Tukin zing dar 8 atangin MP election vote chhiar tan ang

Saiha,May,16 : M.P. Election 2009-a vote tlate chu Ni 16.05.2009 zing
dar 8:00 atang hian Mizoram puma District khawpui tinah Election
Commission of India lehkha No. 470/2009/EPS dt. 4.4.2009 angin chhiar
a ni dawn ta a. Aizawl District-ah chuan, D.C. Office Complex-ah Vote
hi chhiar a ni ang a. Aizawl District Counting Centre-ah hian Counting
Hall pahnih awmin chu chu A.R.O. pakhat ve vein an ho ang a, Centre
Hall-ah chuan R.O. hovin Postal Ballot Paper chhiar a ni ang.

District danga vote chhiarna hmun turte chu hengte hi a ni ang:-

Sl. No. Name District Date and Time Place of Counting

1 Mamit District 16.05.2009, 8:00 A.M. Conference Hall,

DC Complex, Mamit

2 Kolasib District 16.05.2009, 8:00 A.M. ASO-II, Land ,
Revenue & Settlement Office Building, Kolasib
3 Champhai District 16.05.2009, 8:00 A.M. EOC Building DC
Complex, Champhai
4 Serchhip District 16.05.2009, 8:00 A.M. Office of the
Deputy Commissioner, Serchhip
5 Lunglei District 16.05.2009, 8:00 A.M. DC Indoor Stadium,
near DC’s Bungalow, Venglai Lunglei
6 Lawngtlai District 16.05.2009, 8:00 A.M. DC Office Main
Building, Lawngtlai
7 Saiha District 16.05.2009, 8:00 A.M. DC Main Office Building, Saiha
Tin, Counting Centre hual vel ah hian venhimna lam pawh uluk tak a
ruahman a ni a, a chhungah hian Counting Supervisors, Counting
Assistants leh Counting Micro-Observers, Election Commission-in luh a
phalsak te, Sorkar hnathawk duty tura ruat te leh Candidate, Election
Agent leh Counting Agent-te bak luh phal a ni lo. Election
Commission-in a bika phalna a pek thuthar thehdartute chu Returning
Officer-in luh a phalsak thei ang.


* DC Main office building a MP vote chhiar dan tur engkim tihfel vek a
ni tawh a,tukin dar 8 atangin chhiar tan a ni ang.

* MADC Executive meeting chuan V/C zawng zawng thiahna order a chhuah
ta,election buatsaihna tur sum a awm rih lo avangin thla chhung chu
care taker ang reng hmangin VCP leh secy ten an enkawl dawn a ni,tiin
Pu S.Khipo,CEM, MADC chuan a sawi.

* Kum 2011 a ECM Beirual zirtur bu chu MEC leh ECM chuan thupui pakhat
zirtura relthluk a ni,chungte chu: 1.Kohhran leh Sacrement(1-8Sept)
MEC atangin 2.Kristian Chhungkua (9-15 sept) Rev.P.Riabi 3.Kristiante
leh Thilpek (16-22 sept) Rev.JR.Sanga.4. Mission rawngbawlna (23-30
sept)-MEC atangin.
* Kum 2010 a WARC Gen.Council meeting Michigan Grand Rapids, USA a
neih turah ECM atangin delegate 3 Rev. Ch.Chhama,Rev.P.Riabi leh
Ls.Lynn H.Ngohei ruat an ni.


INDIAN IDOL CONTEST-A Mizoram aiawh tur thlanna:-

Indian Idol Contest 2009 ah Mizoram atanga contestants nei ve tura hma
la mek tu Grand Society of Mizoram(GSM) chuan vawiin khan I&PR
auditorium-ah contestant te thlitfimna Screening/Audition a buatsaih
a. Mizoram Larsap Lt.Gen.(Rtd) M. M.Lakhera, PVSM, AVSM, VSM chuan he
audition tanna inkhawm hi a telpui a ni. Audition ah hian Mi zoram
chhung hmun hrang hrang bakah thenawm state atang te in contestants 74
an inlan a. Contestants te fuihna thu sawiin Larsap chuan India ram
hmun dangte rualin Mizoramin ke a pen ve thei tih lantirna tha ber chu
a taka entir a ni, a ti a. Mizoram-in talent tha tak tak a neihte chu
tuaihnum a pholan a pawimawh hle a ni, a ti. Larsap chuan contestants
te chu Mizoram aiawha Indian Idol thlanna a an tel hunah Mizoram
timawitu leh tihming thatu ni turin awmdan mawi tak lantir zel turin a
fuih a. Intihsiakna ah hnehtu a nih vek theih lova, a pawimawh ber
zawk chu intihsiakna a tel kha a ni, tiin Larsap chuan hlawhtlinna
kawng dik tak chu mahni thil tih atanga inzir chhoh leh tha zawka beih
zui zel hi a ni, a ti.He audition tanna hun hi Grand Society of
Mizoram President leh Lelte Magazine Editor ni bawk, Pu C. Dinthanga’n
a kaihruai a. Pu Z.Lalthanzuala, Gen. Secretary chuan GSM din chhan
leh a thil tumte sawiin report a pe bawk a ni.