Centenary ruai

ECM Siaha Vaihpi Local Church chuan Maraland Gospel Centenary Main Celebration a rawn tel ECM Mission field a thawk zawng zawng te chu 19.11.07 tlai dar 2 khian Local Centenary Hall ah Centenary ruai an kilpui dawn a ni.

Maraland Centenary Moonlight Award

District hrang hranga mi tam tak chuan Maraland Centenary Moonlight Award rawn chhim an tum thu kan palai an rawn hrilh. A zankhatna 29.11. 07 zanah chuan CEM, MADC khuallian a ni ang a, Dr.K.Beichhua, President, MTP Hqrs leh Pu B.Dawpho,President, MJA chu khualzahawm an ni ang.A zanhnihna 30.11. 07 khian Pu B.Lalduh saka, EM i/c Education, LADC chu khuallian a ni ang a, Maraland Gospel Centenary Miss J. Lyna Pawti leh Southern Super model Lalramdinsangi te chu khualzahawm an ni thung dawn a ni.

Mami Varte leh C.Zomuanpuii te bakah Rawmibawk lam product H.C.Sanglura (Teuh lo mai tih hla zoram puma hla hit neitu) chu pecial Award dawng tura chah niin a lo kal ngei tur thu ML thalai huang a hrilh. Pu K.L.Liana, ADM (J) pawhin he Maraland Centenary Moonlight Award rawn hmanpui a tum a ni.

Gospel Centenary Main Celebration ropui takin hman mek zel ani

Saiha,Nov,12: Maraland Gospel Centenary Main Celebration chu District Playground,Saiha-ah hman mek zel a ni a, nimin khan Pro Pastor V.L. Malsawmdawngkima leh Nl.P.P.Beinonai chuan an host a, Rev. K. Itei chuan thuchah tawi sawiin “ Ringtu kan nihnaah ` Tho la, eng rawh` tih thupui tihhlawhtling tur chuan dawhtheihna kan neih atul a,kum 100 chhung Lalpa`n min hruai tawhnaah thil ropui tak min tihsak tawh a,kum 100 dang kan kal lehna turah Lalpa`n thil ropui tak min tihsak lehzel kan duh chuan keini pawhin Lalpa tan thil ropui tak tih i tum theuh ang u” a ti.

Rev.B.Thangchina

President,BCM chuan “Maraland-in Gospel Centenary in lo thleng thei ta hi BCM chuan kan lawmpui tak zet che u a,Thlarau lam thila kan in tanpuina piah lamah tisa lamah pawh in Missionary Rev. R. A. Lorrain hi BCM Missionary Rev. J.H. Lorrain nau a ni a, ECM chu BCM nau dik tak in ni, Unau dik tak leh piang hmun,chhulkhat chhuak kan ni,tiin BCM chuan Centenary in hman mek tanpui nan Rs.50,000/- kan pe che u,tiin ECM Moderator Rev. Dr. M. Zakonia hnenah a hlan nghal a, BCM zaipawl ten hla an rem nghal bawk.

ECM Choir, Combined Group`A` ten Halleluia Chorus an rem laiin mipui an ding vek a, a ropui hle. Pu N.Lybei chuan Hlado a chham a, silai vawi tam tak kah chhuah a ni bawk. Lorrain English School leh New Life English School nau pangten Haleluia Chorus an rem a, chumi hnuah Rev. Thylua Hlychho chuan Balloon a thlawh chhuah tir a ni.

Nimin zing inkhom

Rev.R.A.Lorrain Stadium a mipui kalkhawm zat chu 5100 an tling a, thawhlom tlingkhawm pawh Rs. 21456.00 a ni. Rev. R.A. Lorrain Stadium hi Block 12, Gallery 1, Gate 9, a dung ft, 250 A vang ft 200 a ni. He Centenary rawn chhimtute zingah Rev.B. Thangchina, President, BCM, Rev. Dr.C.L. Hminga, BCM, Rev. K. T. Chungnunga, BCM Rev. Dr.Thanzauva, BCM Zai pawl, Rev. Ngunkara, LIKBK, Rev. H.Lalsangliana, LIKBK, Rev. C.Hrangzuala,LIKBK, Rev. T.C.Lalhmunsanga, Rev. Lalpekhlua, LIKBK, LIKB zaipawl, Rev. Ngun thanga, Pro Pastor Hrangchi, MBCM, Rev. John Mara manipur, Pro Pastor Lalhuapliana, Upa C.Ngunkara, IKK Baffacos hmang duhMPC Sub-Hqrs Lunglei chuan nimin piah khan thuchhuah siamin Mizo ram in Mautam Tampui Mitthi kan hmachhawn dawn tih hria-in Central atangin Tampui Mitthi lak atanga kan him theih nan Baffacos sum tam tak pek kan ni a, tunah Mau tam sehsam kan thleng chauh tihin riltamin kan thi dawn ta mai a, sawrkar kudam-ah buhfai a awm si lo, thingtlang lamah buh thar a awm bawk si lo, hetih lai a hman tur Baffacos sum kha sawrkarin mangang te tanpui nan hmang tawh se kan duh tiin thuchhuah an siam a ni.

Security chetha

Maraland Gospel Centenary programme thianghlim leh tluang taka hman anih theih nan MTP/KTP te chuan Security kawt chhuah ah duty an dah a, ruihtheih thil an man tam tawh nia thu dawn a ni.

An thar tlem

Champhai ah chuan Leilet buh te chu nikum aiin an thar tlem a,mahse hmun dang angin sazu ten an suat vak lo nia puan a ni.

Pakistan ah chuan PPP mi leh sa tam tak man tawkte chhuah zalen turin Benezir Bhutto chuan sorkar a ngen a, an ram an buai tulh tulh a ni.

Centenary Publication Board

Maraland Gospel Centenary Committee chuan Centenary Sales & Publication Board a din a, Gospel Centenary Voice pawh an buaipui reng bawk.

Chairman : Mc.V.Vanhupa, Secy : Mc.C.L.Khulua, Editor-in-Chief: Macha V.Vanhupa. Editor : Rev. Chhuakhu Khithie, News Editor: B.Dawpho, J.Jeffrey Khara, Lalramnghaka Chinzah, S.Lal muanpui

Cir.Managers:

V.B.Mokhai, S.Hrongia, L.Khaiso, J.Deli.

Sellers:

R.Beipathai, D.David,H.

Angiano, J.V.Asila, B.Nakhai, N.Rili, B.Ngo khaw.A.Beingachhi, C. Vanlalthangpuii, K. Hma ngaihthangi. Teenage QueenLunglei Saikuti Hall-ah 9.11.07 zan khan Southern Teenage Queen Beauty Contest final round neih a ni a. Sethlun tleirawl Julie Lalrosangi chu Beauty Queen winner a ni ta. Lawngtlai tleirawl Vohbiki chu 1st runner up niin Sairengpuii Sailo, Chan mari, Lunglei chu 2nd runner up a ni. Any Jones chu top 10 a tling.

Report tlangpui

Sounthern Teenage Queen Beauty Contest Organising hruaitute zinga mi Pu J.Jeffrey Khara, Judge ni bawk chuan Tawipui Hotel ah Miss contestant zawng zawng leh Org. Board te chu Maraland Gospel Centenary tuk thuan a buatsaih sak a, Pu Jeffrey, Maraland Gospel Centenary hi kan hre reng ang,kan lawm tak zet a ni, tiin Pu Jeffrey-in Centenary T.Shirt a hak chu an dil a ni. Pu Jeffrey zawhna pawhfuh vek an duh avangin ruahmanna siam turin an ti nghal.
Lungleiah Pu Jeffrey hi a thlenna Inah pawh chaw ei hman lo khawpin chaw ei sawmtu an tam a,a thlen In te an vui ta hial mai. Centenary malsawmna khawi hmun ah pawh Jeffrey hian a dawng zel a,Taxi driver thenkhat chuan Pu Jeffrey an phur chu an lawm avangin a man 50% in an tihniam sak. Lawngtlai ah pawh chaw ei sawmtu an tam avangin a thian editor 1 a vui ta hial.Taxi driver 1 chuan a taxi a chuan apiang in 50% a tihhniam sak thin tur thu Pu Jeffrey a hrilh. Lunglei thalai leh Lawngtlai thalai engemawzatin ML Award rawn chhim an tum a ni tih Pu Jeffrey an hrilh. Jeffrey hi Pathian in thil ropui tak a tihsak vek a ni tih a lang chiang a, Centenary malsawmna a dawng hle ani.