Vawk lakluh khap

Khawvel ram zau ah Vawk natna (Swine Flu) nasa takin a leng tih hriat a ni a,vawk damlo sa ei vanga nunna chan leh damlo enkawl an tam tih hriat anih avangin Saiha-ah pawh SD(S) chuan ram dang atanga vawk lakluh khapna order a chhuah a ni,tiin sorkar thuchhuan chuan a tarlang.

*DEO Saiha chu suspension order sut leh a ni tih hriat a ni.

* ECM New Saiha kohhran a Camping chu an hlawkpui hle nia hriat a ni.

* Pastor Seminar Rev. Hancock speaker-na hnuaia neih chu an hlawkpui hle.

* Bazar bulhnaia awmte chu Shop line loan MADC in ngaihtuahsak se a lawmawm hle ang - LD

* Tun a Saiha khawpui chhung kawng zauh a niloh chuan kum 10 hnu ah chuan traffic a jam nasa lutuk ang a,ke a kal a sawt zawk tawh ang- Vk


To Editor, Moonlight, Saiha

Subj: Change/Routine

Ka pu,

khawngaih takin ka thuziak ,rawtna hi min chhuahsak thei la,ka lawm hle ang.
Tunah hian kan ramah sorkar thar apianga chak tak leh dik takin mipui tana tha tur nia hriatah chuan atul angin ‘change; te pawh an ti chho zel a,hei hi mipui vantlang leh miretheite tan pawh athla muanthlakin a chhenfakawm em em a ni.Chutih rual chuan sorkarin kan khawtlang leh veng in hma a sawn theih nan NREGS hmangin sum tam tak sengin ruahmanna a kalpui a,chumi hnuaiah kan veng leh khawtlangin thatpui an awm laiin veng/khaw thenkhatah chuan awmzia reng a nei thei si lo.Kan VC ten hmingchhiat an lo tawk bawk nen,chuvangin a ngaihna hria kan mamawh a ni tih a chiang mai a,hengah hian arualkhai theih zawk nan rawtna’change’ ka siam duh a ni.

Kan VC ten NREGS hna an buaipui hian khawtlang a tha ber ang em? A ngaihna hria an awm laiin hrelo an awm thei si a,chuvangin hetiang hian kalpui theih nise:-
1) NREGS hmanga kan veng/Khawtlangin hma a sawn theih nan Veng/Khua a in tin pa te kohkhawmin committee neih nisela,chu chuan Working Comittee din tha an tih chuan din theih nise tin,VC rin tha a tih pawhin rin mai nise.
2) He Working Committee hi member 10 tal nisela VC nen thawkhoin Chairman,Secy ruat nisela, anni hian veng khaw chhunga hnathawh tur tul leh mamawh awm ang chu ruahmanna siamin sorkarah a thlen thin ang.
3) Tin, sorkarin a pawmpui work/hna lokal apiang chu Working Committee-in VC te nen chak takin hma min lakpui dawn a ni.
4) He Committee hian atul dang ang zelin Committee khawtlang huap emaw Working Committee leh VC te nen an nei thin ang.
5) He Working Commt hian veng chhunga mi ram dip,hnathawh tul dang dawrin hma a lang
6.He Commt hian hnathawhna tura sum mamawh awm apiangah leh khawtlang mamaw ah rem a ruat thei ang a,mipui sum atul chuan Job card holder rawn chungin hma a la ang.
7) He rawtna hian NREGS work bik atan chauh ruahman a ni.Hei hian VC te mawhphurhna dangah a inrawl tur a ni lo.
8) Term & condition chu thuneituten remchang an tih angin kalpui nise,a theih chuan VC term ang zela kalpui nise.

- Thlirtu


HRIATTIRNA

1. Lok Sabha Election 2009 a Vote tlate hi Dt.16.5.2009 (Saturday) zing dar 8:00 ah chhiar tan a ni ang a,Saiha District chhunga Vote tlate chu DC Office,General Branch-ah chhiar a ni ang.

2. Vote hi Assembly Segment Number hmasak dan leh Polling Station Number hmasak dan indawt a chhiar tur a ni.

3. Counting Supervisors, Counting Assistants leh Additional Counting Staff te chu Vote chhiar ni zing dar 7:00 ah Counting Centre thlenkim hman vek tur a ni.

4. Dt.14.5.2009 (Thursday) chawhnu Dar 1:00 ah Counting Hall-ah Counting Officials Briefing neih tur a ni a; he briefing-ah hian Counting Officials atana ruatte chu tel vek tur a ni.

5. Vote chhiar ni hian Presiding Officer te chu Counting Centre a an awmna tur Room ruat bikah an awm vek tur a ni a.39-Saiha(ST) Assembly Constituency hnuaia duty te chu zing dar 7:30 ah Counting Centre thlen kim vek tur a ni. 40 - Palak (ST) Assembly Constituency hnuaia duty te erawh chu chaw eisain zing dar 9:30 velah lo kal tur a ni.

6. Vote chhiarna hmunah hian phalna nei lo te chu tumah luh theih a ni lo ang


Sd/-H.LALHMINGTHANGA

Election Officer.

for District Election Officer

I&PRO No. 14/2009 (2-2) Saiha District,Saiha
Memo No.D.28011/3/2007-IPRO(S) : Dated Saih, the 7th May 2009