Pu S.Khipo,CEM,MADC chu a bial mipuiten chawimawina famkim nen an lo lawm

Saiha,May,15 : Pu S.Khipo,CEM,MADC leh Tuisih bialtu ni bawk chuan a bial a fanna-ah bial mipuiten chawimawina famkim nen an lo lawm a,pangpar tam tak an awrhtir bawk.Tuisih,Theiri leh Theiva-ah hian CEM nih lawmna ruai a khawnawtin an nei a, ruai an theh mup mup chu a ropui hle.Tin,mimal ang pawhin Pu N.Zatu,Theiri chuan Bawng talhin ruai a buatsaih bawk a,Tin, Pu NTP Notlia,Theiva chuan Ui talhin a battery nen chawhlui a buatsaih chu CEM hova kilho a ni.Maubawk Ch-ah pawh ropui takin Pu S.Khipo,CEM,MADC hi an lo hmuak a, pangpar tam tak an lo awrhtir a, Pu S.Khipo dam reng rawh se,tiin an lo lawm a ni. Pu S.Khipo,CEM,MADC chuan mipui pungkhawm hmaah thusawiin, ka fing ber lo, fel ber lo bawk,ka dinhmun hi ka phu lo a ni,mahse Pathian he ram kaihruai turin a khawngaih rawngbawl hna ka ko ah a nghat a ni zawk a ni,tiin sorkar hmalakna chu rinawmna leh dikna nen tawiawm thiam
turin a ngen a ni. Pute K.Chhihrau,DAO,MADC leh J.Jeffrey Khara,Fin.Secy,MJA te pawhin fuihna thu sawina an nei bawk.CEM zahawm tak hi Pute K.Chhihrau,DAO,MADC, J.Jeffrey Khara,Fin.Secy,MJA, NT Sanga,RO,Foresr,MADC, Saza,AHPO,MADC leh Miss S.Ngopathai ten an zui a, Tuisih ah zan khat an riak a,Theiva ah zankhat an riak.

* Vawiin hian STU chuan zirlaite eizawnna kawngah an tang kaipui beiseina vangin ‘ Career Guidance Programme’ Don Bosco, Saiha ah an buatsaih dawn. Resources person te: Pute Aldrin,JE,DRDA, John Saikhuma,GM,DIC, James Vanlalliana,DAO,saiha. STU hruaitu Dr. Chawng khuma’n a kaihruai ang.

* May 23,2009 hian ECM Tuisih Biak in chu Moderator-in a hawng dawn a, Tuisih khawchhuak zong zong tel vek turin an hriattir bakah khaw dang zong zong pawh telpui turin an sawm.Biak in hi kum 2000 atanga sak tan niin a dung ft 90 a vang ft50 niin cheng nuai 40 senral a ni tih Pu N.Zalo, VCP & Board Chairman hnen atanga thu dawn a ni.

* Ni. 16-21 a sipai lak tur hrechiang duh chuan DC/I&PRO zawhfiah tur a ni.

K.S haw leh ta

Pu K.S.Thanga,Par liamen tary Secretary chuan Saiha nuam a tih thu leh tha taka an lo welcome-na ah lawmthu a sawi a, a haw leh ta.Pu K.S.Thanga hi Ainak khua Pu NC.Sanghlui pa N.C.Chia-U pa te leh a pate unau niin helam chhuak anih avangin Maraland chu a chhuahna a ni bawk a, angai pawimawh hle a ni tiin ML a hrilh.

Tiam tlat dawn

15.5.09 hian ECM Gilgal Biak inah Lalthantluanga leh Lalrinhlui(Tehnaino) chuan’Tiam tlat e’ an ti dawn.Gilgal zaipawl chuan an member te pahnih chawimawi nan hla rem sak an tum tih hriat a ni.Sawmna pawh an sem zau hle a ni.

LB nupui nei

Zaithiam lar LB Nohro chuan dam chhung kawppui atan Nelly,Council Vaih a thlang a,LB fans te pawh an hlim hle tih kan lo hria. Kan zaithiamte nupui pasal an nei ta nual a,mahse hemi avang hian zai lamah chawlh hlen mai lo se, an hman dan azirin zai lamah kal chhun zawm zel se tih chu fans te duhdan a ni.


Ngopathai lawm hlawh

Nula S.Ngopathai chu Tuisih,Theiva,Theiri,etc ah tun tum CEM zui a kal mipuiin an lo lawm hle a, a hla hit ‘Love Letter’ pawh a thlawh hnem parh parh hle bawk a, Love Letter hi zawng nula leh tlangval nunah a lo pawimawh bawk a, ngaihven a hlawh bawk.

Vawiinah WB zai ang

Vawiin hian Pu WB Manner Azyu hnar minor operation Aizawl ah neih a ni dawn. Routmawi an zaina ang chiah kha a ni a, hlawhtling taka zai anih theih nan tawngtainaah i hriatpui ang u.

* Manchester United player tangkai ber te zinga mi Carlos Tevez chuan Man.Utd chu a chhuahsan hunah a rilru-in a tan reng dawn tho tih a sawi.

* Michael Ballack chuan Chelsea -ah a hlim thu a sawi a, Chelsea nen a nun a inzawm reng dawn a ni tih sawiin he hmun hi ka tan hlimna leh muanna hmun a ni,a ti.

* Chelsea striker tha tak Drogba chu a chhuah rin a ni a,a pu hlui Jose Mou rinho a bel rin a ni.