Mizoram-a Lok Sabha seat

Saiha,May,18 : Mizoram-a Lok Sabha seat awm chhun luah turin Indian National Congress Candidate Pu CL Ruala chu hneh taka thlan tlin a ni a, South Tuipui biala Assembly by-election ah pawh Congress Candidate Pu John Siamkunga chu hneh taka thlan tlin a ni. Mizoram MP atana thlan tlin tak, Pu CL Ruala hian vote nuai 2, sing 1, sang 5 leh 677 hmuin, amah hnaih bertu, Dr. H. Lallungmuana, Independent, MNF leh MPC-ten an thlawp chu vote nuai 1, sing 1, sang 1 leh 511 in a khum a, Dr. H. Lallungmuana hian vote nuai 1, sang 4 leh 166 a hmu a ni. Candidate dangte vote hmuh dan chu, NCP candidate, Pu Lalawmpuia Chhangte-in vote 3,320 a hmu a, Independent candidate, Pu Rualpawla chuan vote 4,078 a hmu a ni. Lok Sabha member atan Pu CL Ruala hi dan ang taka thlan tlin a ni tih Returning Officer, Pu C. Thanchhuma’n nimin tlai dar 6 leh minute 17 khan a puang a, thlan tlin a nihna certificate a hlan nghal a ni. South Tuipui biala Assembly by-election neihah Congress Candidate Pu John Siamkunga chuan vote 6,177 a hmu a, Opposition MNF, MPC leh MDF Candidate intawm Pu K. Lalsanga, Independent chuan vote 2,870 a hmu a, an inthlauhna hi vote 3,307 a tling a ni. MP thlanna a vote tla hi Assembly bial siam dan zuia chhiar a ni a. MP Candidate 4 te zinga Congress Candidate Pu CL Ruala hian bial tinah Candidate dang zawng aiin vote a hmu tam a ni.

MP Candidate 4 te zinga Congress Candidate Pu CL Ruala hian bial tinah Candidate dang zawng aiin vote a hmu tam a, vote chhiar zawh tawhna District hrang hranga Candidate te vote hmuh dan chu Saiha District-ah Congress Candidate Pu C.L. Ruala’n sing 1, sang 1, 837, Dr. H. Lallungmuana’n 4949, Pu Lalawmpuia Chhangte’in 168 leh Pu
Rualpawla’n 203 a ni a. Saiha District-a Assembly bial 2 ah hian Congress candidate Pu CL Ruala hian amah hnaih bertu Opposition candidate Dr. H. Lallungmuana chu vote 6,888 in a khum a ni. Lawngtlai District-ah pawh Pu CL Ruala hian vote sing 2, sang 8, 289 a hmu a, Dr. H. Lallungmuana’n 6,518, Pu Rualpawla’n 715, Pu Lalawmpuia Chhangte’in 541 a hmu a. Pu CL Ruala’n amah hnaih bertu Dr. H.Lallungmuana a khumna hi vote sing 2, sang 1, 771 a tling a ni. Lunglei District-ah pawh Pu CL Ruala hian vote sing 3, sang 3, 189 hmuin amah hnaih bertu Dr. H. Lallungmuana chu vote sing 1, sang 8, 378 in a khum a. Candidate dangte vote hmuh dan chu Dr. H.Lallungmuana, vote sing 1, sang 4, 811, Pu Rualpawla’n vote 753 leh Pu Lalawmpuia Chhangte’in vote 647 a ni. Serchhip District-ah chuan Pu CL Ruala’n vote sing 1, sang 3, 545 a hmu a, Dr. H. Lallungmuana’n vote 8,230, Pu Rualpawla’n vote 218, Pu Lalawmpuia Chhangte’in vote 202 a hmu a ni. He District-a vote hmu tam ber Pu CL Ruala chuan amah hnaih
bertu Dr. H. Lallungmuana vote hmuh chu vote 5,315 in a khum a ni. Champhai District-ah pawh Congress Candidate Pu CL Ruala chuan vote sing 2, sang 7, 657 a hmu a. Dr. H.Lallungmuana’n sing 1 leh 200 a hmu a, midangte vote hmuh dan chu Pu Rualpawlan vote 329 leh Pu Lalawmpuia Chhangte-in vote 359 a ni. Kolasib District-ah chuan Pu CL Ruala’n vote sing 1, sang 3, 491 a hmu a, amah hnaih bertu Dr.H.Lallungmuana’n vote 7,535 a hmu a. An inthlauhna hi 5,916 a tling a ni. Mamit District-ah chuan Pu CL Ruala’n vote sing 1, sang 6, 155 a hmu a, amah hnaih bertu Dr. H. Lallungmuana’n 6,624, Pu Rualpawla’n vote 399 leh Pu Lalawmpuia Chhangte’in vote 326 a hmu a ni. Mamit District-ah hian Pu CL Ruala chuan amah hnaih bertu Dr. H.
Lallungmuana vote 9,531 in a khum a ni.


* ECM Nupawl Day chu nimin khan tluang taka hman a ni a, Ruai theh a ni tlangpui a,Gilgal ah chuan Ar Ruai an theh a ni.

* Pu S.Khipo,CEM, MA DC chuan Central a UPA chakna hian India ramin hmasawn zel an duhzia a tilang a ni,tiin lawmawm a tih thu a sawi.Pu Ng.Silla, President,MDCC chuan a rin ang ngeia Mizorama MP election result a nih thu sawiin lawmawm a tih thu a sawi.

* ECM Choir chuan an conductor WB Azyu hovin nimin khan Chaltlang South Presbyterian Biak in leh Lily veng ah hla a rawngbawlna an nei a,2010 NEICC inkhawm chu ECM in kan thleng dawn tih thuPu WB hnen atanga dawn a ni.

* Rev.Ch.Chhama,Sr.ES chuan ECM Motor Gauhati ah a zu lei fel ta.

* ECM New Colony KNP chuan an Day ah speaker atan Miss Lynn H.Ngohei, Secy,ECM(Lit) an hmang a,Gilgal-in Mc.C.Lallian zauva, Emanuela-in Evan. Nelson Notlia an hmang thung.KNP Branch zong zongin hlawhtling takin an hmang vek nia thu dawn a ni.


Editorial

Tlin dan leh tlin loh dan thiam a pawimawh

Democracy ram pawlitik bu zawlah hian mipui aiawh hmanga rorel khawl siam a ni miau avangin atul hunah Election buatsaih a ni thin a, an hun ruat tawpah election buatsaih a ni leh zel dawn a, mipuiin kan aiawha kan thlan lal te an rorel hun chhungin kan lo endik leh nghal thin a,kan duh zawng anih chuan kan kan thlang lal leh a,kan duh tawh lo hunah kan paih thla leh mai thin a ni.

Tun tumah pawh India rama rorel khawl sang ber siam turin vote kan thlak a,a result lo lang chu mipui duhdan bawk a ni a,eptu lam hruaitute pawhin an pawm thlap thu an sawi rualin thlantlin te an lawmpui thu an sawi kha a puitlin thlakin a lawmawm hle a ni.

Eletion result puan tawh hnuah hi chuan a tling te leh an pawl te tan tlin dan thiam a tul a, eptu lam rilru tina thei zawnga chet palh a awl avangin fimkhur tak leh puitling taka awmdan thiam a tul a ni.

Chutiang bawkin eptu lam tan pawh inthlan leh hun tur nghak a chance tha zawng nghal tura chet chhuah a tangkai zawk zia hria a, rilru puitling taka awm thiam a tul a, thlantlin te lawmpui thiam a tul hle bawk.Inthlan campaign hi politics game niin football inkhelh ang mai a ni a, a chak zawk an lawmpui thin angin politic game ah a chak zawk in lawmpui a tha e.