BRGF fund hmangin Standard field laih mek a ni

* BRGF fund hmangin Thingsen ah Standard field Buldozer 1 leh JCB 2 hmanga laih mek a ni a,ft 130 a dung leh a avang 80 ft ni tura ruahman a ni. Cheng nuai 10 hmangin bul tan a ni a,atul dan azirin belh zel a ni ang,tiin Pu K.Beisa,EM,RD(MADC) chuan ML a hrilh.

* Nimin khan Dr.L.T. Tluanga,CMO,Saiha chuan Health Worker training a hawng a,vawiin hian Health Worker Conference a hawng dawn a, Health Worker thawktha ber 1-3 hnenah lawmman a sem nghal ang a, naktuk khian CMO hian VCP leh NGO leader te a kokhawm ang a, Villagae Health & Sanitation Committee kalphung tihphuisui zel dan tur a sawipui ang.

* MLA te hnenah Silpoulin 50 theuh quota sem an ni tawh a, tun a chinah Minister,MLA,etc ten Silpoulin dilna recommend Minister/MLA,etc ziah tir tawh loh tur leh DC hnenah dilna thehlut tur a ni a, enfiah hnuah mamawh dik tak hnenah sem a ni ang,tiin sorkar thu chhuah chuan a sawi.

* LPS Pro boxing a chetha Simon Hlychho,Joel Hly chho leh Beirapathai sponsor duh tan SDABA kal tlanga tih theih a ni.

* IADI group member Beihropaw (Cindy no) chuan Music video a siam mek a, 1.A chana Rianai 2. Tlapada 3.Chhaina balia
Background pawh a uluk hle a, hla dang pawh belh zel a tum a ni tiin Cindy No chuan ML thalai huang a hrilh.

KT Chialo(L) Nite Tipa MTP Sub-Hqrs chuan KT.Chialo(L) Nite 28.5.09 khian Tipa’V’ Hall ah buatsaih an tum a,he hun hmanpui turin Pute Jeffrey Khara leh WB Azyu an rawn sawm a ni.

* Simon Hlychho, Joel Hlychho lehBeirapathai te hian Saiha District an chawimawi hle a,an chhuan awm ka ti tak zet a ni - TR

* Saiha District chawi mawi a tihmingthatute hi mipuiin kan thlawp thiam phei chuan nakin zelah pawh phur lehzualna neiin hma an sawn chak lehzual ka beisei a, sponsor hi mipuiten kan tawiawmna tur anih avangin i sponsor zel teh ang - Tony

* Idol/icon/Zostar/sport/etc a Saiha district chawi mawitute hi an hlu hle-in ka hria,chuvangin tanpui an ngaihna apiangah i tanpui zel ang u - Rinsangi

* Ani kha district dangah OD-in a thi tih hi ngaihthlak a hrehawm a, Ani kha Saiha District aiawhin a chetha zel tih leh a champion/lawm man a la tihte erawh ngaih thlak a nuam hle thin, Saiha district tihmingthatute kan chawimawi thiama,kan tawiawm thiam phawt chuan Saiha district tihmingtha duh an pung ngei ang-Nunu

Pu MH.Tiabi,EM,Revenue (MADC) chuan Vahihsyno magazine a tlangzarh ta.

Saiha,May,26 : Nimin khan MADC Forest Hall-ah Pu S.Hrachu Thawnthubu(Love story) ziah ‘Vahihsyno’ magazine chu Pu MH.Tiabi,EM, Revenue, MADC chuan a tlang zarh ta.Pu Pasa T.Azyu, President, MHP-in a kaihruai a,Pi HC. Nakua,Adviser,MHP chuan hunserh a hmang a,Pu S.Beima,publisher chuan report a pe a ni. Pu MH.Tiabi,EM,Rev (MADC) leh khuallian ni bawk chuan Pu S.Hrachu leh Pu S.Beima inpekna thuk tak avanga he Vahihsyno magazine tlangzarh thei a ni ta chu lawmawm a tih thu sawiin an thawhrimna chu a fak a, leisak theuh turin mitinte a ngen bawk.Pu N.Pachhunga leh Pu V.Lalchhawna pawhin thusawina hun an
hmang a,Pu S.Hrachu( Thawnthubu ziaktu) chuan lawmthu a sawi bawk.Pu S.Hrachu hian Hla tam tak a phuah tawh a,lehkhabu tam tham tak a buatsaih tawh bawk a, Mizo Academy of Letter (MAL) pawhin lawmman sang tak an hlan tawh a, Literature lama a thawh hlawkna hi Mara ram a din chhung chuan theihnghilh a ni tawh lovang,ed).

Pu V.Zacho,EO,MADC-in press a kawm

Nimin khan Pu V.Zacho,EO,MADC chuan a chamber-ah thuthar lakhawmtute a kawm a, Drive for Education tour thawhkhat zawhfel a nih thu sawiin, Sikul an tlawh chhan ber chu Sikul bul vela thing atam thei ang bera phun leh naupangte thutna daihlim siamsak an ni em tih enfiah te. School compound chu forget in hung chhuah vek a ni em,Sikul ram chu Land donation siamtir vek a ni em tih enfiah te a nih thu a sawi. Pu Zacho,EO chuan Village Education Committee(VEC) te chuan an tihtur an hriat loh avangin an lo zuihral deuh vek thawkhat a,NGOs nen tangkawpa lo tinung leh theuh tura ngen an nih thu te leh Mid-day Meal tohbul (Origin) hriattir chungin nasa lehzuala tan lo la theuh tura ngen an nih thu a sawi. Tin,School tinah Inspection,Visitors leh Monitoring Note bu siamin hawnsak nghal zel an ni bawk a,tun tum kan tour hi Education lo ah 50% kan hlawhtlinin kan hria a ni,Pu Zacho chuan a ti. Pu V.Zacho,EO chuan sikul tam takin Uniform leh lehkhabu pawh an lo
nei mumal lova, SSA-in lehkhabu a sem a innghat an tam em a,hei hi an hriatthiam loh vang a ni a,lehkhabu leh uniform lo nei theuh turin kan hrilh hlawm a,chubakah an register bu leh helam atanga kan ken register bu a inmil lova, vawikhat mah adsent lo niin a lo inziak deuh vek a,hei hi kan awih loh avangin dik taka ziak mai turin kan hrilh hlawm a,thenkhat chuan thupha an chawi a ni,tiin an dik lohnaah hrem kan tum loova siamthat kan tum zawk a ni,a ti.


Maraland Research Forum din a ni

Aizawl a Mara fa Research lama tui mite chuan Mara History leh Culture zir tam lehzual a hmasawnna kan nei theih nan Maraland Research Forum (MRF) a din a. Hruaitute chu: -President - Rev.Dr.Lai-u Fachhai V/president - Dr.K.Zohra Gen.Secy - Dr.K.Robin
Asst.Secy- Dr.Bobby Beingachhi. Fin.Sum- Treasurer-M.Vabeiryureilai (JRF).20-28.1.2010 khian 3 day seminar Saiha ah buatsaih a ni ang a,OB election neih nghal a ni ang Member ni duh tan Dr.K.Robin,Asst.Prof,Dept of History & Ethnography, Mizoram University ah hriattir tur. Contact-9436149263.Email: maraland.research.foundation @gmail.com ah hian mail hmanga thawn theih ani.


* MADC plan sum chu lo thleng thuai tawh tura beisei mek a ni.

* Nimin khan Pu C. Zohupa,Principal,Govt aiha College chuan SU Magazine,Govt Saiha College 2009 chu a tlangzarh ta.

* Nimin tlai dar 2 khan MSO (Hqrs) hruaitute chuan an office-ah meeting neiin an hmalakna chhunzawm zel dan tur leh tul dangte an sawiho.

* Tunlai hian Dr.L.T. Tluanga, CMO Saiha chuan khaw hrang hrang tlawhin an dinhmun a enfiah mek zel.

* Education,MADC hotu te chuan vawiin atangin Siasi,Ainak,etc a School dinhmun enfiah turin an zin chhuak leh dawn a, a thawh thumnaah Rawmibawk tlang dung an fang kual leh dawn a ni.

* ECM KTP chuan an week/Day hman kawp tur a hnaih tak avangin an inpuahchah nasa hle tawh a, Branch thenkhat chuan Sport intihsiakna nen hman an tum a, Branch tam takin ruai theh an tum bawk niin Moonlight News Service reporter chuan thu a dawng.

* Inrinni kalta khan MJA, Saiha chuan Pu M.Baithai, Editor Chhim Aw inah meeting neiin an hmalak zel dan tur an sawiho a, Press Tour a tanga zin haw Pu M.Baithai chuan zin report a pe bawk.

* Catholic hotuten Saiha an rawn tlawh a, an zingah Pu Robert Lalchhuana, Editor Romei a tel.

* Nimin piah khan ECM Moderator Rev.P.Riabi chuan Tuisih ah Biak In thar a hawng. Rev.C.Beima,EX i/c Mission chu Shillong ah kohhran hun pawimawh hmang turin a kal.ECM Hqrs chuan an Gypsy lei thar chu registration siam turin an buaipui mek.

* ECM KTP week/Day lo awm tur atan inpuahchah mek a ni a,Branch tam takin sport leh Zai a intihsiakna an nei bawk ang.

* Lunglei-ah Salvation Army etn Mother’s Day an hmang.

* UPC(NE) chuan Aruna chal field Director Quarters an hawng fel ta.

*CKTP chuan 2010 Conf Hlabu buatsaih a tum.

* Nimin piah khan Aizawl ah Baptist Pastor Meet neih a ni.

*ZEF convention Aizawl ah nimin khan an nei.

Editorial

BRGF hmanga rotling siam ngei a tul Pathianin Central hotute hmangin Saiha District tihmasawnna atan BRGF min pe a,tunah hian a thawhkhatna hna an thawk mek a, a contract hmutute pawh keimahni a leilung fate ngei an ni bawk a,a lawmawm tak zet a ni. Tun dinhmunah MTP Hall a hnathawktute chu entawn tlakin hna an kalpui a,hmun dang a hnathawh mek te pawh a tam,an hnathawh chu rotling tur a ni ngei em tih erawh an zawhfel hunah a lo lang chhuak dawn a,SDD VC te pawhin a hmunah ngei Video Camera nen an cover leh ngei dawn a ni. Chuvangin tuna hnathawk tute /Contractor te hian a tha thei ang berin rotling min siamsak a beiseiawm a, mipui tan a phurawm bawk a, kan beisei ang he hu-in thil a kal lo vaih erawh chuan anmahni tan tak pawh a chhe zawngin lung an phun palh ang tih a hlauh awm tho bawk a ni tih an lo hriat a tha bawk ang.

Kan hriat reng tur chu Saiha District hi District Senior 3 zinga pakhat ni siin District thar pawh tluk lo,engmah nei lo kan nih avangin tuna BRGF chiah hi kan innghahna leh kan tu leh fate bakah chhuan thar lo la awm zel tur atana rotling kan siamsak vena tur anih avangin eng ang contract pawh nise uluk thei ang bera kan siam a, Saiha district tana rotling kan siam kan siam ngei a tul tih hi a ni.