Industry Pu S.Hiato leh Parliamentary Secretary Pu H.Zothangliana ropui taka lo lawm an ni

Saiha,Jan,14:- Tahrik ni 12.1.09 khan Industries Minister Pu S.Hiato leh Parliamentary Secy Pu H.Zothangliana chuan Niawhtlangtlang,Lungbun leh Chhuarlung an tlawh a,Niawhtlang ah ah chuan a khawnawtin pangpar thi tam tak nen an lo hmuak a,ruai an lo buatsaih sak a ni.Lungbunah chuan a khawnawtin an lo hmuak a, pangpar tam tak awrhtirin an zawn a,ruai an lo buatsaih sak a ni.Chhuarlungah phei chuan silai vawi 10 hmetpuakin puanchei te Gate a luhna tur thui tak an lo phahsak diam a, pangpar thi tam tak an lo awrhtir a, Aw Lalpa chung ber kan fak hle a che tih hla an sa a, Saiha District Minister min petu kan Pathian chu fakin awm rawh se,tiin an au a, nu leh pate chuan lawmna mittui nen chibai an lo buk a ni.Minister Pu S.Hiato chuan thu sawiin,he sorkar thar hi Pathian remruat a nih avangin Congress sorkar ni lovin Mizoram mipui sorkar a ni zawk a,mirethei leh chhumchhia te dawm kan hna kan thawk dawn a ni,a ti a. Inthlanna-ah sorkar hnathawk engemawzat inhnamhnawih an awm tih kan hria a, action kan la dawn lova,kan ngaidam vek a ni,amaherawhchu kan ram leh mipui tana hmasawnna hna thawh turah sorkar hnathawkte finna leh remhriatna kan mamawh avangin an thlawpna kan phut thung a ni,a ti a.Min vote-tute chungah lawmthu ka sawi a,min vote lotute chungah pawh lawmthu ka sawi bawk a, min vote lotu zawng zawngte ngaihdamna ka puang nghal a,chuvangin kan zavaia ram leh mipui hmasawnna hna thawk turin ka sawm che u a, chumi hna thawk tur chuan Congress rawn zawm vek turin ka sawm bawk che u a ni,NLUP leh thil tha dangte pawh tumah thlei bik nei lovin kan sem vek ang che u,amaherawhchu a tlar hmasa lam amiten an dawng hmasa ang a,lo thik suh u,tiin ram rawngbawl tura Minister a min hlangkaitu Pathian chu fakin a ati.Minister zuitute chu Pute Ng.Silla,p resident, MDCC MH.Tiabi, MDC,Magistrate thuneihna kengtu T.Vanlal malsawm sanga,BDO B.Dawpho, President, MJA, RC. Fanchun, President, MDYCC, Malsawm dawng kima,Jt. Director, Industries, Saitluanga, Dr.LT. Tluanga, CMO, Dr.K.Rakhu,MO,Saiha,Dy. Director, Tourism, HC. Lalnunzira, SE, PHE, Lunglei, B. Chakma, EE, PHE, V.John, SDO,PWD leh party workers te bakah Pacho, Editor, Awsicharu leh J.Jeff

Enge an sawi

* Pathianin Maraland Gospel Centenary malsawmna min pek belhchhah mek zel a, Cabinet Minister hi Centenary malsawmna a ni.

- Maso

* Minister dangte motor tlan chak zia hi enge chhan ka ti thin a, Industries Minister motor speed erawh a awm tawk chiah chiahin a tlan a,entawn tlak a tling.

- Hranga
* Lal ber ber tura minister ka ni lova, in chhiahhlawh, mipui rawngbawl tura minister ka ni zawk hi.-S.Hiato

MTP (H) in duh lo
MTP Gen.Hqrs chuan MTP Hall complete-na tura cheng nuai 30 tal BRGF a dahsak tura theihtawp chhuaha an nawr chung pawha an hriat loh hlana nuai 2 chauh dah a ni ta mai chu hriatthiam harsa an tih thu leh cheng nuai 2 ringawt chu awmze nei lo a nih dawn avangin an hnawl tur thu leh a next ah erawh a tlem berah nuai 30 tal dah ngei tura an phut tur thu an president Pu B.Dawpho chuan a sawi.Hemi chung changah hian MTP president thusawi hi mipuiin an thlawp hle nia hriat a ni.
rey Khara,Ed.ML te an ni.

* Vawiin hian Industries Minister Pu S.Hiato chuan MNF(R) a awm zawng zawng a bo abang awm lovin Congress Bhavan-ah a lawmlut dawn a,Indepen dent Group ami a lawmlut bawk ang . Tlai dar 2 ah DC office-ah Officer kal khawm te a address ang a, naktuk 15.1.09 ah Phal hrang tlangdung a tlawh kual ang a, 16.1.09 khian Saiha ah a Tunu birthday a hmang ang a, 17.1.09 ah Tuipang lehlangin a tlawh ang a, 19.1.09 ah Aizawl panin Saiha a chhuahsan ang

* Tourism Minister Pu S.Hiato chuan Niawhtlang khawtlang hotuten an dil Tourist Lodge a pek nghal thu a puang a,a hmun tur enpui nghal a ni.

* Nimin khan Chhuarlung ah S.Vabeimosa leh Lyngia Zawtha chuan ECM Sunday School Hall-ah ‘Tiam tlat e,an ti ta a, Rev.V.L.Mal sawmdawngliana chuan inneihna a kaihruai a, ruai theh nghal a ni.

* CYLA Hall tha tak, Lawngtlai ami chu tun thla ni 29,2009 hian hawn a ni dawn ta.A hawnna a tel turin CYLA hotute chuan Pu Jeffrey Khara an rawn sawm.
He CYLA Hall hi RSVY fund atanga

MADC session ko

Mara Autonomous District Council buai chin fel nan, Governor-in tun thla ni 15 atanga ni 17 thleng awh tur Special Session a ko. Session tan ni, tun thla ni 15, naktuk, Ningani khian he District Council Chairman ni lai, Pu S.Vadyu paih thlakna tur Motion put luha sawiho hnuah vote lak a ni ang a, Chief Executive Member Pu M.Laikaw paih thlak tumna Motion chu tun thla ni 17, Inrinni khian House-ah putluh a, sawiho hnuah vote lak a ni dawn a ni. Puan tawh angin Mara Autonomous District Council, member thlan tlin 22 awmna hian kar hmasa Thawhlehni khan buaina lian tak a tawk a, MNF leh MDF tangrual sorkar thlawptu MDC 4 te chuan Opposition Congress lama member 8 awmte chu thurual puiin United Legislature Party an din a, Chief Executive member Pu M Laikaw-a sorkar chu member tam zawk thlawpna nei tawh lo nia sawiin, a thlaktu Sorkar thar, Pu S. Khipo kaihruai an siam thei tih Governor an hriattir a, dan ang thlapa thil chin fel a nih theih nan Governor chuan Pu M. Laikaw-a sorkar fiahna turin he Special Session hi a ko ta a ni. Governor-in Special Session a kohna a dan tlawh chhan leh Chairman awm reng laia, he Session kaihruai tura member dang, Pu MH Tiabi ruat a ni chu Mara Autonomous District Council Chairman, Pu S.Vadyu chuan thil diklo a ni a ti a, he thu hi vawiina Saiha a thuthar lakhawmtute hrilhin, Pu Vadyu chuan hetianga Mizoram Sorkar thil tih hi District Council thuneihna palzutna leh rahbehna a nih avangin, anni chuan an pawm lo a, zawm pawh an zawm dawn lo niin a sawi a ni. Mara Autonomous District Council-a MNF leh MDF tangrual sorkar thawpna hnuk dawktute hi MNF member 4 an ni a, chungte chu Siata bial atanga thlan tlin, Pu L.Khaichyu, Serkawr bial atanga thlan tlin, Pu IP Junior, New Saiha bial atanga thlan tlin Pu Lengduna leh Tuipang (L) bial atanga thlan tlin, Pu N. Naphie te an ni. Mara Autonomous District Council-ah hian thlan tlin member 22 bakah Opposition Congress leh rorel lai pawl chuan nominated member 2 ve ve an nei a, hengte nen hian a vaiin member 26 an awm a, sorkar fiahna-ah erawh chuan Court thutlukna lo siam tawh angin, nominated member te hian vote an nei ve thei lo a ni. He politics buai kal zelah hian Mara Autonomous District Councila MNF, an Party chhuahsana MNF Reformed Party din ta-te chuan nimin khan Congress Party an zawm a, he thutlukna hi an Party Special Conference, nimina neihah siam a ni a, he tah hian MDC 4 ten thu an sawi hnuah, an Party President Pu H. Valai chuan thu a sawi a, he mi hnu hian Congress Party-a luh rawtna resolution chu lungrual takin an pawm tlang ta a ni.

Pu C.Thanghluna,CEM,LADC-in banna thehlut

Lai Autonomous District Council-a Chief Executive member, Pu C. Thanghluna chuan nimin khan Governor hnenah a banna a thehlut a, Governor chuan hei hi pawmin Congress, MNF leh Independent member tangrualten an Legislature Party hruaitu atan an thlan, Pu C.Ngunlianchunga chu nimin vek khan Lai District Council CEM atan a ruat-a, hemi rual hian Pu C. Ngunlianchunga’n House-ah thlawptu a ngah tawk leh tawk loh a fiah theih nan tun thla ni 23-a neih turin Special Session a ko nghal a ni. Pu C. Ngunlianchunga hi Lawngtlai DC, Pu C. Ralkapa chuan nimin khan CEM Office-ah rinawmna thu tiamtirin, Lai District Council Chief Executive Member atan a la lut a ni. Hemi hnu hian Pu Ngunlianchunga chuan a thawhpui tur Executive member 2 a ruat nghal a, chungte chu Pu V. Zirsanga leh Pu V.L.Hmuaka te an ni. A hnaa amah pui turin Adiviser atan Pu F.Rohnuna a ruat bawk a, ani hi MDC atana thlan tlin ni lo mah se, tun hma lama CEM te pawh lo ni tawh, Lawngtlai District-a Politician hlun zinga mi a ni. ni. sak a ni.Ti hian Lawntlai chuan all tha 2 an nei ta ni. wm rawh se, a ti.Minister zuitute