Health Mela ah mi sang tam tak en an ni

Saiha,Nov,23 : Nithum awh Health Mela District Playground neih chu hlawhtling takin nimin thleng khan neih a ni a, a nikhatna leh a nihnihna ah ringawt pawh damlo 6500 chuang en hman a ni a, niminah pawh tam tak en leh an ni a.Mit zai bgai tam tak (mi 60 ) an awm a, Kal/Mit a lung te tam tak awm, Chhul cancer engemawzat zai nghal an ni a,mita lung te awm pakhat chu a BP a san avangin Aizawl ah kal tura tih a ni a,Rs.5000/- an pe bawk a, damdawi engkim zaina hmanrua atan pawisa hi pek a ni tih Doctor specialist te chuan kan palai a hrilh.

He Health Mela ah hian Aizawl,Lunglei,Saiha,etc atanga mithiamten tihdam rawngbawl hna an thawk a, Aizawl leh Lunglei atangin Programme Officer 6 leh Doctor Specialist 20 an lo kal a ni.He HealthMela Saiha a buatsaih hi National Rural Health Mission (NRHM) bultum niin hemi atan hian cheng nuai 8 dah a ni a,damdawi ringawt pawh cheng nuai 2 zet senral a nih thu leh a bang zawng chu CMO, Saiha hnenah pek vek anih tur thu Doctor te chuan ML an hrilh a ni.

* November ni 23,2007 hian District Playground, Saiha ah Flower Exhibition-Cum-Sale neih a ni ang.

* MPC,Congress leh ZNP chuan Rev.Chanchinmawia thih chungchang chhuitu Investigation team report an pawm loh thu nimin khan an tarlang.

* Mizoram a Minister hmasa ber te zinga mi Pu R. Thangliana(73) chu nimin khan electric veng,Aizawlah lungphu chawlin a thi.

* USA a cham mek Dr. R.Lalthangliana chuan Mizo thalaiten USA a zirna tha zawk course an lak ve theihna tur kawng a dap nghal bawk.

* Pute P.P.Thawla, MLA leh M.Hlychho chuan tunlai hian New Delhi ah chamin DONER Minister an hmu a, Saiha Civil Hospital, KT Road leh Tuipang Standard field sanction thuai anih theih nan hmalakpui turin an ngen a ni.

* Pu S.Hiato,MLA chuan kan palai zawhna chhangin sorkarin police te hna an thawhthattir thei lo, Mizo ram a thil thleng action lak ngai te chhuichhuah mumal a awm lova,law & order in awmzia a nei lo,CEM kawta bomb puak te, Chairman motor,etc chungchangah Mizoram sorkarin mawh a phur a, he MNF sorkarah hian thil inthup a tam rin a ni,a ti.

Lawmna nei ang

Gilgal kohhran chuan Centenary Choir competition a pakhatna an nih lawmna (Pathian hnena lawmthu sawina) pro gramme naktu 24.11.07 khian an hmang dawn a, 1st session hi Upa S. Lalrokhuma`n a kaihruai ang a, 2nd session hi Bialtu Pastor Rev.K.Lai chhua Azyu chuan a kaihruai ang a, Dr.Sahlu Khaila, Pre sident,KTP Hqrs, Pi R.Zo hmingi, President, KNP Hqrs leh Pu S.Hiato, MLA ten thu sawina an nei dawn a, Rev.N.C.Vabeilua chuan thuchah a sawi ang a, worship service zan lamah Rev. Thylua Hlychho chu Speaker a ni ang.

Lalhmingliana Chhangte, Dinai C.Lal ruat diki, B.Lalringheti an zai anga,Gilgal zaipawl leh Imanuel zaipawl ten hla an rem ang a,Centenary a hit em em Pi K.Lallunghnemi phuah `Aw,Maraland` tih thupui hmangin Julie chuan recitation hun a hmang ang.

Maraland Idol

Stage siam vek a ni tawh a,hming pelut an tam hle tawh a, a pui dawn.Hun a chep tawh a, hming thehlut duh tan form thehluh zung zung a tul tih Secy chuan ML thalai huang a hrilh. Mara Hlasapa Py (MHP) founder Pu A.Thazi leh Pu J..Jeffrey Khara chuan MHP in Mara land Idol a buatsaih tur chu lawmawm an tih thu an sawi nghal a ni.

Ngopathai hit dawn

Fine Tune Studio ah Ngopathai Syuhlo chuan album a siamtir tan a, a hit hle rin a ni.

Hmingte Mara hla zir

Tunlai hian Hmingtea chuan Fine Tune Studio a WB kaihhruaina hnuaiah Mara hla a zir tan a, M.G.C. M.L.Award ah Mara hla zai thei ngei a tum tih ML a hrilh.