DISTRICT DISASTER MANAGEMENT COMMITTEE NEIH A NI

Saiha,May,22: Nimin khan District Disaster Management Committee, Saiha District chu an Chairman leh District Bawrhsap nibawk Pu Rodney Lalrinawma hovin DC Conference Hall Saiha-ah an thu khawm. He meeting hi Pu Rodney Lalrinawma, District bawrhsap chuan a kaihruai a, Mizoram hi lirnghing natak thlen thut theihna zone 5 ah a awm thu sawiin englai pawha inrin reng a tul thu a sawi bawk. He meeting ah hian chhiatrupna lo thleng thei laka mipuite kan him theihna tura inzirtirna hun ruat ni 4.6.2009 a mawhphurhna hrang hrang neitute leh tih dan turte inhrilh hriat a ni a, tunhnai maia cyclone-in district chhung khaw hrang hrang a in leh lo a tih chhiatte chhawmdawlna tur department hrang hrangten an thawh tlingkhawm Rs. 50,296/- sem dan tur pawh ngaihtuah nghal a ni bawk.

STU Annual Conf

Vawiin hian Saiha Teachers’ Union(STU) Annual Conference 32-na Govt High School, New Saiha-ah neih a ni dawn a,Dr.Chawng khuma Chawngthu, President-in a kaihruai ang a, Rev.Lalberkhawpuimawia, MBK,Saiha chuan hunserh a hmang ang a, khuallian Pi Sangthanmawii,Jt.Director, SCERT, Mizoram chuan thusawina a nei ang. Pu K. Hrahmo,EM,Education, MADC leh Pu H.Lalfak zuala, Principal,DIET,Saiha ten thusawina an nei ang. 2nd session hi Pu Thasia T.Azyu, Secy-in a kaihruai ang a, 3rd session hi
Pu TT.Khulua,Fin.Secy-in a kaihruai ang.

* Saiha dist.chuan Hospital khum 100 mai ni lo,khum 200 awm theihna Hospital kan mamawh zia a lang a, chuvangin khum 100 Hospital kha kum 200 Hospital in min siamsak zawk se - KP.

* MTP Hall tihchangtlun hna chhunzawm mek zel a ni a, Pu B.Dawpho, presi dent,MTP Hqrs leh Pu Pahmo Hlychho,Trea surer, MTP Hqrs chuan uluk takin an vil mek a,hei hi BRGF atanga tih a ni.Thalaiten he thu lawm awm an hriatin an lawmin an phur sawt hle.

* Samrakshan,Saiha chuan ramngaw humhalh kawng ah hma an la chho mek zel a, Ramvah bansan atul thu te, Lui a sangha man lo tur te, ramngaw leh nungcha humhalh atul thu te uar takin tlang au hna an thawk mek zel a ni.

* ECM KNP ten X-Ray khawl an lei hmangin damlo engemawzat en an ni tawh a,current erawh an hmu tha lo tiin Technician Macha S.Sangmawia chuan ML a hrilh.KNP ten Mara ram mipui tana an thiltih hi a ropui hle.Endoscope kan mamawh hle tih a hriat a, hei hi chu ECM Assembly-in a pawm thar Kristian Pa Pawl (KPP) te hian lei ve thung se a fuh ang, ed)

* Tunlai hian Dr.LT. Tluanga, CMO chuan khaw hrang hrang tlawhin an dinhmun a enfiah mek zel a,a chungah mipuite an lawm hle tih hriat a ni.


HRIATTIRNA

Mipuite awlsam zawk nana BPL Ek In Bungrua leh pawisa Saiha hmunah Dt.25-30.5.2009 inkara sem tura VC te hnena hriattirna lehkha kan pek tawh kha Department lam in daihlohna avangin a rem lej rih dawn lova.June ni 2-5 inkarah a hun kha sawn a ni. BPL chhungkaw list leh VC Seal bakah Photo ID ken nise. A lakna hmun tur kha Saiha PHE Complex-ah a ni ang.

EE,S&S Circle,Aizawl