Class-X atanga chunglam scholarship

Pu K.Hrahmo,EM,Education chuan Class-X atanga chunglam scholarship Rs.8000/- dil theihna order a rawn hawn, SSA fund 86 lakhs lh MADC non plan 848 nen.

Saiha,May,5: Aizawl a zin Pu K.Hrahmo,EM,Education chu hlawhtling takin a lo haw ta a, zirlai scholarship Cl-X atanga chunglam atan Rs.8000 dil theihna order a rawn a, hei hi Minority Community quota siamsakna atangin a ni a,50% atanga chunglam mark hmuh tan a ni.MADC 1st instalment non plan 848.56 lakhs leh SSA fund 86 lakhs a rawn hawn tel bawk a,SSA fund hi sikul tin compound siamna tur leh ek-in siamna tur bakah Tuipang H/S sakna tur a ni.Tin, Scheme for National incentive to girl secondary school education tana account hawn theihna order a rawn hawn bawk a,Headmaster ten an hawnsak ang a, a hun hi a dilna angin 8.5.09 thleng pawhseisak a ni atiin ML zawhna a chhang. Pu Hrahmo chuan Chhuarlung-Ainak kawng 10 laihna tur PMGSY scheme ami Rs.853.14 lakhs leh Tongkalong - Lomasu kawng 28.34 km laihna tur Rs.1446 lakhs a rawn hawn bawk.2nd phase ah group 16 a then hran ah Longban-Maisa 6.70km Rs.411 lakhs leh Phura-Vahai 17kms tan Rs.860 lakhs a ni dawn tih a sawi bok.

* Pu S.Khipo,CEM, MADC chu a damlo a vangin Quarter ah Drip khai a ni a, a ziawm hle tawh a,vawiin lam hi office kai hram a tum tiin amah kantu kan palai hnenah a sawi.

* MADC hnuaia Teacher Lunglei a training mekte chuan an harsatna sutkian saktu Pu K.Hrahmo-in Rs.5000 theuh advance hlawh a pek chu Pu Hra hmo chungah an lawm tak zet a ni tih an sawi.

* Vawiin hian MSO(H) chuan HSLC/HSSLC exam a Idiv atanga chung lam te chawimawina pro gramme an office-ah an hmang dawn. * Imanuel kohhran chuan Penticost programme a speaker atan Evan.Nelson Notlia an ruat.

* Evan.Ramtea rawng bawlna ECM New Saiha kohhran-ah Camping chhawng 3-na tan a ni leh ta.

* T.Salem tlawhtu Gilgal KTP te dam takin an lo thleng leh ta. * Nehemia Gr.Tisi KTP lucky ticket result.1st price - C.Rebeki,College Vaih, 2nd- Sisi, Siaha Vaihpi-Contact: S. Ngopathai 9862149341

Disciples Training

Dt.5-6.5.09 hian Centenary Hall Siaha Local Church ah Disciples training neih a ni dawn a, Rev.P.Riabi,Moderator leh MC.C.Zohupa,Principal,GSC ten an kaihruai ang a, Resource person atan Rev. Vern Hancock hman a ni ang.

Hindi Teacher train

Dt.5-6.5.09 hian N.Colony P/S-I ah Hindi Teacher Training neih a ni dawn a, Pu V.Zacho,E.O,MADC-in a hawnna thu a sawi ang. Resource persons: S.Ralmanga,GN Barman, AZ Chautha, V.Vaha, Lalram zauva, TT.Sazi, P.Saly, S.Sanga,Zasaza, S. Vahra, L.Beiseia leh Narayan Ghosh.Pu Zacho,EO chuan MADC hnuaia Teacher zawng zawngte chu India Hnam hla zirtir vek an ni ang,India khua leh tui nia,India Hnam hla pawh thiam loh hi a dik thei lo a ti.