Maraland Gospel Centenary Musical band hruaitu Pu Wellborn Manners Azyu chuan nimin khan meeting a ko a, a ropui thei ang ber a hmalak dan tur te a sawipui a,Pu WB chuan Drum set tha ber chi pawh an lei tawh a ni tih ML thalai huang a hrilh.
Saiha nge nge chu
Idol Lei Jerusalem
Zonet leh Mizo Idol top 10 te chuan Saiha ah khan kan hlim ber a,Maraland Gospel Centenary boruak kha a va nuam tak em! District Capital dang a min welcome dan leh Saiha mipui leh Organising Board te min welcome dan chu a inthlau lutuk a,Saiha chu engkimah a tha lawt lak a ni, Saiha nge nge chu kan Lei Jerusalem a ni,kan thinlungah kumkhua in a cham reng ang,Pathianin Maraland malsawm rawh se,tiin ML thalai huang an rawn hrilh ngat a ni.
Lawmpuia`n Gilgal fak
Mizo Idol Lawmpuia chuan ECM Gilgal kohhran in an lo lawmpui dan leh Centenary chibai an lo buk dan te,ama lawmna puala thingpui ruai siam te chu a dam chhunga thil ropui a tawn vawikhatna leh a tawn leh a inbeisei phak tawh loh thu sawiin Gilgal kohhran mipuite chu a fak hle a,Gilgal kohhran ten amah Lawmpuia`n Pathian malsawmna a dawn zel theihna tura an tawngtai sakte, Centenary hla action nena an zaipui leh kha Maraland Gospel centenary hla action nena han sak leh a chak thu a sawi.
Pu Jeffrey Khara chuan Champhai chanchin bumite chu engkim a hrilh vek a,Champhai chanchin bu leh District hrang hranga chanchinbu ah Saiha mipuite fakna hlir atarlan a ni a,Champhai chanchinbu ah phei chuan Saiha mipui bakah ECM Gilgal kohhran chu an fak tel a ni tih Pu Biakmawia, Editor,Dumde,Champhai hnen atangin ML thalai huang chuan a dawng tel bawk a ni.
Subscribe to:
Post Comments (Atom)
No comments:
Post a Comment