Saiha District-a Ainak khuaah Nilaini kalta khan Health Sub-Centre hawn a ni a, he khuaah hian Motor Service a awm loh avangin hunrei tawh tak atang khan an khuaah damlo an awm chuan an khua atanga hnai ber Sub-Centre, Siata khua, 10Kms. vela hlaah tlawm ngai pawlten an zâwn thin a ni.
Ainak khuaa Sub-Centre hi Horticulture Department Red House hlui thawm chutah Saiha CMO, Dr. LT Tluanga chuan a hawng a, Nau neihna room te pawh siam nghalin, Health Worker pakhatin a enkawl dawn a ni.
Ainak khuaah hian in 120 awmin, mihring 650 an chêng a, Sub-Centre thar an neih hi khawtlang mipuite chuan Sial 1 leh vawk 2-in an lâwm a ni.
Iana (Ainak) khua chuan Sawrkar hnenah lawmthu an sawi a, sorkar hmanrrua Dr.L.T.Tluanga, CMO chungah lawmthu sawiin he thil lawmawm tak hi Ainak khua chuan an dam chhungin an theihnghilh tawh dawn loh thu Ainak khawtlang hruaitute leh MTP,MSO hruaitute chuan ML an hrilh a ni.
Subscribe to:
Post Comments (Atom)
No comments:
Post a Comment