MSO buatsaihin HSLC/HSSLC a tithate chawimawi an ni

Saiha,May 7:- Nimin piah khan MADC Forest Hall-ah MSO Hqrs chuan HSLC/HSSLC a 1st division leh Distinction a pass te chawimawina Certificate an hlan a,Pu V.Zacho,EO chuan MSO thiltih chu a fak a,Mara fa te zinga HSLC I Division pass hmasa ber chu Dr.Sahlu Khaila a ni a, tunhma chuan kan tam lova,tunah erawh kan lo tam, ta hi Pathian malsawmna a ni,a ti. Pu B.Dawpho,President MTP Gen.Hqrs leh Pu Thaly T.Azyu,Adviser,MSO(H) chuan fuihna thu sawiin MSO thiltih chu an fak bawk. He programme kaihruaitu Pu S.Vabeihasa,President, MSO Gen.Hqrs chuan heng zirlai tithate an lawmpui rualin Saiha District atanga Lelte Award dawngtu pahnih Pu Jeffrey Khara leh Nula S.Siamkungi te pawh an lawmpui hle a ni tih a puang tel bawk.

MTP chetha hle

MTP Hqrs in a din Ruihhlo Do Sub-Committee chuan an zu man thar 250 litres, Dawdim tlang 6,Ganja kg 3 leh proxyvon mum 300 chu nimin piah khan an halral a, an chairman Pu S.Zahli chuan kum tirh atanga tun thlengin 2000 litrs chuang an leibaw tawh a ni tih a sawi.

* Dt.5-6.5.09 khan N.Co lony P/S-I ah Hindi Teacher Training neih a ni a, Pu V.Zacho,E.O,MADC-in a hawnna thu a sawia, Resource persons: S.Ral manga,GN Barman, AZ Chautha, V.Vaha, Lalram zauva, TT.Sazi, P.Saly,S. Sanga,Zasaza, S. Vahra, L.Beiseia leh Narayan Ghosh.
* MADC hnuaia Adult Education a DAEO Pu Jeff.H. Beihnai chuan theihtawp chhuahin hma an la chho mek a ni tiin ML a hrilh a, khaw 75 VC ah 48ah ziak leh chhiar thiam lo 641 an awm tih report an dawn thu leh an zawn belh mek thu sawiin heng te hi ziak leh chhiar thiamtir vek thuai a tum thu a sawi a,project/scheme 75 lakhs a siam a ni,tiin ML zawhna a chhang

KS man tur tam

Tunlai hian police te chuan Aizawl khawlaia zanrei lama chetla nawhchizuar (KS) man tur an nei tam leh tan hle niin thudawn a ni. Heng mite hi 34 Police Act hnuaiah manin a then chu Home lamah lut turin rem an ruatpui thin a, an zingah hian intibuai thelh ngai pawh an nei fo niin police te chuan an sawi. Kar kalta mai khan Bawngkawn police te chuan intihbuai vangin mi 6 lai an man a, Aizawl P/S pawhin tunhnai hian an man deuh reng a ni.

Heng KS te hi kum 20-30 inkar an ni ber a, a aia naupang chu an tam lo niin police te chuan an sawi a. Anmahni dawrtu tur an zawnnaah hian taxi driver, zan lama service zingah thurualpui an nei thin niin an sawi bawk.


LAWMTHU SAWINA
Dt.17.4.09 a thlipui na tak tleh avanga chhiat kan tawh chungchangah Joint Disaster Management Committee Niawhtlang chuan kan chhiat tawh avanga min khawngaih a,min tanpuitute chungah lawmthu heng min tanpuitute 1.NL.Hmunsanga Rs.1000 Lengduna Rs.2000 V.Vanhupa Rs.3000 MTP Hqrs Rs.1000 DRDA Rs.4000 CYLA 3000 HC.Lalmalsawma Zasai Rs.1000 MTP Chhuarlung 5000 KH.Beithlalo Rs.3000 H.Sahlo,EM, LAD Rs.30000 ECM KTP Hqrs Rs.3000 S.Vadyu Rs.1000 YLA Sub-Hqrs Saiha Rs.2000 MTP Lungbun Rs.500 ECM Hqrs Rs.5000 Coordination Committee, Saiha Rs.70,000 leh buhfai engemawzat kan dawng a, tin, kan khaw thenawm, Lungbun, Chhuarlung leh Lungzarhtum ten hnatlang thawkin min pui bawk a,tin mimal leh chhungkua min lainat a sum leh pai, buhfai leh thawmhnaw min petute chungah kan lawm tak zet zet a ni.Tin, Local TV HS Vision leh NSV te an tha leh zung seng a a hmunah lokal a min cover sak avangin lawmthu kan sawi bawk.Kan chunga inthat nate leh min tanpui nate hi mimal tin hnenah kan sawi seng dawn lova, he chanchinbu kaltlang a kan lawmthu sawina hi min lo pawmsak turin kan ngen cheu a ni. Kan chunga in thil tihte hi keini chuan kan rul seng dawn lova, engkimtitheitu kan Pathian chuan malsawm in vur zel che u rawh se tih hi kan tawngtaina a ni.

Disaster Management Committee
Niawhtlang

Siamkungi exam mek

Lawngtlai ah S.Siamkungi chuan pawl 12 a exam mek a,a titha thawkhat niin ML a hrilh.Aizawl a Lelte Award dawnga kal kha a rawn haw lamah Lawngtlai ah exam-in a cham nghal char char a ni.Pu C.Dinthanga chuan Siamkungi hla chu a vaia ngaihthlak vek a chak thu ML a hrilh.

Beirona kha

Ng.Beirona a dam hunah East Bengal a zawm ang tih kha ziah sual palh a ni a,Ani hi inlamah a inenkawl mek a, a club zawm tur a chiang tih lo a ni zawk e.

* UCL-ah Manchester Utd chuan Arsenal 4-1 in an hneh a, Man.Utd zawng a hun takah an chetha leh mai thin a ni,tiin mi thenkhatin an sawi.

* Manchester City chuan Lionel Messi chu Barce lona atangin engzat pawh chhiar se sumah kan buai lo amah hi kan club chhan chhuaktu tur atan kan duh a,kan lei tho tho ang,tiin an hotupa chuan a sawi ta riap mai le.A hlawh tur pawh a tam thei ang ber kan siam ang,a ti zui.Hetih lai hian Barcelona hotute chuan Messi chu hralh lai a ni lo,tiin an sawi ve thung.
Manchester City hotupa chuan an Coach atan Jose Mourinho chu a lei dawn niin a sawi tel bawk.

Lionel Messi chuan Rela Madrid an sawp chu a lungawina ber a nih thu leh Barcelona a player te chu lungrual tak an nih thu a sawi a ni.