World Health Day programme hman a ni

Saiha,Apr,8: Nimin khan World Health Day programme hman a ni a,Saiha-ah pawh he programme hi Chief Medical Office Conference Hall-ah hman niin Pu H.Zakhuma,CHO chuan a kaihruai a ni.Thu sawiin Dr.LT.Tluanga,CMO,Saiha chuan, he World Health Day thupui chu ‘ Health Facilities in Emergencies’ a ni,tiin lirnghing leh cyclone vanga rikrum thil lo thleng se, damdawi leh a hmanrua nena chhanchhuahna leh chhawmdawlna chikhat hmanga hmalak vat vat dan hi Health department chuan a ngaih pawimawh avangin reshearsal te a ti thin a ni,tiin an hmalak dan tlangpui a sawi a ni. Zawhna leh chhanna hun hman a ni nghal a, Saiha Civil Hospital Ek-in a hmawlh khat tlat chu damlo leh a awmpuitute anmahni kantute hnenah tui chauh hmang tura hrilh an nih chung pawhin thenkhatin a ruk tein hmawlh an hmang lui ta thova, thenkhatin bawlhhlawh chhuatah leh Hospital kawt velah an paih mai mai bawk a,inhrilh mai a tawk lova in hauh te a tul dawn a ni tiin Doctor leh Nurse te pawhin an sawi a ni.Damdawi ina damlo kan hun ruat chu mi tam takin an bawhchhe thin niin Doctor te chuan an sawi bawk.
* Industries Minister Pu S.Hiato chuan khaw hrang hrang ah a campaign mek zel.Minister/MLA zawng zawngte anmahni bial theuhah campaign -in hma an la mek zel.
* Independent candidate Dr.H.Lallungmuana chuan khaw hrang hrang tlawhin a rawn caampaign mek zel
* MADC hnuaia Education Department chuan an CEO Pu Benjamin Hlychho leh Pawbi Chozah,AE tir chhuakin khaw hrang hranga sikul dinhmun an enfiah.
* Nimin khan MBSE chuan HSSLC result a tarchhuak a, pass leh fail thawm a tha hle.
* ECM Pastor meeting chuan TNT speaker Evan. Sangthankima chu Bethel-a rawngbawl an phalsak.
* MJA member te chuan Mizoram pumhuap a an General Conference Ai zawl a neih tur atan an inpuahchah mek a,
MDCC thuchhuah:
Kumin MP inthlan lo awm tur atan party tinte campaign an beihngawrh hle a.Centre politics ah a bikin thuangthum a in thenin UPA,NDA,Third Front te an ni.Hmasawnna leh hnungtawlhna nei theuhin an zingah UPA chu sorkar siam chhunzawm tura beisei ber an ni.
Khawvelin a buaipui mek Economic tlakchhiat na thleng mekah Dr.Manmohan Singh kaihhruaina chauh loh chuan India hi a him zo lo mithiam leh thangthar lehkhathiam tam tak an awm mek a,chubakah India ram ropui tak sakhaw hrang hrang leh chi leh hnam hrang hrang te pheikhai rual taka kal tur chuan Congress kaihhruai UPA sorkarah chauh a awm a ni tih mipuiten an hria a ni.
A bik takin Mizoram chhungah pawh mipuiten an aiawh zo tur Parliamen a MP ngawi reng lo tur mipui aiawh a,huaisen tak a thu sawi a,atul huna vte thlak ngam hi kan mamawh tawh tih mipuiten an hriat avangin Congress party ah mi tam tak lawmluh reng an ni.He lai kan Saiha District chhungah pawh kan Minister zahawm tak Pu S.Hiato zin pawh mipuiten Ruaipui nen meuhvin an lo lawm zel a ni.
6th April 2009 ah Congress Bhavan-ah Hob’ble Minister Pu S.Hiato chuan party dang atang leh Independent atangin 233 voters 808 te chu Congress party-ah a lawm lut tawh a ni. Ram pumah Congress thlipui a tleh mek a,India ram a him nan leh India ram Economics siamtha turin Mara District Congress Committee Hqrs Siaha chuan Mara ram mipui te a sawm tak meuh meuh che u a ni.
Congress party dam reng rawh se.
Issued and published by MDCC Hqrs, Siaha 23.4.09 khian neih
* Hmingte chuan HSSLC 2nd div ah a pass.Kan tarlan nghal mai pek lova, HSLC exam-a a inziahtlin thu hi kan hre theuh tawh hial ang.
Durtlanga KV Multi purpose School naupang Remkimi Cherput hi kar kaltaa Matric exam result chhuakah khan 1st. division-ah passed-in a inziaktling. Mizo Idol star hian a larchhuahna Zonet lamah pawh passed tharte puala programme siam chu Zonuni nen an host a, a hlim kher mai. Hmingte pualin an siam leh rin a ni.a ni ang a, a tam thei ang bera kalkhawm an tum a ni.
* Police leh MTP hqrs chuan traffic chungchang a hmasawnna a awm theih turin hma an la chho mek zel a ni.