Aizawl District Bawrhsap

Aizawl Dist. Bawrhsap Pu C.Thanchhuma chuan MZUleh Tanhril Quarry Assn, hruaitute nimin khan kokhawmin an harsatna tawh mek chungchang a sawipui. He ram MZU tan a pek hi dan in a sawi ang in hung angai a, mahse Tanhril Quarry Assn, lam hian an ei zawnna ber a nih vangin vawi tam tak an lo sawisel ve tawh thung. MZU leh Quarry neitute chuan inremna siamin Dec 31 thleng Quarry neitute chuan an lung an la thei anga, January 1, 2008 atangin MZU chuan an ram chin hi an hung ping dawn a ni. Nimin khan Mizoram Secretariat Service Association chuan General Confe.I&PR Auditorium-ah nilengin an hmang. Khuallian Pu C. Ropianga, IAS, DP&AR Secretary/Commissioner chuan thusawiin, ‘M.S.S.A-te hi Mizoram sorkar hna pawimawh tak chelhtute, Sorkar kutke an nih avangin rinawm leh taima taka thawk zel turin a fuih. Inkhawm hi Pi B. Sairengpuii, President, M.S.S.A-in kaihruaiin, Pu F. Lalrinawma, Gen. Secy. Report danin tun kum 2 chhungin an member 4 an thi a. Superintendent Post 6 chu Deputy Director(Admn)-ah upgrade a nih thu leh Pi Lily Vaikhum chu M.S.S.A Deputy Secretary Post nen lakluh a nih thu tarlan a ni. Tunah hian M.S.S.-ah hian post 192 awmin, Addl. Secretary-1, Jt. Secretary - 4, Dy. Secretary - 11, Under Secretary - 51 leh Superintendent ect. - 125 an awm. Kum 2 chhung 2007 - 2009 atana hruaitu thar Pu F. Lalrinawma, Pi B. Sairengpuii, Pu R.T. Nghaka, Pu T. Rohmingliana, Pu T. Sangkhuma, Pi K. Vanlalsawmi, Pu B. Lalthanliana, Pi Sailuti, Pu Lalrammawia leh Pu R. Sangliankhuma te an thlang.