PAHNOSANA

Dt.5.5.09(11:00 am) pata Forest Hall,MADC su liata Cl-X nata Cl-XII First division cholata Passed pazy hnota Palyupalina nata Certificate hlana MSO(H) ta a hnei awpa chata.Certificate a dao awpa zydua a ki kaw pata he programme he a hlao chyu awpata pahno sapa nata a hawpa nama cha. Student a hlao theileipa ama ypa chhaota vyupa a tua theipa chasala a pha kaw awh.

- Sd/- S.Laikhai,
Gen.Secy,MSO(H) Siaha

MTP thuchhuah

MTP Gen/Hqrs chuan thu chhuah siamin Rodingliana (13) s/o Lalruata Council veng,Saiha hun rei tak chhung chin hriat lohin phai lamah a awm chungchangah a nu leh pa,chhungkhat an lainat thu te, a zawnna hna MTP(H) in theihtawp chhuahin a thawk a,police ten phai atangin him takin an rawn hruai thleng chu lawmawm an tih thu te, Rodingliana hruaibotu nia ngaih Samuel Lalhriatpuia s/o T.Rama(L) Council Vaih chu police lamin manin thubuai an siamsak a,Saiha em pawh alo thlen hma a bail a chhuah a ni ta mai hi chu a bail tirtu leh a bail chhuaktu hi MTP Gen.Hqrs chuan an dem tak zet thu te,hetiang thil thlen tirtu Samuel hi sorkar thuneituten a phu tawk anga hremna a pek ngei an phut tlat thu leh ngawihbo san tum mai lovin a tul anga MTP chuan hma an lak zel tur thu an tarlang.

* USA chuan Pakistan sorkar chu a ram chhunga mi firfiakte do tak tak turin a ngen.

Lawmpuitu tam

Mizoram pum Music promoter of the year Lelte Award 2009 dawngtu Pu Jeffrey khara chu lawm puitu an tam hle a, Saiha mai ni lovin district hrang hrang atangin lawmnapui thu a dawng mawlh mawlh reng a ni.Min lawmpuitute chungah lawmthu kan sawi e. Hei hi Centenary mal sawmna chikhat a ni.


ZTOA: Tun 4.5.09 atang chuan Taxi Stand fee khawn tu tur Executive meeting chuan kan hruaitu zinga mi a ruat ta.Member zong zong ten kan driver te stand fee regular taka pe thin turin a ngen che u in,a hriattir a che u,tun atang chuan fee pe tha lo chungah action lak ani ang.

Sd/-Mochono,Secy
ZTOA District Hqrs Saiha


Biak in thar hawn tum

Evan.Beilaizi Bohia awmna kohhran Tripura ah an Biak in thar hawng turin ruahman mek a ni a,MC.S. Lal rokhuma leh MC.Sena Ralte, Gilgal te speaker a ruat an nih angin anni chuan an zu hmanpui ang.Evan. Beilaizi rawngbawlna Pathianin a hmang hle nia hriat a ni.


* District Magistrate-in Vawk lakluh a khap vang te, Swine flu vanga Mexico a mitthi an tam vang te, sor kar hrang hrangin hemi chunga fimkhur tul an tih vang te leh Saiha ah pawh vawk damlo a awm nual nia sawi avangte-in Inrinni a vawk talh te chu a leitu an tlem hle nia sawi a ni.

* Pu S.Khipo,CEM, MA DC chuan Council Day tun hma lam zawng hman a ni ta lo kha a chhan a hriat loh thu a sawi a, mipui ngaih damna a dil bawk.

* Tunkarah chuan MADC staff ten thla hlawh an lak beisei a ni.

* Saiha Pastor bial ten Sunday school khawmpui cum competition neih turin ruahmanna an kalpui mek a,a hmun atan ECM Bethlehem Local Church ruat a ni.He Sunday School khawmpui cum Quize competition ah hian Beginer atanga Intermediate chin an ni ang.

* ECM Siaha kohhran chuan ‘Kristian Chhungkua tih thupui hmanga Seminar nei turin an inpuahchah.

* Gilgal KTP chuan T.Salem tlawhin vawiinah an lo haw leh ang.

Editorial

Ram humhalh tul

Pathianin kan Pi pute hmang a kan ram min pek hi ram nuam tak a ni a, keini thangtharten kan ram hi humhalh leh cheimawi kan bat a ni.Kumina ram kang nasa khan ram hmangaihtu leh veitu tak tak kan tam em tih a entir thawkhat a,ram kang venhim hna hi sorkar leh NGO mawhphurhna chauh ni lovin mi zawng zawng mawphurhna a ni zawk tih kan hriat a pawimawh hle.

Ram hal satliah mai bakah Lo/Huan kan hal a, meilam sial leh si lovin ramngaw kan tichereu nasa em em a,hei hi kan hnam tan a pawi em em a ni.Hei lo hi ram dang kan nei lova, lo kang fai vek ta se chenna tur nei lo hnamah kan inchhuah anga,boralna ramah kan lut dial mai ang tihte pawh a hlauhawm hlel love. Chuvangin kan ram hi kan duatin kan ren em em tur a ni.Fur ruahtui awm lo phei se,kan ram hi thlaler ramro -ah kan siam daih tawh ang. USA,Mexi co,Canada,etc ah chuan thing kung pakhat kittu chuan a dang panga a phun tur a ni tiin dan nghet tak an siam phah hial a ni. Keini ramah chuan kang mei tichhuaktu an zawn thawm hriat a ni lova, action lak pawh hriat a ni ngai bawk hek lo.Kan ram venhimna atan chuan Dan khauh tak siama hremna sang tak pek mai nise a fuh ber ang.