Mizo idol top 10

Mizo idol top 10 te chu Saiha Circuit House ah 28.10.07 khan Maraland Gospel Centenary Nite programme hmanpui an ni a, Centenary shawl leh Centenary Mufler present vek an ni a, Mizo idol top 10 te an lawm tak zet a ni.New Saiha a GHSS complex ah concert neihpui an ni bawk a, mipuiin an lo thiam hle a ni. Mizo Idol Lawmpuia leh amah zuitu Marina-i te chu Pu J.Jeffrey Khara,Secretary,Mizo Idol top 10 tour Organising Board chuan ECM Gilgal-ah a inkhawmpui a, Lawmpuia lawmna Thingpui ruai buatsaih chu kilho a ni a,Gilgal kohhran mipuiten chibai an buk kim vek a,Centenary lungphun ah thla lakpui vek an ni.Hla 2 ve ve an zai a ni. Mizo Idol top 10 te hi Saiha Circuit House ah thlentir an ni a, anmahni lo chibaitute chuan pangpar leh thilpek dangte an rawn hlan zel bawk. Mizo Idol Lawmpuia chu saiha mipuiten an lawmpui hle a ni tih entir nan Sana lian mawi tak chu Pu S,Hiato,MLA chuan mipui aiawhin a hlan a ni.Tichuan Kawlchaw mipuite pawhin ropui takin an lo hmuak a, sound system a awm loh avangin Zoram ngaih hla a hangin an sa a,Zonuni leh Jeffrey Khara chuan an zaipui a ni.Zonet leh Mizo Idol top 10 dam reng rawh se,tiin Pu J.Jeffrey Khara,Secretary,Mizo Idol top 10 Organising Board chuan a sawi.