP General Hqrs lam ten an hriat veleh a hmuna kal turin an inbuatsaih a.Mahse Thingsen atangin aruang hi ram pilril kawng mumal pawh awm lohna a awm anih avangin an let leh a..Nimin 18.4.08 khan Thingsen MTP, Police leh MTP Gen.Hqrs, Magistrate leh Doctor te nen a hmunah kalin a ruang hi a va la ta a ni. Post mortem zawh anih hnuin Thingsen thlanmualah phum a ni.
Aruang atang ringawt hi chuan mi/hmeichhia tih hriat a harsa hle a,mahse mipa ngei nia rin a ni.A ruang hi Thingsen khua atangin Km 4 vel a hla-ah hmuh a,a lu hi ramsa in a pu bo nia rin a ni. A chhan chu aruang mutna zawnah hian sam 3 inch.vel a sen a awm a,mt 10 vela hla ah tlem azawng a awm leh a,a nghawng ruh hi a maw
thawmhnaw dang hi chu ran sa in a pubo vek niin a lang.Tin, aruang zawng a thingkung sang deuh rak zarah kekawr thingzara insuih a awm bawk a, a ipte chhungah biri a awm bawk. Kekawr hi a pawl lam thler deuh vek a ni.A duh chuan Saiha Police Station ah enfiah theih a ni.MTP General Hqrs chuan he ruang lakna a tha leh zung senga buaipuitu zawng zawng leh a bik takin Thingsen MTP chungah lawmthu an sawi tih thuchhuah an siam.
Biak inah thi!
Zan hmasa dar 7 vel khan ECM Imanuel Biak In,Mei satlah-ah Pi Ngosua chu tantu niin Bible a chhiar zawhah a tawngtai a, a tawngtai laklawh laiin a tlu a,lungphu chawlin a thi tih thu dawn a ni.Damdawi inah doctor ten an endik pawhin lungphu chawlh niin an sawi.Pi Ngosua, M
Zu chhia in vangin Zawng lingah 2 an thi
Nimin piah khan Zawng ling ah zu chhia in avangin mi 2 an thi a,mi 3 Tuipang Hospital ah enkawl mek an ni a,midang 10 chu Saiha Civil Hospital ah enkawl mek an ni bawk a, ngaihtuahawm 2 an awm nia hriat a ni.Ramhnuai lung chunga Myanmar zu um 1 an hmuh chu bottle 8 ah thunin tui an pawlh vek a,chuti chung pawh chuan a damdawi a chak lutuk a, an pumpuiin a zo ta lo nia thudawn a ni.Mi pahnih thi te hming chu Monday(25) s/o Beisia leh Dawha (17) s/o Chhochai te an ni.
* Pu K.Sangdanga, MDM hruaitu chuan Thalai pawl hmalakna chu MDM chuan theihtawp chhuah ina thlawp dawn a ni tih a sawi.
eisatla hian a pasal Pu Manga leh a fate 4 a kalsan a ni
* MTP General Hqrs chuan Branch zawng zawng te chu tun thla April-08 hian inthlanna nei vek turin a hriattir a,Branch engemawzat an in thlang tawh bawk.
* Nimin khan Mahavir Jainty hman a ni a,Prime Minister Dr.Manmohan Singh chuan he hun hmangtute duhsakna chi bai a buk a ni..
* Tunlai hian Vawksa lei a inchuh a hluar leh tawh a, hetiang avang ringawta sa buk tling lo lei lo turin Saiha District Development Vigilance Committee chuan a duh tak zet a ni. Mi thenkhatin sa buk tling lo chunga sa hmeh loh hlau luat vanga an lei leh ringawt hi thil pawi tak a ni a,sa buk a lo tlin theih nan atul chuan sa hmeh rih lo pawh ngam atul,ed)
* Soldier for Christ speaker Nelson Notlia leh a team te chuan rawng bawlna an chhunzawm mek zel a, Pathianin he team hi malsawmin an rawng bawl tawhnaah koh hran mipuiten an hlawkpui zel nia thu dawn a ni.
* SDDVC ten hmalakna chak takin an chhunzawm mek zel a,anmahni tawi awm turin mipui an ngen
.
MDCC Assembly Laila Hall-ah neih a ni
Saiha,Apr,18 : Nimin khan Laila Hall-ah Mara District Congress Committee Assembly neih a ni a.He programme Pu Ng.Silla,President,MDCC-in a kaihhruaiah hian thu sawiin, khuallian Pu Lalthanhawla,President,MPCC chuan, MNF an lo len apiangin Mizoramah harsatna tinreng,tahna leh ha thialna,harsatna-in min bawm thin a,tunah pawh an lo lian leh a Tam leh retheihna ten min tlakbuak leh mek a,an hun kum 10 min awp chhungin dan leh thupek kenkawhna lamah nasa takin atla hniam a,tualthahna rapthlak, inruk bona,pawngsualna,zalen taka ralthuam tawlhna ram Pastor te meuh pawh mahni inah him lova rawng taka tual thihna ram a lo ni ta,tiin Congress chuan huapzo sorkar an siam dawn a ni,tiin an thil tihsual tawhnaah Pathian hmingin ngaihdam a dil a ni.Pute S.Hiato,MLA, Hiphei,V/pre.MPCC leh Pu S.Khipo,CEM ten thusawina an nei a,zaithiam T.Merisa,V.T.Maduhi, S.Siamkungi leh C.Reuben ten zaiin kalkhawm te an awi a ni.
MNWF Conference MTP Hall-ah hman a ni
Saiha,Apr,18 : Nimin khan MTP Hall,New Colony-ah MNWF Conference cum Seminar neih a ni a,he programme Pi N.Maki,President,MNWF District Hqrs Saiha-in a kaihhruaiah hian khuallian Pi Vantirhkohi chuan, MNF in ram leh mipui hmasawnna atana hma a lak nasat zia uar takin a sawi a, MNF sorkar chu a fak bawk.Pu HC.Lalmalsawma Zasai,MDC & Vice President,MNF District Hqrs Saiha chuan thusawina neiin, MNF chuan Pathian leh kan Ram tan tih thupui hmangin ram hmasawnna hna a thawk nasa hle a, a chhunzawm mek zel a,Congress sorkar lai nen khaikhin ta ila,MNF sorkar chuan mipui hmuh theiin hmasawnna hna an thawk tih a lang chiang a ni,tiin Chief Minister Pu Zoramthanga kaihhruai sawrkar chu a fak a ni.Pi HC.Nakua,President, Jt.VC pawhin MNF sorkar in ram tana hma a lak nasatzia sawiin a fak bawk.Chawhnu lamah Political training an nei nghal bawk.
Hnahthial District Demand Committee-in an MLA, F.Lalthanzuala bang turin an phut
Hnahthial District Demand Committee hruaitute chuan an thil phut chungchanga Chief Minister-in a lo chhan danah an lungawi loh thu leh tun hnuah chuan District hi an thiam dan ang anga hmanraw hmanga nawr zui zel an tum thu an puang. He thu hi nimin khan Aizawl Press club-ah Hnahthial District Demand Committee hruaitute chuan thuthar lakhawmtute an hrilh a, an Committee aiawha nimina CM an hmuh thu leh Chief Minister-in Haulawng tlangdung mipuiten an lungrualpui thei lo tia a lo chhang chu hriat thiam harsa an tih thu sawiin ChiefMinister chu a term chhung ngeia Hnahthial District siam tura an phut thu an sawi nawn a, hei hi CM hian a lo tiam tawh nia sawiin, hei hi tihhlawhtlin a nih loh chuan kumin November thla-a Assembly inthlanna lo awm turah Hnahthial, Tawipui leh Vanva bialah Candidate dah lo law law turin an hriattir tih, an Chairman Pu C. Pakunga chuan a sawi a ni. Hnahthial bial MLA, Pu F. Lalthanzuala pawh, inthlan dawn laia District hmuhna tura a dinhmun pawh hlan ngam tur anga insawi nia sawiin, tunah chuan an hma lakna tithuanawptu-ah a tang ta zawk niin an sawi a, District an nawrna tihhlawhtlin nan tunah hian MLA a nihna atanga bang nghal turin an phut tih Pu Pakunga chuan a sawi bawk a ni. Hemi bakah hian Hnahthial District siam ngiata lungawi lohna an entir laia an chunga Police-te kut thlak dante, Firing Order pek a nih dante chu Mizoram a thil thleng ngai lo, innghaisakna leh kut inthlakna uchuak niin an sawi bawk a ni.
ih chhe vek a,ramsa putbo a ang ber a ni.A mutna mawngtam zawnah Jean them tlem a awm a,
k a, Hernan Crespo chuan Carlos Tevez a fak thung.
Sd/- BEIZASIA LAVA
Sd/- THANGZUALA
By:Ram tana chawngheia Tawngtai Org.Committee
Subscribe to:
Post Comments (Atom)
No comments:
Post a Comment