26th MTP General Conference ropui takin neih a ni dawn

Pu N.Chakhai,SDO(C) Sangau khuallian a ni dawn:
Saiha,March,10, 2008: 26 MTP General Conference Zawngling a neih tur atan inpuahchah mek zel a ni. Thupui atan ` Pari theipa a dyuhna` (Ruihtheih thil dona) tih hman a ni ang. Volleyball tournament buatsaih nghal dawn bakah General Election MJA,Saiha District kaihhruaina hnuaiah neih nghal tur a ni bawk.. Conference palai lawmna programme chu 25.3.08( 7:00 Pm) ah hman a ni dawn a,Pu L.Beikha, V/president MTP Gen.Hqrs chuan a kaihruai ang a, Pu S.Ngiahu,Sr.Adv.MTP(H) chuan palai lawmluhna a nei ang a, Pu S.Vabeihasa,President,MSO(H) leh Pi K.Pari, President,MCHP(H) ten thusawina an nei ang a,zai tura beiseite: Hc.Ngoki, V.T.Lalduhchuangi, S.Siamkungi, MTP Br.Lobo. 26.3.08( 9:30 Am-12:30Pm), 1st session : Dr.K.Beichhua,President,MTP(H) in a kaihruai ang a,Rev.B.Beilua,Sr. Executive Secy,MPC-in hunserh a hmang anga, Hawnna hla Zawngling MTP Br. ten an rem ang a,Khuallian Pu N.Chakhai,SDO(C), Chawngte chuan Conference a hawng a, Pu T.Chatlua,Secy General,MTP(H) chuan report a pe ang a, J.Ruby, Maraland idol a zai ang.Programme hi a remchan dan anga tarlan zel a ni ang.

*Inrinni khan Saiha District Development Vigilance Committee hruaitute chuan Maubawk bial a sorkar hmalakna RTI a tanga chhanna an hmuhte a hmunah Video Camera nen an tlawh kual a ni.

* ECM Gilgal election: Kohhran hotu - Upa S. Chisai Local Chairman - Upa F.Sangmawia, Chairman elec - Upa N.Thialua
Secy - Upa C.Lalngura
A.Secy - Upa Sena Ralte
F.Secy-Upa S.Lalrokhuma
Trea - Upa K.Lalzawnga
Gilgal KNP leader result:
Pre - Pi B.Thangliani
Vice - Pi C.Tuanfami
Secy - Po K.Zeihne
A.Scy -Pi Zionthangi Solo
F.Secy-Pi K.Lallunghnemi
Trea - Pi Lalsangveli Solo
E.M te: M.Noso, KT. Maihne, S.Nathlua, Lal nunremi, K.Lalfamkimi, Hc.Nusia.
* 12.3.08(1:00 Pm) khian Pu B.Lalrokhawma In (CTS) ah a pa B.Kaphleia leh H.Lalrinkimi hriatreng na lungphun programme buatsaih a ni dawn.
* LIKBK Assembly a hla zu remtu ECM Choir te an chetha hle nia thu dawn a ni.
* MJA Conference lo awm tur atan inpuahchah mek zel a ni.

Written test kha
P/S teacher lakna tur written test Don Bosco a neih chu sawi neuh neuh a tam hle a, he written test hi a fair lo, an in hrilh ru tih te,duty ten hmun dang duty-na ah lutin an duhsak zawng lehkha an rawlhruk tihte, Certificate hnawl tawh zinga 2/3 an pawm leh tih thu sawi a tam hle.
Hetih lai hian ML zawhna chhangin Pu Joshua Chozah, Head Asst. Education Department chuan, a hmunah awmin room hrang hrang kan fangkual zeuh zeuh thin bawk a,chutiang fair lo a awm lo bakah then khat phei chuan an strict lutuk tiin an sawi hial zawk a ni,a ti.Mi 500 chuangin writtest ten an bei a ni.

CADC inthlan result
Chakma Autonomous District Council inthlanna zawhfel takah chuan Congress party chuan seat 17 ah seat 10 lain sorkar an siam thei ta a, MNF chuan seat 6 an la a,seat 1 MNF tlinna chu complaint a awm a
* S.Ngopathai album release tur chu a inpuahchah mek zel.
* Lalroutmawi-i`n Mizo ram a zaithiam zawng zawng a rawn dah nil atang kha chuan hmar zaithiam te hian ngaihven an hlawh thar hle a, Roselyn Lalumpui, Mawii leh Puii,Monica te pawh an thleng sang hle a, tunah hian Lalditum a rawn lar leh tan ta bawk a,Lalditum hi Routmawi pianzia duhawm tak ang kha ni vein zoram a rawn nghawr nghing ve dawt lovang tih sawi har tak a ni.
1984 vel khan Hmar nula zaithiam tak tak Buangthangpuii leh Vanlalhriatti te khan hming an lo chher hle tawh bawk a,Buangthang pui hian ‘Lung duh dar ang lenna’ tih hla a han thlawh tak tak mai kha chu Lalroutmawi meuh pawh hian ngaithla se,thiam a ti ve thlawt ngei ang.
Buangthangpui hian Routmawi hi a tluk ve ang chu kan ti ngam lovang a,amaherawhchu Routmawi chu dawl (dawt tu) ve ngei ang kan ti ngam thung.
* David Beckham chuan England ram tan vawi 100-na a khelh tling ve thei dawn ta a,Manager Capelo chuan, Beck hian a nghak rei tawh kher lovang,a ti.
* Siami(Hnaino) chu Nagaland a training-na hmunah awmin India aiawh tura thlan turte zingah a beiseiawm hle.

Saiha District-a Meningitis vanga thi chu Expert Medical Team-in 38 an ni tih a sawi:
Saiha District-a Meningitis vanga thi chu Expert Medi cal Team-in 38 an ni tih a sawi. He natna, thluak tuam tu rang natna, a hmuna en fiahtu, Epidemo logist Dr. Pachuau Lalmal sawma leh amah tawi awmtu Doctor dang 2 chuan Aizawl an lo thleng leh tawh a, Saiha District-a an cham chhungin he hri len nasat zualna Zawng ling khua tlawhin, damlote nat dan an zir chiang a, damlo enkawl ngaite an enkawl nghal bawk a ni. Hemi hnu hian Saiha leh a chhehvelah pawh he natna veite enkawl zuiin a inven dan leh enkawl dante an zirtir nghal bawk. Medi cal Team zinga Microbio logist, Dr. Lalrempuii chuan Damlo thisen leh thluaka tui awmte a la nghal a, eng natna chi ber nge tih finfiah nan an Sample lakte hi National Institute of Com municable Disease, New Delhi-ah an thawn dawn a ni. Medical Team-a Doctor-te hian Zawngling leh khaw dang an tlawhah te chuan hetiang natna veite chu rang taka enkawl an nih nan Doctor hnena hruai thuai turin an hrilh a, a natna pumpelh nana intihfai-te, invawn thianghlim leh ei tur tha pekte chu thil pawimawh hmasa a ni tih an hrilh bawk. Medical Team hian he natna len tan hun hi nikum Octo ber ni 8 kha a ni tih an hmu chhuak a, heta tanga thi tawh zat mi 38 chu, thla tina mi 7 thi ang vel an ni tih tarlangin, tun dinhmunah chuan he natna hian ziaawm lam a pan niin an sawi bawk. Dr. Pachuau Lalmalsawma chuan Khawsik, Kawthalo, Zawi, Luak, Kaih leh ring khawng -te a ni tlangpui tih a sawi a ni.
vangin engtia kalpui tur nge tih ngaihtuah mek a ni.