Pu Rodney Lalrinawma,DC Saiha hovin Fire Prevention Meeting

Saiha,May,19 : Nimin khan DC Conference Hall-ah Pu Rodney Lalrinawma,Chairman,Fire Prevention Committee leh Dy.Commissioner ni bawk hovin Saiha District Fire Prevention Committee an thukhawm a.Pu Zorammuana,Secy,FPC leh Addl.DC ni bawk chuan an hmalak dan tlangpui member te a hrilh a,Pu Vabeikhaihmo,ACF,MADC chuan Forest department hmalakna report a pe a,Satellite atanga Central lam mithiamte thlalak
atangin report an dawn chu Saiha District ah ram kang hmun 26 ah a awm thu hi a ni,a ti. Miss Marilyn Rualzakhumthangi,ADC pawhin In kang,etc report a pe a ni. He meeting telpuitu Pu S.Khipo,CEM, MADC chuan Tongkolong leh Phura ram a kang nasa a, ram hal kangtu hrim hrim hremna na tawka pek a tul a ni,a ti.He meeting ah hian MADC lamin V/C tinte instruction uar zawkin pe se, Kangmei vengtha khuate lawmman pek dan ngaihtuah nise tihte rel a ni bawk.

* Nimin khan Backward Region Grant Fund (BR GF) Committee for Saiha District chu an Chairman Pu Rodney Lalrinawma, DC hovin an thukhawm a,hmalak zel dan tur an sawiho.

* Phusa atanga a zatve Chhuarlung a pem te chu an veng hming atana Chhuarlung-II tih chu MADC chuan a pawmpui thu a chhuah ta.

* Vawiin hian BADP meeting DC Conf Hall-ah neih a ni ang.

* LPS Pro boxing ah Joel Hlychho, Simon Hlychho leh Beirapathai te quarter final an lut vek.Saiha atangin sum nei deuh tan sponsor a tha ang.

* Nimin tlai khan MTP Hqrs president Pu B. Dawpho, MPT Hqrs Treasurer Pu Pahmo Hlychho leh Pu Jeffrey Khara chuan MTP Hall complete-na tur hna kal mek chu a hmunah an enfiah a, MTP Hqrs in chak takin hma an la mek a, Stage tihsan deuh a ni a, a hnunglam extend a ni dawn a, Stage mawihnai taka siama Puanthan quality ber chi hman tum a ni dawn tiin Pu Dawpho, President chuan a sawi.