SAIHA NEW COLONY VENG LEIMININ MI PALI CHHILH HLUM

Saiha,Mar,29, 2008: Dt. 27.3.2008 tlai lam dar 3:00 vel khan Pu K.Chhihrau in hmun, New Colony, Saiha Bus Station bula awm laih mek chu a chim avangin helai hmuna hnathawktu mi pali te chu a chhilhhlum nghal a ni. He hmunah hian thawktu mi 7 an awm a, Feet 13 vela thuk an laih hnuah Ban dinna tur an laipuk leh chhawnga, tlai lam dar 3 vel khan an lei laih chu rawn chimin a hnuai thuk taka awm mek Lawmfamkima (21) S/o. K.Laidei, New Colony - III, Saiha, K.Beilai (30) S/o. K.Tiehie, College Veng, Saiha, Habibur Rahman (26) S/o. Abdul Hugh, Karimganj, Silchar, Manu Das (33) S/o. Rajan Das, Karimganj te chu a chhilh hlum nghal a ni.Mi pali delhtu leivung te hi a tam tham em avangin mihring kuta haichhuah mia theih a ni lova, khawthim hnu ah JCB hmangin hai tan a ni a, zan dar 10:30 khan heng mi pali ruangte hi phawrhchhuah kim vek an ni. Hetih lai hian helai hmuna hnathawk ve tho Majibur Rahman (22) S/o. Abdul Hugh, Karimganj leh a thiante pahnih erawh vanneihthlak takin an him a ni. Heng ruangte hi tukin zing dar 7:00 khan Post Mortem an ni a, tualchhung mi thite hi nimin kham an awmna veng thlanmualah vuiliam nghal an ni a, Karimganj lam mi pahnihte pawh nimin vek khan an khaw lamah an ruangte hi thawn liam a ni. He chhiatna rapthlak tak thleng hi hriat a nih veleh chhanchhuah hna thawk turin veng hrang hrang atangin mi tlawmngaite an pungkhawm a, mahse leivung hi a nasat em avangin chhanchhuah hna pawh duh angin a thawh theih loh a ni. Heng vanduaina tawk ta chhungte hnenah hian
MTP Gen.Conf ropui takin zawhfel a ni
MTP Gen.Conference Zawngling a neih chu ropui takin zawhfel a ni a,palai pawh a tap lamah sangkhat chuang an kalkhawm nia hriat a ni.MTP chuan Ruihhlo do chhunzawm zel nise, MTP Gen.Conference neih lehna hmun atan Vahai nise tih te chu thurel zingah a tel a, budget nuai 11 an passed bawk.Khuallian Pu N.Chakhai,PD,DRDA,Saiha chuan Rs.20,000/- in a tanpui a,Zawngling MTP Branch chu Dekchi khap 12 a present bawk.Pu C.Zohupa,Sr.Adviser,MTP Gen. Hqrs chuan Maraland Gospel Centenary Miss cassette a release. Hruaitu thar thlanna neih nghal a ni. President - Dr.K.Beichhua, Sr.Vice president - Pu B.Dawpho, Vice president - Pu L.Beikha, Treasurer - Miss S.Lalmuanpuii, Secy general-Pu T.Chatlua, Secretaries : C.Lalhranga, T.T.Khulua, Martin Luther, FC.Saku, L.Beirangia. Election hi MJA ten hneh takin an kaihruai a ni.A tawp zan Pu V.Samson programme kaihruaiah Pu C.Zohupa,Sr.Adviser,MTP gen.Hqrs chuan Centenary malsawmna leh thil pawimawh dang sawiin thalaite a vei thu uar takin a sawi.
MADC budget session
MADC budget session chu tluang taka zawhfel a ni ta a,Pu S.Khipo,CEM,MADC chuan lawmthu a sawi a ni.Nimin session ah chuan Pu HC.Lalmalsawma Zasai, leader,MNF leg.party chuan New Colony a chhiat tawkte tawrhpuina neih leh thi chhungte hnenah cheng nuai 1 pek a rawt hnuah kumin budget chu pawmawm lo hle mahse Mautam kum anih avangin lungrual taka an pawmpui a ni tih a puang a ni.Ruling leh opposition member ten budget lungrual taka an pawm tlang ta hi chhinchhiah tlak a tling a,eptu member puitlinzia a lang bawk tia sawitu an tam
* MJA ten MTP election an kaihruai hnuin dam takin nimin khan Saiha an lo thleng leh ta.BDO Tuipang leh MTP Bn. Zyhno president ten chawhlui an lo buatsaih sak ve ve avangin an chungah MJA chuan lawm thu a sawi.
* Tunlai hian zenghri leh tha na a hluar a, naupang damlo an tam nia hriat a ni bawk.
* Kar leh thawhtan zing dar 10 khian Forest Hall,MADC ah MADC hruaitu zawng zawngte an kalkhawm ang a,hetah hian Pu A.Z.-in Pathian hnen atanga thupuan tur a dawn a puang dawn a ni.
* Food & Civil Supply Minister Pu K.Sang thuama chuan New Colony Saiha a chhiatna thlenga vanduaina tawk chhungte a tuarpuina lehkha a rawn thawn.
* Tunlai hian power supply a mumal lova, regular taka eng pe turin mipui ten Power Division an phut.
* Tunlai hian Sa buk tling lutuk nia sawi chu SDDVC leh Legal Metrology tangkawmin an check leh thuai dawn a,sa buk tlinglo lei lo ngam turin mipui an ngen.
Deputy Commissioner, Saiha chuan zangna dawmna Rs. 50,000/- theuh a pe nghal a ni.