SAIHA DISTRICT LEVEL BAFFACOS COMMITTEE-IN HMA LA ZEL

SAIHA DISTRICT LEVEL BAFFACOS COMMITTEE-IN HMA LA ZEL Saiha, Mar, 8 : Nimin chawhma dar 11:00 khan Saiha D.C. Office Chamber-ah District Level Baffacos Committee neih a ni a, Saiha District chhunga khaw hrang hrang buhfai dinhmun leh Department hrang hrangte hmalak dante leh hmalak chhoh zel dan turte ngun takin an sawiho. District Level Baffacos Committee hi ADC Pu Donny Lalruatsanga’n a kaihruai a, committee hmasa-a lo rel tawh bawhzui dan hrang hrangte thlir letin hmalak chhunzawm zel dan turte rel ho a ni a. Tam tanpuina tur thawhlawm bawm "Tam Buhzem" D.C. Office leh MADC Office-a hunah sum engemaw zat a tlinkhawm tawh thu te, MADC ah chuan Staff zawng zawngten nikhat hlawh an thawhkhawm tawh thu te leh Tuipang-ah pawh "Tam Buhzem" chu hun ve nise tih te pawm a ni. Khaw tina Tam Endiktu Team ten tam tanpui ngai an thlanchhuahte chu Saiha BDO chuan tlawhchhuaka a endik hnuah khaw 30-a chhungkua 1018 te hnenah Buhfai lei nan sum Rs. 5 lakhs pek an ni.DRDA chuan Baffacos sum an dawn atangin Saiha RD Block chhunga V/C 32 te hnenah Rs. 7 lakhs an sem tawh a, Tuipang Block chhunga V/C 39 te hnenah Rs. 9.36 lakhs tanpuina an sem tawh bawk. Horticulture Department chuan Alu chi 2000 Qtls. mamawh a dilah 250 Qtls. chauh pek an ni a, dil belh nise tiin Committee chuan a rel bawk. Aieng lei tura hmalak mek a nih thu leh Japan Zikhlum (Chin chi) dil mek a nih thute report dawn a ni bawk.DCSO Pu Lalhmingliana chuan FCI lama rokhawlhna avanga buhfai in thawn lamah harsatna a awm mek thu sawiin Saiha District chhunga khaw 3/4 tih loh a tlawhchuah vek thu leh a hmuna a enfiah atanga Bahra lai tam tak an awm thu te a report a, mipui zawng zawngin Supply Department buhfai an rin mek thu te, tun thal laia thingtlang kilkhawr lama buhfai phurh thlen hman loh chuan tam tuar tur khaw engemaw zat an awm thu te a sawifiah a, Committee chuan chutiang kan dinhmun chu hria in chak taka hmalak tulin a hria a, Mizoram sawrkar hnenah Thlawhna hmanga thingtlang khaw kilkhawr tana buhfai thlak dil nise tih te, FCI Supply Route-a Lawngtlai chauh thleng thin chu Saiha thlenga ruahman sak tura dil nise tih leh Hruitezawl-ah Temporary Supply Godown siam tura sawrkar thlen nise tih te an rel a ni. Mautam vanga tam kan hmachhawn mek lei hian mamawh zat ang buhfai a thlen loh chang lo awm thin nen, heng hunlai hian mimal sumdawng/dawrkai te chu buhfai zawrh tur chaw lut uar tura ngen thar nise tih te Committee chuan a rel a. Saiha District chhunga sawrkar hnathawk zawng zawngte chu tam tuarte tanpui nan an nikhat hlawh theuh thawh turin ngen nise tih te an rel bawk a ni.District Level Baffacos Committee-ah hian Department kaihhnawih Officer te, Saiha leh Tuipang BDO te, DAO (MADC), Tlawmngai pawl hrang hrang hotute leh MJA
* Nimin khan Pu M.
Laikaw, EM (CEM aiawh mektu) chamber ah MA DC Executive meeting neih a ni a,sorkar hmalak zel dan tur an sawiho.
* Vawiin hian Saiha District Development Vigilance Committee hruaitute chuan Maubawk bial a Mizoram sorkar hmalakna RTI atanga chhanna chu a hmunah an zu enfiah dawn a, Video Camera in an la zel dawn a ni.
* Pu Laicho Notlia, President, MNF Dist.Hqrs Sai ha chuan New Saikao, New Laty, Maisah,etc tlawh turin vawiin hian Saiha a chhuahsan dawn.
* Pu P.P.Thawla,MDF hruaitu chuan ML zawhna chhangin MLA inthlan lo awm turah MNF luahlan tu tur an awm rih lo,a ti.
* Pu S.Hiato,MLA chuan nimin khan MDCC Office ah CADC -ah election report pein Congress a sorkar sa mai a, seat 17 awmah Congress in 12 an la dawn a ni,a ti.
* Pu FC.Zase,EM,MADC chu portfolio leh room a nei rih lova, tun hnuah chuan room te lo siam lawk vek tur a ni,tiin nimin khan a sawi.
te an tel a ni.
MSO HMALAKNA
Dt.8.3.08 a P/S Teacher Post sawmthum (30) written leh interview conduc neih turah MSO (H) chuan thil a ngaih pawimawhte thuneitute hnenah thlen a ni a,kan rama Quality Education a lo awm theih nan Quality Teacher neih a pawimawh a,chuvang chuan 21.2.08 khan a hnuaia points te written test in thuneitute hnena pek a ni.
1) Written leh interview neihnaah Mara 50% telh nise.
2) In order of Merit a lak nise.
3) Qualification Certificate leh Marksheet chiang/felfai tak neite chauh lak ni rawh se.
4) Qualified Teacher kan neih theih nan written exam hunah seat arrangment felfai tak siam ni rawh se. Chumi rualin Strict taka ven ni rawh se.
5) Candidates tumah political basis appointment pek loh tur.
6) Candidates zawng zawng hnenah Admit Card, Passport size chuang ngei issue ni rawh se.
Heng a chunga tarlante hi a hlawhtling lo a nih chuan a tul dan angin MSO chuan hmalak chhunzawm zel a tum.
Sd/-Laikhai
General Secretary, MSO(H) Siaha
Bawlliana a tlawm!
Mizoram palian inchai nimina Aizawla zawhfel takah chuan vawi 10 ah vawi 10 ka bawhbet dawn titu F.Lalhmingmawia, Kolasib chuan champion lai Bawlliana chu vawi 3 chiang taka bawhbetin a champion ta.
ECM choir Longtlai ah
Lawngtlai a LIKBK Assembly a zaia rawng bawlna nei tura sawm ECM zaipawl chuan ni min khan Saiha an chhuah san a ni.
* Magdelene singer Steward Rochama fapa thar a nei chu lawmpuitu an tam hle nia hriat a ni.
* Playboy magazine a Lindsay Lohan a lang chu sawi hlawh pawl tak a ni a, ngaihventu an tam hle nia hriat a ni.
* Popstar Britney Spears chu a awmdan a mumal lo chhoh zel avangin a nu leh pa pawh an mangang hle tawh a, siamthat anih theih nan hma an la mek zel niin OK news chuan a tarlang.
* Choir of the Century Gilgal zaipawl chuan hla thun belh an tum tih hriat a ni.Gilgal KTP te hian Niawhtlang tlawh turin programme an siam bakah Tripura work camp a kal tur pawh an inruat dawn bawk.
* ABBA inzawm khawm tura hmalakna chu member pakhat Agnetha Feskog chuan a hlawhtlin a rin loh thu a sawi.
CPI(M) chak
Tripura Assembly Election ah chuan CPI(M) chuan sorkar siam theiin an chak
* Meghalaya ah erawh sorkar siam thei party an awm lova, Congress chuan party dang nen sorkar siam tumin hma a la mek.
Mi 8 kahhlum an ni
Nimin khan Jerusalem a sikul pakhatah silai keng mi pakhat lut thutin mi 8 a kaphlum.
Mi 55 an thi
Nimin khan Irag khawpui Baghdad ah bomb 2 a puak a, mi 55 a hmunah an thi nghal a,midang 25 an
Rahul zin kual
Rahul Gandhi,GS,AICC chuan min atang khan state hrang hrang tlawh kual turin New Delhi a chhuahsan.
hliam a ni.
Cabinet meeting neih a ni
Nimin khan Cabinet Meeting pawimawh tak Chief Minister Office-a Cabinet Room-ah Pu Zoramthanga, Chief Minister kaihhruaina hnuaiah neih a ni. He Council of Ministers Meeting-ah hian thil chi hrang hrang 15 ngaihtuah a ni a. Chung zingah chuan -1. Mizoram tana IAS Separate Cadre ruangam leh Mizoram Civil Services, Mizoram Secretariat Service leh Mizoram Finance & Accounts Service Cadre Review rawtna chungchang.2. Conversion of 894 post of Primary School Teachers to Primary School Headmaster Post.3. Proposal for Provincialisation of 10 Adhoc Aided High School and 36 Adhoc Aided Middle School.4. Proposal for Provincialisation of 2(two) Deficit Middle School and upgradation of 1(one) Higher Secondary School.5. Department of Information Technology siam rawtna.6. The Mizoram State Online Lottery (Regulation) (Second Amendment) Rules, 2008.7. Kawlchaw ‘E’ a FCS & CA ram Kawlchaw ‘E’ Branch YMA te hnena pek chungchang.8. District Civil Supplies Officer te hnuaia khaw awm tur siamrem thu.9. Lai/Mara/Chakma Autonomous District Council (Salaries/Allowance and Pension of Members) Rules, 2003 (Sub-Rule 2 of Rule 12) siamthat dilna.10. Creation of filling up of one (1) post of Deputy Director (Survey), One (1) post of Head Cartographer and Four (4) post of Assistant (to function as H.A. in four District Office at Mamit, Kolasib, Champhai and Serchhip).11. Mamit District-a Excise & Narcotics Office hawn chung chang.12. Creation of Post for the Municipal Establishment.13. The Draft Aizawl Development Authority Building Regulation, 2008 pawmpui tura rawtna.14. The Mizoram Youth Commission Bill, 2008.15. Restructuring of Power Department.te an tel a ni.