Gospel Centenary Main Celebration ropui takin hman mek zel ani

Saiha,Nov,15: Maraland Gospel Centenary Main Celebration chu hman mek zel a ni a, nizan khan KNP Nite programme hman a ni a, Master of Ceremony Pi R. Zohmingthangi niin Host atan Pi P.Chaki leh Pi Zoramthangi te hman an ni a, Costume parade entir a ni.Thu chah sawitu Rev.Thylua Hlychho chuan “Tho la,eng rawh, (Isaia 60:1) tih hian thupek vawihnih a kawp nghal a ni” tiin Missionary Rev.R.A.Lorrain hmangin Pathianin `Tho la, eng rawh` min ti a. Tunah hian Centenary kan lo thleng a, tichuan `Tho la, eng rawh` min ti leh ta a ni; chuvangin Pathian chakna ringin tho ila, i eng ang u` a ti.


Nimin chu Centenary kawng zawh ropui taka neih a ni a, Lorrain Troupe, Tlosai No Troupe, Foxall Troupe, Tlosai Troupe te chu Saiha Bazar Traffic Point ah intawk khawmin hetah hian Rev.N.C.Vabeilua chuan thuchah a sawi a,chumi hnuah Rev.R.A.Lorrain Stadium ah lutin ram bawhchhiatna a sual thupha chawina leh ram hruaitute leh kohhran puipate tan tawngtai sakna bakah Centenary kan thlen avanga lawmthu sawina neih a ni a, Rev.Chhuakhu Khithie chuan a kaihruai a ni. Nimin chu ruah a sur nasa hle a, mahse heng kawngzawhtute hian an tihtur chu an ti ta tho va, Pathian fakin`Chanchintha min petu kan Pathian chu fakin awm rawh se, tiin an au rual a,kawngzawhtu mipui an tam hle a ni.


Zanin chu KTP Nite programme hman a ni dawn a, St.Lungmuana Hrahu leh Ls.Roseline V.T.Sakhu ten an host dawn a, Centenary Musical Band leh Gospel Outreach Ministry ten hla an rem ang. Gospel power kahchhuah a ni ang a, KTP member zawng zawng ten Haleluia Chorus an rem dawn a, Pu N.Lybei chu contor a ni ang. Mi zawng zawng inkhawm vek tura sawm kan ni.* Chief Minister aiawh turin Minister Pu Lalrinchhana chuan Maraland Gospel Centenary a rawn hmanpui dawn a, date: 17-11-'07 khian thusawi na hun pek a ni a, New Saiha a Centenary building a hawng nghal dawn a ni.


*Rev.J.R.Sanga, Secy, MGCC chuan Pu Laicho Notlia, President, MNF District Hqrs in CM hnen ah Serkawr kawng siam thattir tura a ngen na tihhlawhtlin a ni a, Serkawr ah programme felfai taka kan nei theih avangin MNF Dist. Hqrs president chungah lawm thu kan sawi a ni a ti.

*Tuitlawk bula Culvert chhia chu BRTF ten an siamthat mek avangin Motor lian chi (Heavy/ Medium) Vehicles reng reng he hna siam zawh a nih hma chuan kaltlang phal a ni lo. Loh theihloh thil a awm anih chuan DC Saiha hnenah pass lak tur a ni. He thupek hian thupek chhuah ni date: 12-11-'07 atangin thu leh awm hma zawng a huam ang tiin sorkar chuan thu a chhuah.

*Health Department hnuaia Malaria Cell chuan Saiha khawpui chhunga Veng fai ber thlanna an buatsaih a, College veng chu fai ber a thlan a ni a,lawmman Rs.2000/- siamsak an ni.College veng hian faina lawmman an la chhun zawm zel a, entawn tlak an ni,i en tawn vek ang u.

THALAI HUANG

Maraland Idol

Maraland Idol application form chu 600 sem chhuah tawh a ni a, 200 chuang a lut tawh a ni. Tel ve duh tan form hi New Skylinbk Vision leh MTP Gen.Hqrs office ah lam zel theih a ni a, form thehluh hun last date November ni 25, 2007. Mara rama cheng zai lama tui mite tan chuan tel ve ngei ngei chi a ni. Lawm man 1st -Rs.30,000/- 2nd Rs.20, 000/- 3rd Rs.15000/- a ni .Top 15 atangin live music ngatin remsak an ni ang a, Musician te hi thiam tak an ni -Secy,MRL.Idol

Moonlight Award

Maraland Centenary Moonlight Award semna program lo awm tur atan inpuahchah mek zel a ni a, District dang atang pawhin rawn chhim tum an tam hle nia hriat a ni.


*Lunglei ah Youth Idol buatsaih leh a ni dawn a, tel duh tan Fine Tune Studio ah form lak theih a ni, Zo Star pawh a form Fine Tune ah lak tur a ni bawk.


HRISELNA KUTPUI (HEALTH MELA)


DT.20-22 NOVEMBER 2007 CHHUNG HIAN DISTRICT PLAYGROUND SAIHA AH HRISELNA KUTPUI (HEALTH MELA) ROPUI TAKA BUATSAIH A NI DAWN. HE KUTPUI AH HIAN DAMDAWI LAM THIAM BIK 9 DOCTOR SPECIALISTS CHI HRANG HRANG TEN INENTIRNA A THLAWNIN AN NEI DAWN A NI. DAMDAWI PAWH A THLAWNA SEM TUR A NI A. TIN, ZAI NGAITE CHU A HMUNAH HIAN ZAI (OPERATION) NGHAL THEIH TURA RUAHMAN A NI, NATNA CHI HRANG HRANG TE EN THEIHNA TUR KHAWL CHI HRANG HRANG TE PAWH HE KUTPUI AH HIAN A AWM DAWN A. DAMLO LEH NATNA NEI HMUNPUI LAM PAN THEI LOTE TAN TUN HI HUN REMCHANG LEH HUN THA A NI.


Issued by Chief Medical Officer, Saiha District, Saiha