Minority Community Scholarship for Cl-I to X

* Minority Community Scholarship for Cl-I to X chu nikum khan Saiha District ah mi 124 pek an ni a,la dawng rih lote pawh karleh lam chuan an pek theih an in beisei a ni tih DEO staff Pu F.Lalro tluanga hnen atanga thu dawn a ni.Kuminah pawh dilna hun hawn leh tep a ni tawh a, fund pawh an rawn tihpun beisei a nih thu a sawi bawk.

* LSA Conference Lawnga a neihah MSO Hqrs president Pu S.Vabeihasa leh a thawhpuite chuan an zu telpui a,LSA leh MSO thawhhona a tha hle tih hriat a ni.

* BRGF scheme atanga MTP Hall tihchangtlun hna kalpui mek zel a ni a, MTP Hqrs hruaitute leh JE te chu Pu Jeffrey Khara chuan kumin Moonlight Award 09 lo awm tur thlir tel chungin a tam thei ang bera mipui thutna tur zauh belh tura ngenin tlai tin a enpui ziah a, mi 500 vel chu len belh thei tura beisei a ni,stage pawh tihsan a ni.Tukverh atan thing ni lovin thir ngei hman a duhawm hle.

* Tunlai hian rannung,Khau leh a dangte a puang a, a buaithlak thei hle.

Fimkhur turin chah

Health Worker Conference nihnih awh chu nimin khan zawhfel a ni ta, khuallian Dr.L.T.Tluanga,CMO,Saiha chuan Health Worker te chu an hnathawhnaah fimkhur turin a chah a,VC leh NGO te pawh H.O thawhpui thiam turin a ngen bawk.A tel ten an hlawkpui hle a ni.

Litres 50 an man

MTP Hqrs chuan ruihhlo do kum puan bawhzui zelin niminah pawh zu litres 50 zet an man leh a ni.MTP Hqrs hnuaia Ruihhlo Do Sub-Committee hruaitute hi an fimkhur hle a, an zu man tawh sa-ah kapur an thlak hmiah zel a, an leibaw vek bawk.Mipuiin an fak hle.


BADP meeting

Karleh thawhtanni khian DC Conference Hall, Round table-ah BADP meeting neih a ni dawn a, Pu Zorammuana,Addl.DC in a kaihruai ang.

* Dt.4.6.09 khian Saiha -ah Mock Drill neih a ni dawn a,hre lawk turin thuchhuah siam a ni ang.


* Mizo idol contest chhunzawm mek zel a ni a,Judge atan a ngai bawk Rebecca Saimawii, Lalram mawia leh Lalrinliana te an ring leh a ni.

* Lungpher product Pi S.Lalrimawii chuan ‘Father of the nation’ tih hla Music Video a siam chu demand channel-ah thun a ni ta.Pi Rimawii hian Sonia Gandhi, UPA Chairperson, Dr.Man mohan Singh ,PM leh Pratibha Patil,President of India chu a copy a thawn dawn a ni,tiin ML thalai huang a hrilh.

* Boxing a Saiha district tihmingthatute Joel Hly chho, T.Beirapathai leh Simon Hlychho te chu an chetha zel a, Aizawlah pawh lam tang an ngah hle a, a lawmawm tak zet a ni. Keini lam pawhin kan naute 3 tantute chungah hian lawm thu kan sawin a tul,an flag-ah Zam ngai lo T.Beira pathai ,etc tiin an ziak a, an titha hle a ni. Hmingte pawh kha Mizoram pumah tantu tam tak,tantu ngah ber pawl a ni hial. Politics ah Pu Hiphei kha MLA election ah vote 3000 chuang an pe, sawi tur a tam, hengho zawng zawng chungah Moonlight chuan lawmthu a sawi tak zet a ni tih internet atanga Moonlight lo chhiartute pawhin in lo hriat kan duh e-Ed).

* Champion league final ah Messi leh Etoo goal thun hmangin Barcelona chuan Manchester Utd hnehin an champion ta, Barca fans te hlim leh lawm kum a ni.

PAHNOSANA

Sodaoh penawhzy ta daoh-o khotho la daoh hmo sopa he, he cha puanoh tawhta pakhapa a cha. Tawhla Trade licence Renew awpa ta pangiapa zydua Date 30.5.2009 hlata la khawi awpa ta pahnosapa nama cha. He daihti chhohta chatlai leipa cha late fee chhaota ama chatlai awpa a cha.

HRIATTIRNA

Dawrkaiten dawr bungrua pawna an pho chhuah thin hi he lehkha chhuah ni atangin khap tlat a ni.Tin, Trade Licence Renew tura thehlut tawhte chuan date 30.5.2009 ral hmain khul vek tura hriattir in ni e. He hun tiam chhunga khul lo te chu late fee nen khulhtir an ni anga,tuman an sawi buai thei tawh lovang.

Sd/-N.PACHHUNGA,
Senior Revenue Officer
Mara Autonomous District Council
I&PO No.4/09 Siaha
Memo No.MADC,91/L&R/2008-09/284 :Dated Siaha,the 14th May 09