Workshop DC Conference Hall a

* Nimin khan Oneday Workshop DC Conference Hall,Saiha ah buatsaih a ni a, vawiin hian District Disaster Management Committee chu an Chairman Pu Rodney Lalrinawma,DC hovin an thukhawm ang.

* Naktuk khian DC Conference Hall,Saiha ah meeting of Fire, Police & Home Guard te chu Master Trainer te hovin an thukhawm dawn a ni.

* Tunlai hian Saiha Civil Hospital-ah damlo an full hle a, hei hian Khum 100 aia tam Hospital kan mamawhzia a tilang.Damlo te zim buai lutuk lo turin Hospital a thawkte chuan mipuite an ngen a, Damdawi a Dan leh dun zah zawm tur leh an zawm that poh leh damlo tan pawh.

* Saiha Hospital a thawk turin special doctor dah belh a ni a, TNT (Mit,Hnar, Hrawk specialist) Dr.Lal hmachhuana chu dah niin a lo phei thuai dawn nia thu dawn a ni.

* Nimin khan Dr.LT. Tluanga,CMO,Saiha chuan Mipu leh a chhehvel tlawh in an dinhmun a zu enfiah.CMO hian theih tawp a chhuah zawm zel.

Saiha,May, 21 : Zemabawk khaw dai, Tuirial lam panna kawng chhaka quarry hlui chu nimin chawhma khan a chim a, Lunglei, Champhai leh Darlawn lam panna kawngpui a ping. He quarry chung tlang chim hi a nasa hle a, a chung tlanga thing awmte nen a tla thla a, hei hian Aizawl-Lunglei kawngpui chu feet 80 vela zau a hnawh ping vek a ni, he quarry chung tlang chim-ah hian vanneihthlak takin thi leh hliam an awm lova, Police-te chuan a hmuna kalin thil awm dan an enfiah a, thil tul apiang an buaipui nghal a ni. Hetih lai hian BRTF-te chuan he kawng ping titlang leh tur hian theihtawp an chhuah nghal a, JCB, lung
verhna khawl leh hmanraw pawimawh dangte hmun hrang hrang atanga chah khawmin a thenfai hna an thawk a, lung lian tak tak verh hnua hal darh ngai thahnem tak a awm avangin kawng siam tlang hna hi naktuk chawhnu lamah zawh fel theih an beisei tih BRTF hotute chuan an sawi a ni. Police hotute chuan helai hmunah hian tun hnaiah BRTF leh mimalin lung an lak loh thu leh a chim chhan hi a hnuai lamah dotu tha a awm tawh loh vang niin an sawi a, tun hma pawh khan a chung tlangah hian lei
khi nasa tak a awm tawh avangin engtikah emaw chuan a la chim ngei dawn tih hriat sa a ni tih an sawi.


City Bus-ah ticket hman tur

Nimin khan Mizoram State Transport Authority te chu an Chairman, Transport Secretary Pu K. Lalnghingova, IAS hovin an thukhawm a, Mizoram chhunga khualzin phur lirthei chi hrang hrang chuan man te thlirin Aizawl City Bus-ah te chuan passenger zawng zawngin ticket hmangin bus chuang tawh se tih an rel. He rawtna hi sorkarah thlenin hun reilote hnuah hman theih pawh beisei a ni. Rawtna ang chuan City Bus te hian ticket Rs.10, Rs.5, Rs.2 leh Re.1 man an nei vek tawh ang a, chungte chu passenger te hnenah conductor ten an pe ngei ngei tur a ni ang a. Ticket nei lova bus chuan leh ticket hralh chhuak duh lo conductor te chu dan anga hrem theih an ni tawh ang a, Rs.500/- thleng chawitir theih an ni ang. Hei hian bus-a veivak thin te phunnawina pakhat pawisa kir kim loh tih leh bus neitute leh conductor te inkara inrintawnna a siam beisei a ni. Hei bakah hian taxi, maxicab leh bus permit hralh chhawn leh zawrh mai thin te a awm tawh loh nan permit neitu hming thlak a nih dawnin, motor lei hnuah chauh thlak theih a ni dawn a. Sorkar hnathawk dan kalha taxi, maxicab leh bus neite pawh dan anga thil tih a nih theih nan July thla ral hmaa MSTA-a inhriattir vek tura thupek an ni. MST deluxe bus-a chuan man, kilometre khata Re.1 ni mek chu pawisa 95-ah tihhniam a ni ang a; medium bus-a chuan man, kilometre 1-a pawisa 80 pawh 75p. ah tihhniam a ni ang,tiin Mizoram sorkar DIPR thuchhuah chuan a tarlang.